Hvaða hvaða...


Ætli þetta verði löng færsla? Ég held það, en þú veist það. Því þú getur bara kíkt neðar á síðuna og séð hvað ég nennti að skrifa mikið. Magnað. Allavega, ég hef ekkert verið allt of duglegur að skrifa hérna inná undanfarið og eru nokkrar ástæður fyrir því. Ég reyni að forðast það eins og heitan eldinn að blogga um það að blogga, því blogg sem fjalla bara um hvað fólkið hafi lítið að blogga um er leiðinlegt. Úff skrítin setning. En fyrst það er ennþá fólk sem kíkir ennþá hérna inn daglega þá er best að ég komi með útskýringu. Það hefur svosem verið helling að gerast hjá mér og þannig séð nóg að blogga um. En það hefur líka verið stefna hjá mér að blogga ekki bara um það sem ég er að gera heldur meira um það sem ég er að hugsa. En ég er að vinna það mikið að þegar ég kem heim og horfi á tölvuna og hugsa hvort ég ætti að skrifa þar niður hugsanir mínar þann daginn, þá laðar rúmið mitt meira. Ég er nottla líka að synda (þrátt fyrir að enginn skilji af hverju ég nenni því ennþá, ekki einu sinni ég) þannig að það bætir bara við þreytuna. Svo hefur dalandi aðsókn á síðuna líka sitt að segja. Ekki gaman að skrifa fyrir örfáa. Það er nottla mikið til fólk sem þekkir mig sem les þessa síðu og ef það veit ekki hvað er í gangi hjá mér en vill vita það, þá er það bara ekki nógu duglegt að hafa samband! (Ég veit að það er miklu auðveldara að segja svona heldur en að framkvæma það, ég er ekki nógu duglegur við þetta sjálfur). En nóg af bloggi um blogg.

Það eru svo fáir dagar í Hróarskelduhátíðina að það er alveg fáránlegt. Og það sem er ennþá fáránlegra er að ég er ekki einu sinni kominn með hnút í magann. Ég er eiginlega bara sáttur við það því þá væri biðin eftir hátíðinni verða erfiðari, og þegar maður gerir sér litlar vonir þá verður allt miklu skemmtilegra ef það heppnast vel. Ég held að hátíðin verði algjör helber snilld, það þarf amk eitthvað mikið að klikka til að svo verði ekki. Ég er kominn með flugmiðann í hendurnar og nú er bara að vona að það verði ekki pakkfull flugvél svo ég komist út á þeim tíma sem ég vill. Úff, ég fer út á mánudaginn. Og á morgun er laugardagur. Það er allt of stutt í þetta. Ég er ekki að fatta það. Dagskráin fyrir hátíðina er tilbúin þannig að ef þú vilt öfunda mig eitthvað meira en þú gerir nú þegar þá geturu kíkt á þetta. Metallica er strax á fimmtudaginn, svkaleg byrjun á hátíðinni maður. Iron Maiden og SigurRós eru ekki alveg á sama tíma þannig að ég get séð bæði. Þetta verður gaman. Hvenig segir maður "ég ætla að fá einn bjór... nei annars, láttu mig fá kassa!" á dönsku?

Ég held ég geti ekki búið einn. Ég myndi örugglega ekki meika það lengi. Þótt ég hafi kannski ekki viðurkennt það fyrir sjálfum mér þá er ég svakalega mikil félagsvera. Ég er einn heima núna og það er allt voða tómlegt. Er að spá í að hætta við að spara mig fyrir Hróarskeldudjammið og kíkja á djammið á morgun með vinunum. Ég á það skilið, búinn að vinna eins og sjúkur maður undanfarið.

Stundum vildi ég óska þess að enginn sem ég þekkti vissi af þessu bloggi. Þá gæti ég sagt svooo mkið af hlutum sem ég veigra mér við að segja hérna. Kannski ætti maður bara að stofna nýtt blogg undir dulnefni og skrifa þar allt sem maður má ekki hér. Hvenig væri það?

Viti menn, þetta varð svolítið löng færsla. Og ég skrifaði ekki nema brot af því sem ég var að hugsa. Stundum vildi ég að ég gæti bloggað gegnum sms. Það væri kúl. Þá væri fullt af litlum skrítnum færslum. Í staðinn eru bara langar skrítnar færslur. Um að gera að plögga þessa sms hugmynd einhverstaðar. En hvar? Jæja, það er kominn tími til að sofa. Rétt að leggja sig í þessa fimm tíma þar til vinnan byrjar. Það er erfitt að lifa svona. Tough luck. Good luck. Good night. Og já, Bruce Almighty er góð mynd. Svakalega fyndin á köflum, en ekki eins góð og hún gæti orðið. Sjáðana þegar hún kemur í bíó! Djöfull er maður alltaf langt á undan öllum. :þ
..:: max ::..

Hæ hó jibbý jei...


Ég komst loksins í bústað eftir dúk og disk. Og það tvisvar. Ég fór ekkert á laugardaginn. En á sunnudaginn fórum ég og cookie og goldeneye og kíktum í bústað, potturinn kominn og svona. Djöfull var það næs. Brunuðum svo í kef í gær og skiptum um bíl, tókum sundæfingu, pikkuðum Nong upp og brunuðum aftur í bústað. Pæliði að nenna þessu. En þetta var vel þess virði. Ýkt gaman í gærkvöldi og þvílíkt sem við getum hlegið að engu. Chilluðum svo í bústaðnum í dag, og þá meina ég sko chilluðum. Við gerðum svo ekki neitt að það er ekki fyndið. Ef einhver hefur nokkurntíman sagst hafa gert minna en við gerðum lá lýgur sá hinn sami. Við lágum bara eins og illa gerðar hrúgur og allt í einu voru liðnir sex klukkutímar! Það er gott að gera ekki neitt. Við hlógum að vísu áfram eins og fávitar og ég er endanlega búinn að sannfærast um að við séum allir geðsjúkir. En það er nú bara af hinu góða. Ða. Einkahúmor er frábær, en ég held ég sé alveg kominn með minn skammt fyrir vikuna eða mánuðinn. Nenni ekki einu sinni að brosa eða hlæja lengur. Svo er það bara vinna í tvo daga, frí í þrjá, og svo verður flogið til kóngsins Köbenhavn!! Roskilde baby!!! Gleðilega þjóðhátíð.
..:: max ::..

Nuff said


Eru allir hinir bara kýr sem ganga gegnum lífið og bíða þess að hausinn rúlli í sláturhúsinu, eða eru þeir líka öskrandi inní sér og þrá ekkert meir en að sleppa burt og lifa lífinu? Þetta er pæling sem kemur fram í myndinni The Good Girl með Jennifer Aniston, sem er alveg ágætis mynd. Alveg eins langt frá því að vera týpísk Jennifer Aniston mynd og hægt er, en það var líka örugglega tilgangurinn hjá stelpunni, hún vildi sanna að hún gæti leikið en ekki bara verið sæt. Og það tókst henni. Myndin er samt svolítið þung, því þemað í henni er einfaldlega lífið er ömurlegt, og ég held að stelpan hafi brosað einu sinni í myndinni. Það gerist aldrei neitt gott í myndinni, nema kannski einu sinni. Góð mynd samt, en ekki fyrir alla. Nokkrar góðar pælingar, sérstaklega í byrjun. Ég fíla myndir með pælingar.

Sá annars mjög vonda og skemmtilega mynd áðan. 2Fast 2Furious er vond mynd, alveg eins og ég bjóst við, en það eru flottir bílar í henni og nokkrir ágætir eltingaleikir. Afþreying sem skilur ekkert eftir sig, nema kannski löngun sem maður fær til að keyra bílinn sinn afskaplega hratt og helst klessukeyra hann líka. Annars hefur maður nú fengið að gera nokkuð af því í Alfa Romeoinum Pöndunnar Rex. Þarna var setning sem ég bjóst aldrei við að ég myndi nokkurntíman segja.

Lítið að frétta af mér, vinnuhelgi og svona. Samt furðu mikið að gerast þessa helgina hjá mér miðað við það, en þú hlýtur að hafa eitthvað betra við tímann að gera heldur en að lesa um það. Bústaður, pottur, partý, pottur, vinna, bústaður, pottur. Þetta er planið, sem nær alveg fram á mánudagsmorgunsþynnku ef allt fer að óskum. Nuff said.
..:: magchen ::..

Pollrólegur alveg


Helgin var alveg meira en viðburðarík hjá mér. Ég er svo búinn á því, ég er miklu þreyttari eftir fríhelgi en eftir vinnuhelgi. Á föstudaginn fór ég í mat uppá völl með aðlinum mínum gamla, og það var bara líka svona helvíti gaman. Eftir að við höfðum borðað þá fórum við í nýja drykkjuleiki, alltaf gaman að læra nýja svoleiðis. Svo varð ég nottla að stinga af í bæinn því technofríkið í mér braust út með látum. Stefnan var tekin á Broadway en snúið snarlega við þegar ekkert var í gangi þar. Það var búið að færa Pacha kvöldið niðrá Felix þannig að við fórum bara þangað. Það var helvíti fínt, dönsuðum eitthvað fram eftir nóttu og ég fór allt of seint að sofa miðað við hvað ég vaknaði snemma daginn eftir.

Á laugardeginum var svo útskriftarveisla hjá Höllu systur, hún var á viðskiptafræðibraut í HR og brilleraði þar eins og fjölskyldu okkar er lagið að sjálfsögðu (hehe, svaka montinn eitthvað). Eftir að hafa borðað kökur og drukkið bjór og spilað pílu (sem er fastur liður í öllum veislum hjá systur minni því mágur minn er pílukall og ég er að verða það líka) þá hélt ég í innflutningspartý hjá Atla vini mínum niðrá Hafnargötu. Þar var þrusufjör en öllum hent út klukkan eitt vegna krónískra kvartana nágrannanna á hæðinni fyrir ofan. Kíkti eitthvað á staðina hér í bæ en það var slappt að venju.

Var að koma af rúnt þar sem við nýttum græjurnar (með svaka bassaboxi í skottinu og öllu tilheyrandi) til hins ýtrasta með því að blasta meðal annars Cher og Meatloaf. Það var gaman, um að gera að misbjóða eyrunum annars lagið. Önnur tónlist hljómar bara mun betur eftirá. Ég er t.d. núna að hlusta á Still Loving You með Scorpions, þvílík nostalgía, ég man svo vel eftir þessu lagi síðan ég var lítill. Mæli með því. En jæja, vinnudagur á morgun sem þýðir að ég þarf að vakna klukkan hlálf fimm. Ég kveð að sinni. Hejhej.
..:: max ::..

Living History


Hillary Clinton er að hefna sín á eiginmanni sínum með því að græða fullt af seðlum á framhjáhaldi hans. Það er nú bara nokkuð gott hjá henni. Hún fær víst einhverjar átta milljónir dollara fyrir bókina sem hún er að gefa út, og held ég að fæstir myndu fúlsa við þeirri upphæð jafnvel þótt það þýddi að makinn hafi haldið framhjá þeim. Eða hvað? Annars er það af mér að frétta að ég er rétt í þessu á leiðinni í matarboðið uppá velli og var stungið uppá því við mig að ég tæki með mér hníf og myndi hefna fyrir strákinn sem var stunginn í Hafnarstrætinu um daginn. Ég held ég láti það ógert, þótt ég þekki bróður hans. Leiðinlegt að fá alla Kanana uppá velli á móti sér og svona, fyrir utan að ég er rólyndismaður með eindæmum. Pollrólegur alveg. Ég elska þetta orð, pollrólegur. Bloggari sem ég rakst á í dag (og ég er að fara að bæta henni í linkasafnið mitt og mun þar kalla hana Nuke The Whales) minnti mig á þetta og mun ég reyna af miklum mætti að nota þetta orð hvar sem færi gefst í næstu færslum. Góða skemmtun í kvöld! :)
Fleiri blogg sem munu bætast við fljótlega:Blogg dauðans og Nanna.
..:: magz ::..

Fyrirgefðu Einar...


Það er svakalega fínt að leggja sig í vinnunni. Jújú, stundum þarf maður að láta sér nægja að liggja á nokkrum þunnum teppum á hörðu gólfinu með lítinn flugvélakodda undir hausnum en þá verður maður bara að hugsa til allra litlu barnanna í Afríku sem fá ekkert að leggja sig í vinnunni. Maður er yfirleitt svo þreyttur af svefnleysi að maður rotast um leið og maður leggst þrátt fyrir aðstæður sem eru ekki hvítum, svörtum, gulum eða regnbogalitum mönnum bjóðandi. Það er annars merkilegt, og þyrfti helst að kalla mannfræðing til, að heyra allar þessar mismunandi hrotur í þessum köllum sem vinna með mér. Ég bíð bara eftir því að einhver þeirra vakni við að hafa sprengt í sér hljóðhimnuna! Þeir láta ansi hátt og eru frumlegir í þessu, allskonar hljóð sem þeir geta framkallað án þess að vita af því.

Nú eru einungis tæpir tuttugu dagar í Roskilde Festival og þó er ég lítið farinn að hlakka til. Þetta er nú svosem alveg að reddast og þó ég eigi ekki flugmiða enn sem komið er þá enda ég í Danmörku fyrr eða síðar. Það er nefnilega sjúklega mikið flogið til kóngsins Köbenhavn frá Íslandi og ef það er ekki eitt skitið sæti laust fyrir my skinny ass í einni af þessum vélum þá... þá... kemst ég bara ekkert út á réttum degi. Ég verð nefnilega að fljúga á standby því ég nota frímiða en ég er ekkert að kvarta því ég fæ ferðina á kúk og kanel. Ef ég kemst svo ekki heim á mánudeginum þá get ég gist í Köben hjá vinkonu mömmu minnar sem á heima rétt hjá flugvellinum þannig að þetta verður allt í himna lagi held ég barasta. Ég held samt, þrátt fyrir litla sem enga tilhlökkun, að þetta verði alveg sjúklega gaman. Ég veit að minnsta kosti að ef ég væri ekki búinn að kaupa mér miða á hátíðina núna og allt liti út fyrir að ég færi ekki þá væri ég á meiri bömmer en mamma ykkar eftir að þið komuð í heiminn. Af hverju þurfti ég að koma með skot á alla sem lesa þetta svona uppúr þurru spyrðu kannski núna. Og svarið færðu ekki.

Úbs. Þessi frétt fékk mig til að velta vöngum yfir því hvort þetta sé mér að kenna. Það brotnaði eitthvað spjót í fluginu hjá smáþjóðaleikaliðinu á leiðinni út, og ég var að hlaða flugvélina þeirra! Það var vesen að koma þessum spjótum og stangastökks-stöngum fyrir, en það gekk alveg. Held að ég hafi ekki brotið neitt. Annars tók ég töskuna hans Gulla og hans Birkis og strípaði þær með böndum sem eru notuð til að festa niður viðkvæma hluti. Ég setti alveg fulllt af strípum á þær báðar og batt milljón hnúta þannig að það var hellings vesin að losa þetta og þeir vönduðu mér ekki kveðjurnar þegar þeir komu út. Afraksturinn má meira að segja sjá í Mogganum s.l. mánudag, framan á íþróttasíðunum! Þar er mynd af Gulla og Ödda að koma á hótelið, og taskan hans Gulla er neðst á myndinni og alveg í klessu! Það var ýkt fyndið að sjá þetta. Lítið má maður gera án þess að það byrtist mynd af því á forsíðu moggans. Eða svona næstum.

Þessi helgi verður all svaðaleg. Á morgun fer ég uppá kanavöll þar sem ég er boðinn í mat því vinkona mín hún Bjarney er að flytja til Ameríku fljótlega. Aðallinn minn gamli verður þar og það verður voða gaman held ég. Ódýrt áfengi amk! Og það veit á gott. Annars langar mig rosalega mikið að enda á Broadway þar sem einhverjir snillingar ætla að blasta techno tónlist í hæsta gæðaflokki. Þar verða dansarar í búrum og ef ég þekki yours truly rétt þá mun hann reyna að toppa þá alla með tölu í dansinum! Djöfull finnst mér gaman að taka flippið með svona tónlist og sérstaklega við svona aðstæður þar sem mikið er lagt í allt saman, hljóð og ljós og umhverfið og svona. Úff. Ég er búinn að ætla að fara á hvert einasta af þessum Dreamworld kvöldum sem hafa verið haldin á Broadway, en það er bara næstum enginn sem ég þekki sem fílar þessa tónlist jafn mikið og ég þannig að enginn nennir með mér. Dem. Hér með lýsi ég eftir einhverjum sem langar að koma með mér á Broadway og eiga rólega kvöldstund yfir rjúkandi kaffibolla við dúndrandi techno tónlist frá einhverjum snilldar plötusnúðum einhverstaðar úr Evrópu. =>8671186.
..:: magchen in techno action ::..

Í fréttum er þetta helst


Ég horfi voða lítið á fréttir. Ég hef verið ásakaður af fjölskyldumeðlimum að ég fylgist ekki nógu vel með og sé ekki inní heimsmálunum og sé ekki nógu góður samfélagsþegn fyrir vikið. Ok, kannski ekki alveg með þessum orðum en það var ýjað að öllu þessu. Málið með fréttirnar er alveg eins og málið með mig og pólitík. Ég er bara búinn að mynda mér skoðun á þessu, og ég fíla þetta ekki. Fréttirnar endurspegla enganveginn þjóðfélagið eins og það er, eða lífið í heiminum í dag. Þær draga fram það versta á öllum vígstöðvum og spara ekki stóru orðin. Ef maður eyðir lífinu í að velta sér uppúr sora heimsins, hvað ávinnst þá? Ekkert. Maður græðir ekkert af því.

Ok, tvöhudruð manns dóu í Ísrael því að einhver heilaþveginn hálfviti sprengdi sig í loft upp á lestarstöð. Auðvitað er þetta hrikalegur og ömurlegur atburður en er ég betri maður fyrir vikið ef ég horfi á brennandi líkin í beinni útsendingu á CNN? Nei. Þetta er langt frá mér og mig langar ekki að heyra um þessa hluti. Fyrir utan að við fáum bara að heyra eina hlið málsins. Við erum mötuð á fréttum, sumt fáum við að vita og sumt ekki. Þeir sem fylgjast grant með "gangi mála í heiminum" í gegnum íslenskar fréttastofur eru svo gott sem engu nær. Lífið er ekki svo einfalt, maður gerir sér ekki einu sinni grein fyrir því hvað ritstjórar hafa mikil völd. Þeir ráða því sem við sjáum. Hvernig getum við mögulega myndað okkur rétta og vel ígrundaða skoðun á því sem er að gerast ef við heyrum bara eina hlið málsins?

Ef maður horfir á fréttirnar þá gæti maður farið að halda að það eina sem á sér stað í heiminum sé stríð og eymd og volæði. Fáir komast í fréttirnar ef þeir lifa lífinu vel og samviskusamlega og eru góðir við náungann. En því fleiri sem þú drepur því fleiri þekkja nafnið þitt. Það er sá raunveruleiki sem við búum við í dag. Þannig að fyrirgefðu ef ég sest ekki fyrir framan sjónvarpið klukkan sjö hvert kvöld til að horfa á nýjasta skammtinn af rjúkandi saklausu fólki sem lét lífið útaf einhverju sem ég gat ekkert gert að. Frekar langar mig að fara út og láta sem lífið sé gott, því ég trúi því. Og ef ég hef rangt fyrir mér, so be it. Ignorance is bliss.

Somebody elses problem


Ef ég ætti hundraðkall fyrir hverja einustu krónu sem ég hef eytt um ævina þá væri ég ríkur. Annars er það að verða ríkur ekkert mikið mál fyrir mig, eða þú veist, ekki mikið forgangsatriði. Mig langar bara að eignast nægan pening til þess að þurfa ekki að hugsa um peninga. Ætli maður sé þá ekki orðinn ríkur. Mér finnst samt menn vera ríkastir (í alvöru) sem eiga fullt af börnum. Það er sko ríkidæmi. Ég hef allaf hugsað það þannig að ef maður eignast barn þá er það auðvitað erfitt að sumu leyti, en það er svo mikil hamingja að það vegur það algjörlega upp. Þú hittir ekkert foreldri sem segir, djöfull sé ég eftir því að hafa eignast þessa helvítis krakka maður, nema þá í algjörum (og heimskulegum) undantekninga tilvikum. Því álykta ég að það hljóti að vera það besta sem maður getur gert við lífið er að eignast fullt af krökkum og hafa þannig mikið líf og mikla hamingju í kringum sig.

En þetta með undantekninguna. Hvað er málið með orðatiltækið sem segir að undantekningin sanni regluna? Ég hugsaði það þannig um daginn að fyrst það sé til undantekning þá hljóti að hafa komið einhver regla fyrst og þannig sanni undantekningin regluna. Ég hef borið þetta undir nokkra en fáir virðast sammála mér. Samt gat enginn komið með betri skýringu og því held ég því ennþá fram að ég hafi rétt fyrir mér.

Ég á miða á Hróarskeldu en engan flugmiða. Jay. Þess vegna er ég ekki farinn að hlakka til ennþá, ég þori því ekki. Hvað ef ég kemst ekki? Ef allt fer á versta veg þá kaupi ég mér kakóbrúsa og syndi svo til Danmerkur. Það getur nú ekki verið svo lengi gert.

Ég var kominn á fremsta hlunn með að senda Stony McGee (Jómba) til Aþenu hið fyrsta þegar ég las Moggann í dag. Það er allt í fokki í sambandi við undirbúning Ólympíuleikanna og ég held þeir þurfi Stony til að redda þessu. Hann þyrfti ekki annað en að standa þarna nálægt og segja "Þetta reddast!" og þá myndi allt einhvernveginn á fáránlegan hátt bara reddast á síðustu stundu. Þetta gæti verið vinnan hans þangað til í ágúst 2004. Þá myndi þetta allt saman reddast, ég lofa því.
..:: o sole mio ::..

Reality... bites? ...og kisur.


Ég hef verið að hugsa svolítið um raunveruleikann undanfarið. Öll þekkjum við (leyfi ég mér að fullyrða) að eitthvað sem maður gerir að kvöldi til og virtist vera alveg brilliant hugmynd er ekkert nema heimskulegt daginn eftir og maður sér eftir því um leið og maður vaknar. Þá er ég ekki að tala um eitthvað fylleríisröfl heldur bara að heilinn fúnkerar ekki alveg nógu vel þegar klukkan er orðin of margt. Ég held nefnilega að raunveruleikinn sé mestur þegar maður vaknar og svo dvíni hann eftir því sem líður á daginn. Svo þegar maður er orðinn of þreyttur, jafnvel kominn í svefngalsa þá er raunveruleikinn í lágmarki. Ég tala nú ekki um þegar maður er í glasi og jafnvel að halda partý. Að vakna daginn eftir og sjá að allt er í rúst og eiga eftir að þrífa í þynkunni, það er raunveruleikinn að slá þig í framan með blautri tusku. Þá erum við eins og hundur raunveruleikans og hann er að nudda okkur uppúr pissupollinum sem við migum útí horni af því að við vissum ekki betur. Munurinn er bara að við lærum ekki af reynslunni eins og hundarnir. Jæja, ég er alveg að missa mig í samlíkingunum hérna. Nóg af persónugerfingum um raunveruleikainn. Ef þið viljið fleiri þá er bara að láta vita! Hehe. Ég þyrfti að fara að semja ljóð aftur. Ef ég man rétt þá kunni ég það einu sinni.

Ef þetta er ekki sæt mynd þá veit ég ekki hvað. Mig langar í kisu. Við áttum einu sinni kisu. Svo tók móðir mín sig til og myrti hana. Það var ekki skemmtileg upplifun. Ég var í mestu uppáhaldi hjá henni alla tíð og hún lá stundum ofan á sænginni minni þegar ég svaf. Líka gott að hafa gæludýr í húsinu þegar maður er einn heima, það er bara eitthvað þægilegt við það að vita af einni sál nálægt sér hvort sem það er manneskja eða köttur eða hundur eða ormur. Ok, kannski ekki ormur. En Tinnu var alltaf gott að hafa hjá sér, rólyndis köttur, matvönd með eindæmum og með mikinn persónuleika. En móðir mín sá ekki fegurðina í henni lengur þegar hún var farin að fæla burtu fólk sem hrúgaðist inn í fjölskylduna og tók því heilsu þeirra fram yfir Tinnu (sem by the way var búin að vera miklu lengur í fjölskyldunni heldur en þetta nýja fólk og ég þekkti hana mun betur líka). Tinna var því svæfð fyrir tveimur árum síðan ef ég man rétt og við höfum ekki eignast annað gæludýr síðan. En þegar maður sér svona myndir þá langar mann fátt meira en að hafa lítinn kettling í húsinu til að leika við og kúra með. En móðir sú sem tíðrætt hefur verið um í þessari færslu tekur það ekki í mál. Maður verður nú barasta að fara að drulla sér að heiman, burt úr harðræðinu, burt frá mæðrum sem myrða vini manns. Vill einhver taka mig að sér? "Karlmaður á barnsaldri leitar að samastað og uppihaldi, no questions asked. Ekkert í því fyrir þig, bara leiðindi og volæði." Ég held að þessi auglýsing myndi slá í gegn í Fréttablaðinu. Eða... nei. Mig langar í kött.
..:: catmandu ::..

Oh happy day!


Já það var gaman í dag. Ég vaknaði klukkan átta og skellti mér í bæinn með Goldeneye þar sem var tekin sundæfing í Kópavogi, geðveikt veður, bara heiðskýrt og læti. Skemmtileg æfing, og svo var auðvitað kíkt í heitapottinn og sólað sig smá áður en maður kom sér uppúr. Á heimleiðinni var að sjálfsögðu komið við í Kentökkí í Hafnarfirði og einn Tower Zinger Barbeque fékk að kenna á svengd minni og aðrir viðstaddir fengu sér að sjálfsögðu það sama! :)
Svo skelltum við okkur í Kef þar sem ég og Goldeneye og Cookie fórum í körfubolta alveg heillengi og það var nottla geggjað veður í Kef líka þannig að það var ekki leiðinlegt. Svo skelltum við okkur í Bláa Lónið og það var alveg svaðalega fínt. Stappað af fólki en samt ekki of mikið. Sundsysturnar kíktu með okkur, bara gaman að því. Auðvitað sólaði maður sig eins og mest maður mátti og kíkti á mannlífið (stelpurnar). Ég bið að heilsa stelpunni með flotta rassinn, erfitt að horfa á eitthvað annað maður, úff. :)
Eftir lónið fórum við svo út að borða í Keflavíkinni, að sjálfsögðu var það þjóðarréttur Íslendinga sem varð fyrir valinu, píddsa og kók. Þökkum LangBest kærlega fyrir. Svo slúttuðum við Goldeneye og Cookie deginum með því að taka tvo hringi á púttvellinum og ég endaði kvöldið með stæl. Ég var að brillera á seinni hringnum en klúðraði svo síðustu holunni og var ekki sáttur... Við skulum bara segja að pútterinn minn hafi látist. Útför verður gerð frá Keflavíkurkirkju á sunnudaginn klukkan 2.
Þetta var semsagt mjög skemmtilegur dagur, þakka Goldeneye og Cookie kærlega fyrir! :) Vonandi áttuð þið líka góðan dag, nógu gott var veðrið að minnsta kosti! Og svo vil ég að lokum bjóða Norsarana velkomna heim! Verðum að fara að halda partý (eins og við segjum alltaf en stöndum aldrei við...). Við bara verðum! En núna er ég alveg búinn eftir þennan annasama dag. Held ég fari og fylli baðið af AfterSun og liggji þar í klukkutíma áður en ég fer að sofa. Húðin mín er rauð, rauðari en hárið mitt, og þá er nú mikið sagt! Ég sé fram á að verða mjög brúnn og sætur í sumar! Gaman að því! :)
..:: james brown ::..

K.O.


Djöfull sáum ég og Mulletinn góðan slag um helgina! Við vorum niðrí bæ á torginu með öllum sölubásunum (man ekkert hvað það heitir) og vorum að fá okkur að jéta, as you do. Allvega, við vorum bara þarna í hægðum okkar og sjáum við þá ekki fólk hópast í kringum einhverja vitleysinga. Við nottla komum úr Kebblaík og erum aldir upp við svona og máttum ekki missa af neinu og fórum þess vegna úr pulsubiðröðinni til að sjá slagsmálin. Og viti menn, þetta voru stelpur! Alveg snar klikkaðar stelpur og held ég einn strákur líka. Strákurinn var víst búinn að lemja eina stelpuna í klessu og hún var þarna hágrenjandi og blóð útum allt!! Fólk var takandi tillhlaup og sparkandi í mann og annan og oftast voru það stelpur. Þessi blóðuga var grenjandi og hrækjandi blóði á alla sem voru búnir að gera eitthvað. Maður vorkenndi henni nottla, hún var alblóðug aumingja stelpan og grátandi, en þetta voru samt góð slagsmál! Mulletinn gat nottla ekki annað en gantast svolítið og gekk hnarreistur kringum fólkið eins og hann væri á háum hælum og hélt höndunum uppi eins og hann héldi á svona spjaldi sem á stendur hvaða lota er að fara að byrja (þúst, eins og stelpurnar í bikíníunum í boxinu)!! Ég hélt ég myndi pissa í mig úr hlátri, þetta var ógeðslega fyndið. Annars þurfti ekki annað en að öskra uppyfir sig útí loftið "báááuu!!" til að við myndum deyja úr hlátri þetta kvöld! Þetta er einkahúmor dauðans, sem eins og allir vita er besti húmorinn. Þetta var amk snilldar bæjarferð þrátt fyrir að við værum bara tveir. Gaman að geta þess að það að við Mulletinn getum hangið tveir saman og látið eins og fávitar og skemmt okkur konunglega veit á gott því við förum líklegast saman í heimsreisu á næsta ári við þriðja mann! Það verður eflaust ekki leiðinlegt.
..:: mag ::..

Childhood memories


Vá hvað ég er mikið eftirá! Ég gleymdi alveg að minnast á Ungfrú Ísland keppnina þegar hún var og núna er hún löngu búin! Og ég ætla því bara að segja eitt, til hamingju Steinunn!!! Ég fylgdist voða lítið með þessu enda var það algjör óþarfi (og ég er ekki með stöð 2). Þegar Steinunn tekur þátt þá eru úslitin bara sjálfgefin. Ég varð skotinn í Steinunni þegar hún var í 6. bekk og ég var í 5. bekk. Ég hefði eflaust verið skotinn í henni fyrr en ég átti bara ekki heima í sama landshluta og hún fyrr en þá. Mér þótti hún ótrúlega falleg og tók alltaf eftir henni hvar sem hún var þótt hún vissi eflaust ekki að ég væri til. Svo liðu árin og Steinunn varð bara fallegri (veit ekki alveg hvernig það var hægt en svoleiðis var það) og ég kynntist henni svolítið. Það var fyrst í gegnum fjölskylduna því fjölskyldur okkar tengjast. Svoldið skrítnum böndum en samt, mamma mín var í pössun hjá ömmu Steinunnar og svo passaði mamma barn hennar seinna (ss pabba Steinunnar). Við semsagt höfum talað nokkrum sinnum saman og þekkjumst svona smá. Það er heldur ekki nóg með að hún sé svona falleg því hún er alveg frábær manneskja. Það kom fáum á óvart þegar hún vann Ungfrú Suðurnes og ég var viss um að hún myndi vinna Ungfrú Ísland líka, sem hún gerði með glæsibrag! Það verður gaman að fylgjast með henni keppa erlendis því hún á örugglega eftir að standa sig vel og gera okkur stolt af sér! Efast um að hún lesi þetta en ef svo vildi til þá segi ég aftur, til hamingju! Kannski hittumst við aftur og spjöllum í heitapottinum. Hver veit! :)

Svo vil ég benda á snilldar sögu hjá Tomma Young frá Tælandi. Þetta er helvíti mögnuð saga og ef hún er sönn (sem ég efast svosem ekkert um) þá fær hún mann til að hugsa... Galdrar og fáránlegar tilviljanir og læti! Ætli gaurinn hafi verið að feika þetta og ef svo er hvernig í andsk. fór hann að því!!!?
..:: max ::..

Það líður að jólum...


Rauðhærður drengur. Skrifborðsstóll og tölva. Heyrnartól og lyklaborð. Tónlist og tikk. Herbergi með bláum og hvítum veggjum á víxl og svartar mublur. Smá drasl, föt, geisladiskar og bækur. Óumbúið rúm. Rauðhærður ráðvilltur drengur. Hann skrifar eitthvað inn í tölvuna. Eitthvað um umhverfið í kringum sig. Af hverju, veit hann ekki. Kannski af því að honum datt ekkert annað í hug... Neeeii... Það hefði verið einfaldasta lausnin og sú sem flestir hefðu giskað á en það er rangt. Ástæðan er örlítið flóknari. Þessi fjörurra ára drengur (þótt standi á fæðingarvottorðinu hans að hann verði tuttuguogeins árs í sumar) hefur nefnilega ýmislegt að segja frá en honum finnst eins og hann hafi sagt frá því áður og væri bara að endurtaka sig. Hann hefur haldið því fram áður að hann sé eins og ólétt kona. Ekki af því að hann er með stóran maga og borðar fyrir tvo (því það er ekki raunin), heldur af því að hann hefur skapsveiflur á við nashyrning. Kannski er óléttu konu dæmið ekki svo góð samlíking. Hann er frekar eins og unglingur. Unglingur sem veit ekkert hvað hann vill, með rokkandi sjálfsálit eins og býfluga og... ægifagurt rauðleitt hár sem minnir á sólarlag á Bali. Mér finnst að hann ætti að skrifa bók. Og í við biðjum til guðs að hann skrifi ekki um sjálfan sig því það væri ekki skemmtileg lesning. Þá myndi enginn kaupa bókina og þá myndi aumingja strákurinn með rauða hárið sem er jafn rautt og tómatar eru grænir áður en þeir verða rauðir hafa enn meiri ástæðu til að efast um sjálfan sig. Viðurkenning er kannski það eina sem vantar hér. Kannski frekar léleg ástæða til að gera nokkurn skapaðan hlut en hey, ert þú fullkomin/n? Hélt ekki.
..:: drengurinn með hárið sem er jafn rautt og rauða hafið er blátt ::..

Voða mikið að segja


Já ég hef voða mikið að segja núna.
Ég bara nenni því ekki.
Samt, alltaf þegar ég sezt niður og ætla að skrifa stutta færslu um eitthvað þá verður hún alveg fáránlega löng.
Að vísu eru stuttar færslur ekki mín sérgrein, ég hef bara alltaf svo mikið að segja.
Annað hvort það eða þá að ég kem mér bara aldrei að efninu.
Eins og núna.
En nóg um það.

Ég tók þessa fríhelgi með trompi og djammaði eins og geðsjúkur maður.
Fín helgi.
Júróvisjón og svona.
Ég endaði í höfuðborginni bæði á föstudags og laugardagskvöld.
Að vísu endaði ég heima hjá mér bæði kvöldin, en þú fattar.
Það var gaman í bæði skiptin.
Ekki mikið meira um það að segja.
Heimskuleg færsla maður.
Svo mörg voru þau orð.
..:: whaa? ::..

Open your heart


Júróvisjón er á næsta leiti (duh) og ég man bara ekki eftir öðru eins umstangi. Annað hvert orð sem maður heyrir er Júróvisjón og hitt orðið sem kemur inn á milli er iðulega Birgitta. En þrátt fyrir öll lætin þá fer þetta alls ekki í taugarnar á mér. Þvert á móti finnst mér frábært hvað Íslendingar eru rosalega mikið 'hype' fólk. Svona hlutir sem koma upp og eiga hug og hjörtu þjóðarinnar allrar í smá tíma. Þá er ég ekki að tala um þegar klámmyndastjarna (ron jeremy) eða fávitar (jackass) koma til landsins og varla er talað um annað, heldur eins og þegar handboltaliðinu gengur vel eða allir halda að við vinnum Júróvisjón! Að vísu held ég að flestir átti sig á því að það eru hverfandi líkur á því að við vinnum en finnst gaman að halda því fram vegna þessa gríðarlega áhuga sem þjóðin hefur á þessari keppni. Uppáhalds hobbý þjóðarinnar er að sameinast um að elska eitthvað svona mikið, og auðvitað er eðlilegt að það myndist smá svona love/hate samband í bland. Fólk fær nóg af þessu og auðvitað er það skiljanlegt. En ég mun horfa á imbann á morgun eins og flestir og hlægja að hallærislegu þjóðunum og dást að því hvað við Íslendingar stöndum okkur alltaf vel. Ég spái fimmta sætinu og tel það þó bjartsýnisspá. Ég held að við megum alveg vera sátt við hvaða sæti sem er ofan við 10. sætið. (eða ofan við 16. sætið??) Ef þú ert ekki enn búin/n að skoða bloggsíðu Gísla Marteins og Loga Bergmanns þá legg ég til að þú gerir það því hún er ákaflega skemmtileg. Hún er hér.

Ég fór uppí bústað í dag og gerði mest lítið nema liggja í sólbaði. Eins og rauðhærðum sæmir brann ég vel og stend því vel undir nafni síðunnar sem raunamæddur rauðhærður einstaklingur. Nei nei, þetta er nú ekki svo slæmt, fínt að fá smá lit þegar rauði liturinn dofnar (eftir svona hálft til eitt ár). Ég ætla samt að hrista af mér allan kláða með því að fá mér strumpameðal (áfengi) og skella mér í höfuðstaðinn að leita að stemmningu. Eflaust finn ég hana, því ef hún finnst ekki þá er ég þekktur fyrir að búa hana bara til úr engu! (nema strumpameðali og góðu skapi, stundum of góðu!)
..:: haukdal? ::..

The Truth Is Out There...


Lífið gengur sinn vanagang. Ég er enn fastur í hausnum á mér, fastur í heimi alvarlegra, ekki svo alvarlegra, heimskulegra, skemmtilegra og fáránlegra pælinga og allt þar á milli. Ég sé ekki fram á náðun í bráð þannig að hér verð ég að dúsa og hugsa minn gang. Þó finnst mér eins og ég sé að bíða eftir vitrun. Ég fékk eina slíka um daginn í mjög merkilegu partýi en sú hafði ekki mjög mikil áhrif á líf mitt og því var þetta svona eftirá litið einungis minniháttar vitrun. Ég finn það samt að ég er á barmi mikillar uppgötvunar. Ekki fyrir heiminn, ekki einu sinni fyrir Ísland og ekki einu sinni fyrir fólkið sem neyðist til að umgangast mig og mínar pælingar dag frá degi. Einungis fyrir mig. Hvernig ég ætla að lifa lífinu. Ég held það kallist að verða fullorðinn. Bara svona einn daginn, bam! Og þá veit ég það. Ekki endilega eitthvað sem ég get komið í orð heldur bara eitthvað sem ég veit. Bara svona, já auðvitað! Svona virkar þá heimurinn og ég. Eða kannski er ég bara að verða geðveikur. Ah, hverjum er ekki sama. Ignorance is bliss.
..:: who? ::..

Human behavior


Ég þoli ekki þegar fólk verður fúlt útí mann og segir manni ekki af því. Hvernig á maður að geta leiðrétt misskilning eða afsakað gjörðir sínar ef maður veit ekki einu sinni af því að fólk sé eitthvað fúlt. Baktal og vesen er alveg óþolandi. Ég kynntist manneskju um daginn sem eipar alveg ef hún kemst að því að einhverjir voru að tala um hana. Þótt hún viti að það hafi ekki verið neitt slæmt sem væri verið að segja um hana, bara ef einhver er að tala um hana þá verður hún alveg móðursjúk og heldur að það sé eitthvað samsæri í gangi. Sú manneskja lenti að vísu í einelti þegar hún var yngri og þetta sýnir vel hvað einelti getur farið hrikalega illa með fólk. En það er ekki það sem ég er að tala um. Ég komst að því í dag að vinur minn sé eitthvað fúll útí mig og algjörlega á fáránlegum forsendum. Þetta er bara misskilningur sem þarf að leiðrétta, en ef fólk lætur ekki vita af svona hlutum geta þeir bara smitað útfrá sér. Speak your mind people.

Svona hlutir eru líka í gangi á fleiri vígstöðvum í mínu lífi. Ég nenni bara ekki að lifa lífinu með einhverja grímu eins og sumir gera. Lifa í lygi. Þá byrgist bara upp einhver reiði í fólki sem erfitt er að losna við. Hreinskilni er mikilvæg. Ég er ekki að tala um að maður eigi að segja allt sem maður hugsar, en ekki vera með einhverja uppgerð. Ekki smjaðra við fólk og snúa sér svo að næsta manni og drulla yfir þann sem þú varst að brosa til og jafnvel sleikja upp. Það veit aldrei á gott. Ég þekki líka manneskju sem hefur aldrei neitt gott að segja. Hún talar og talar og talar en alltaf um vandamál sín og annarra. Kannski lifir hún bara svona fáránlega erfiðu lífi, en það er hrikalega leiðinlegt að umgangast svona fólk sem aldrei hefur neitt jákvætt að segja. Megas sagði það best (þó ekki fyrstur manna): Ef þú smælar framan í heiminn, þá smælar heimurinn framan í þig!
..: m ::..

Blank canvas


Mér finnst ég vita svo lítið. Ég er eins og óskrifað blað. Blank canvas. Mér finnst ég bara hafa verið að fæðast og að ég eigi allt eftir. Að lífið sé rétt að byrja. Þetta er bæði góð og slæm tilfinning. Góð að því leiti að ég get gert allt sem ég vill. Ég á svo mikið eftir og að öllum líkindum verður það gott líf og eitthvað sem ég get hugsað um þegar ég er orðinn gamall og verið ánægður með. Tilfinningin er slæm að því leiti að ég veit ekkert hvað ég vill og möguleikinn er alltaf fyrir hendi að eitthvað klikki. Að ég eigi eftir að sjá eftir einhverju, einhverri stórri ákvörðun. En í raun og veru eru engar rangar ákvarðanir. Maður þarf ekki að sjá eftir neinu, sama hversu heimskulegt eða misheppnað það var. Það er bara eitthvað sem er komið í reynslubankann og hluti af því sem gerir mann að þeirri persónu sem maður er. Af hverju er maður þá svona hræddur við þessar stóru ákvarðanir?

Ég er ekki eins og þeir sem segjast ekki sjá eftir neinu þegar þeir eru spurðir hvort það væri eitthvað sem þeir myndu vilja breyta um líf sitt. Ég sé eftir ýmsu, frekar sem ég hef ekki gert heldur en ég hef gert, en sú eftirsjá er tilgangslaus. Stundum hugsa ég fram í tímann, bara stutt, kannski nokkra daga, og segi "Vá hvað ég hlakka til þegar þessi dagur er kominn því þá verð ég búinn í prófum!" eða eitthvað álíka. Undanfarið hef ég gert meira af því að kunna meta stundina sem ég lifi í í ljósi þess sem ég hef hugsað áður. Í gær eða í síðustu viku eða jafnvel fyrir nokkrum árum. Hugsa um þegar ég var veikur hvað ég óskaði þess að vera það ekki og að ég myndi virkilega njóta þess þegar ég loksins kæmist á lappir aftur. Og það að njóta þess gerir mikið fyrir mann. Maður er þakklátur fyrir það sem maður hefur og þá virðast líka öll þau "vandamál" sem maður stendur frammi fyrir þá stundina vera svo smávægileg. Þegar maður lendir í óhappi, keyrir á eða eitthvað, þá hugsar maður kannski "Ég vildi að ég gæti skippað viku fram í tímann þegar þetta er löngu liðið og ég hættur að velta mér uppúr þessu" en hversu magir hugleiða það eftir viku hvað það er auðveldara að vera til þá stundina heldur en oft áður? Stundum þarf maður að stoppa aðeins og hugsa um hvað maður er í raun heppinn.

Kannski fór ég pínulítið útfyrir efnið sem ég var að tala um í byrjun... en þó ekki. Ég held nefnilega að í framtíðinni mun ég hugsa til baka og segja með sjálfum mér "Þegar ég var tvítugur gat ég gert hvað sem ég vildi og mér stóðu allar dyr opnar, og núna...". Það sem ég vill er góður endir á þessa setningu. Ég vill vera ánægður með val mitt og horfa ekki til baka með eftirsjá, eins tilgangslaust og það er. Ég vill ekki endilega vera bestur eða ríkastur eða eitthvað, heldur bara gera mitt besta. Og ætli svarið sé ekki að hvað sem ég geri það er mitt besta. Ég hefði ekki getað gert það neitt öðruvísi þegar það er liðið, og þess vegna ætti ég að hætta að velta mér uppúr svona spurningum og lifa bara lífinu. Hitt kemur að sjálfu sér! Læra að elska spurningarnar stóð einhverstaðar. Það er nú hægara sagt en gert. Maður getur ekki annað en reynt og vonað það besta.
..:: blanky ::..

Er ég skrímsli...?


"Að dómi Sabínu er því aðeins hægt að lifa í sannleika, að ljúga hvorki að sjálfum sér né öðrum, að maður sé laus við áhorfendur. Um leiða og við höfum vitni að því sem við gerum, semjum við okkur, hvort sem okkur líkar það betur eða verr, að augnaráði þess sem á okkur horfir og ekkert verður satt sem við gerum. Það að hafa áhorfendur, að hugsa sér áhorfendur, er að lifa í lygi. Sabína fyrirlítur þær bókmenntir þar sem höfundurinn skýrir frá einkalífi sínu og vina sinna. Sá sem glatar einkalífi sínu á ekkert eftir að dómi Sabínu. Og sá sem lætur það af hendi af fúsum og frjálsum vilja er skrímsli."

Sabína hefði örugglega ekki verið mjög hlynnt bloggum það get ég sagt ykkur. Lifi ég í lygi? Er ég skrímsli?! Það er alveg þess virði að velta því fyrir sér held ég. Þetta var brot úr Óbærilegum léttleika tilverunnar sem ég er ennþá að lesa (en alveg að verða búinn með). Ýmislegt sem ég fíla mikið í þeirri bók. Ýmsar pælingar. Næst les ég örugglega Eva Luna eftir Isabel Allende. Móðir mín talaði svo ákaflega vel um hana að ég held ég geti ekki annað en lesið hana. Einhver sem getur mælt með henni eða jafnvel rakkað hana niður? Ég er opinn fyrir öllu. Ég ætla að reyna að lesa margar bækur í sumar. Hef ekki verið nóg duglegur við það undanfarin... ár.

Margar pælingar voru líka í Matrix Revolutions sem ég sá í gær. Næstum of margar. En þetta var mjög skemmtileg og ótrúlega flott mynd. Hasarmynd í hæsta gæðaflokki. Ég gapti amk yfir mörgum atriðum og þótt mörgum hafi þótt að þeir færu yfir strikið þá fannst mér það allt í lagi því það var viðbúið. Myndin er ekki gallalaus, en hún er virkilega góð og úrvals skemmtun. Þrjár og hálf stjarna af fjórum. Tæknibrellurnar eru bara svoooo flottar. Mæli með því að þið sjáið hana í bíó því annars næst fílingurinn ekki nærri eins vel. Og að horfa á The Matrix á undan er sniðugt því þessi mynd byrjar um leið og maður er kannski ekki alveg nógu vel inní þessu ef það er langt síðan maður sá fyrstu myndina. Annars stefnir allt í mjög rólegt laugardagskvöld hjá mér. Vinnuhelgi og svona. Sem þýðir að ég þarf að vakna kl. fimm (þegar vinirnir og flestir aðrir eru ennþá að djamma!! Dem.) En næsta helgi, Júróvisjónhelgi, verður svakaleg! Ég veit nú ekki alveg hvað verður haft fyrir stafni en það verður djammað ég get sko lofað ykkur því! Jay!
..:: maggggg ::..

matrixxxx...


Þá er komið að því. Ég er að fara að sjá aðra myndina í Matrix tríólógíunni í bíó. Ekki það að ég hafi verið að bíða eftir henni með kúkinn í buxunum eða eitthvað, ekki nema síðan ég sá treilerinn í fyrsta skipti sem var fyrir nokkrum vikum. VÁ hvað þessi mynd er flott. Við strákarnir erum að fara að glápa á mynd númer eitt svona til að koma okkur í gírinn og svo verður farið í bíó hér í Keflavík kl. 11. Þetta verður eitthvað magnað.

Rakst á soldið skemmtilegt um daginn. Það er amk skemmtilegt fyrir þá sem hafa gaman að góðum bloggurum. Hérna er nefnilega síða með öllum bloggunum hjá blogger.com sem voru uppfærð sl. 10 mínútur. Gaman að fletta í gegnum þetta og sjá eitthvað áhugavert. Mér finnst gaman að lesa blogg hjá fólki sem ég þekki ekki, og oft kemur fyrir að maður finni virkilega áhugaverðar og skemmtilegar persónur sem eru að blogga. Endilega kíkið á þetta.
..:: mags ::..

surprize...


Ég gat auðvitað ekki annað en horft á lokaþáttinn af The Batchelorette fyrst ég festist í þeim næstsíðasta (hey kommon, ég verð að hafa afsökun!). Og viti menn! Nei! Menn viti ekki, því hún valdi ekki gaurinn sem ég var viss um eftir síðasta þátt að hún myndi velja. Hún valdi semsagt gaurinn sem var líkari mér so all hope is not lost! Ok, ég er ekki tall, dark and handsome (actually none of the above), en ég er þessi týpa sem er erfiðara að kynnast því ég er rólegur (sona yfirleitt amk) og frekar þessi rólega rómantíska týpa frekar en þessi outgoing karakter. (vá ég er farinn að hljóma eins og einkamálaauglýsing! kíkið í moggann í næstu viku, síðu 3! híhíhí.)

Ég fékk lag með Avril Lavigne (?) á heilann og það svo svakalega að ég er að downloda því! (ég er farinn að skammast mín fyrir þessa færslu). Ég verð semsagt að downloda því og nauðga því svo ég nái því útúr hausnum á mér. Annars er tónlistin hennar alls ekki svo slæm og ég er á hraðri leið með því að komast í þann stóra hóp stráka sem finnst hún super-fly-hot. Sá bara ekki hvað allir sáu við hana fyrst en eftir að hafa séð myndbandið nokkrum sinnum við lagið sem ég fékk á heilann (i'm with you) þá fór ég að sjá það. Hvað er hún annars gömul? 16? 17? (skamm skamm Maggi.)

Mér finnst að allir sem lesa þetta eigi að taka þátt í könnuninni minni. Það er eiginlega skammarlegt hvað það taka fáir þátt í þessum könnunum hjá mér miðað við fjölda heimsókna á síðuna. Kannski ætti ég bara að hætta þessu, take a hint for once. Kannski ætti ég bara að gefa móðurmálið upp á bátinn!! (ég var að fatta hvað ég er búinn að sletta mikið á english í þessari færslu!) En í sambandi við þessi demparamál, þá er dempari það sem þú gerir til að það skvettist ekki vatn úr klósettinu þegar þú hefur hægðir! Mjög vital upplýsingar.

Orð dagsins: SLAG!
..:: mags ::..

The best nap EVER!!


Ok, ég féll. Ég stóðst ekki mátið. Ég ákvað að taka eitt af þessum heimskulegu net-prófum sem sumir fá ekki nóg af (skil ekki af hverju, ég er búinn að drulla yfir marga). Ég ákvað að láta einhvern bandarískan-tölvunörda-forritara segja mér hvernig ég kyssi. Ég hefði nú getað sagt mér útkomuna sjálfur. You Are A Romantic Kisser! Ef þú lest það sem er sagt þarna þá er það að vísu eiginlega allt satt um mig! Mér finnst ýkt gaman að kyssa (geri ekki nóg af því samt...) og langaði að sjá hvort ég myndi ekki fá eitthvað skemmtilegt út. Fyrir utan að ég var örugglega eini bloggarinn á jörðinni sem átti eftir að taka þetta kossapróf! Hahahaha, kossapróf! Sona eins og krossapróf þú skilur! Hahahaha! Krossa... Æi whatever.

Ég fór uppí sumarbústað með ömmu og afa í dag og hjálpaði Gunna smið að byggja við bústaðinn. Það gekk mjög vel og var bara gaman, eitthvað sem ég bjóst sko ekki við. Það var geðsjúkt gott veður. Í hádeginu lagði ég mig uppí bústað, og ég get svo svarið það, það er eitthvað við þetta rúm! (fyrir þá sem þekkja til, neðra rúmið í herberginu vinstra megin!) Það er bara svaðalegt! Ef maður leggst í það þá kemst maður í þennan geggjaða blund-gír (ég er fyrsti maður í heiminum sem notar orðið blund-gír! ég fíla mig eins og Shakespeare!) og maður liggur bara í dái milli svefns og vöku í sona hálftíma. Svo vaknar maður endurnærður og reddí í hvað sem er! Helvíti gott. Þyrfti að ræna rúminu eða amk stela teppinu úr því og gá hvort þetta karma elti þessa hluti. Eru hlutir með karma? Eða eru það bara hurðir og menn? (hahahaha! kominn í smiða-brandarana á fullu maður!) Eigðu góðan dag. (úff hvað þetta er vond sletta maður).
..:: mr. smith goes to nappington ::..

Skrímsli


Ég ætlaði að blogga svo mikið og merkilegt núna. En svo ákvað ég að sleppa því. Það var aðallega röfl og væl og ég er að reyna að venja mig af því. Það er ekkert leiðinlegra (ok það er fullt af hlutum mun leiðinlegri en maður tekur svona til orða) en fólk sem röflar yfir tilgangslausum hlutum sem oftast er ekki hægt að breyta. Ég nenni ekki að vera þetta fólk. Ég ákvað líka á sama tíma að reyna að dæma fólk ekki fyrirfram. Ég var hálfsofandi í vinnunni í dag og það var kona sem ég fíla ekkert allt of mikið en hef þó ekkert á móti í raun sem stóð hjá sófanum sem ég var sofandi í (eða það hélt hún). Hún hafði haft augastað á þessu svefnstæði og var eitthvað fúl af því að ég lá þar og las þegar hún gat legið þar og sofið. Fyrstur kemur fyrstur fær eru reglurnar sem gilda þarna og því ætlaði ég ekkert að fara að færa mig fyrir hana. Allavega, sagði hún við einhvern "hann sefur þarna enn... með bókina sína." (bókin lá við hliðina á mér). Einhver las titilinn á bókinni og þau sögðu örfá orð og svo segir hún "mér finnst þessi leiðinlegur." Ég lá bara þarna, þó nær vöku en svefni, en hún vissi ekkert um það, ég hefði getað verið glaðvakandi! Ég var hissa á þessu kommenti frá henni. Ég meina ég hef aldrei talað við hana og kannski er það ástæðan fyrir því að henni finnst ég leiðinlegur, en maður á ekki að dæma fólk svona fyrirfram. Ég hélt ég yrði ekkert fúll en ég var það smá. Manni er aldrei sama um hvað fólki finnst um mann. Ég hef látið það vera að kynnast fólki í vinnunni. Það gerir það mun einmannalegra en ég bara get það ekki. Þetta fólk er ekki eins og ég. Ég veit að það er lélegt að segja þetta og þú heldur kannski að ég líti stórt á sjálfan mig (sem ég geri ekki) en ég á bara ekki samleið með þessu fólki. Núna er ég að dæma þau fyrirfram því ég þekki þau ekki í raun, en ég held ég þekki þau nóg til að segja þetta. Eflaust halda margir þarna að ég sé ýkt heimskur því ég þegi meira en ég tala. Mun meira. En ég slekk á sjálfum mér í vinnunni og vinn bara. Æi ég er hættur að röfla um þetta. Fyrirgefðu að ég hafi "látið" þig lesa þetta bull. Vinna er vinna. En þar sem ég er kominn í mótsögn við sjálfan mig frá því í byrjun þessarar færslu þá held ég að það sé kominn tími til að hætta, og fara ekki að lesa bókina mína því ég gleymdi henni í vinnunni! Dem.
..:: mags ::..

Óbærilegur léttleiki...


Engin leið er að prófa hvor ákvörðunin er sú rétta, því ekki er neitt til að miða við. Við upplifum allt nú þegar og óundirbúin. Rétt eins og leikari sem gengur inn á sviðið æfingarlaust. En hvers virði er lífið úr því að að fyrsta æfingin á lífinu er lífið sjálft? Þetta er ástæðan fyrir því að lífið er alltaf líkast skissu. En jafnvel orðið "skissa" er ekki rétt, því skissa er ætíð uppkast að einhverju öðru, undirbúningur undir málverk, en skissan líf okkar er hins vegar skissa að engu, uppkast án málverks.
Tómas endurtekur fyrir munni sér þýska málsháttinn: "einmal ist keinmal", einu sinni er aldrei, einu sinni er ekkert. Að lifa aðeins einu lífi er eins og að lifa alls ekki.

Ég er að lesa skáldsöguna Óbærilegur léttleiki tilverunnar eftir Milan Kundera. Hún er virkilega góð og ég er að fíla hana í tætlur sérstaklega útaf svona pælingum eins og ég skrifaði upp hér fyrir ofan. Þetta er ástarsaga, ástarþríhyrningur (ferhyrningur, fimmhyrningur?) if you will, en inn á milli koma heimspekilegar pælingar og allskonar pælingar um heiminn. Það er mjög gaman að því öllu saman. Endilega finnið hana á næsta bókasafni og lesið hana mér til samlætis svo ég hafi einhvern til að spjalla við um hana! Kannski er einhver búinn að lesa hana sem les þetta blogg. Endilega kommentið!

Þá er maður byrjaður í vinnunni og "rútínan" byrjuð ef rútínu má kalla. Svona 2-2-3 kerfi er nú sosem ekki mikil rútína, frí inní miðri viku og unnið aðra hverja helgi, en þetta er skipulagt kaos. Ágætis vinna svosem (ég vinn við að eyðileggja töskuna þína þegar þú ferð til útlanda) en ég er búinn að komast að því að það sem þú vinnur við er aukaatriði. Með hvernig fólki þú vinnur er aðalatriðið. Ég er að reyna að gera það besta úr minni aðstöðu þótt ég hafi farið miður fögrum orðum um ýmsa sem ég var/er að vinna með þegar þeir heyrðu ekki til (vonandi les enginn þeirra þetta blogg!). Does "a human waste-bin" ring a bell? Vonandi ert þú í skemmtilegri sumarvinnu (eða bara vinnu!) með skemmtilegu fólki. Have a nice one.
..:: magchen ::..

..:: hmmm ::..


Það var hörku gaman í bænum í gær. Við strákarnir vorum með VIP herbergi á Mekka Sport (því við erum svo important þú veist) og þar var djammað og djúsað og ýmislegt gert... óþarfi að fara í það allt hér. Svo var hélt helmingurinn heim, veit ekki alveg af hverju, einhver leti í gangi, en hinn helmingurinn fór niðrí bæ og kíkti á stemninguna þar. Það var auðvitað nóg af henni en sem áður þá enduðum við á staðnum okkar. Hann varð alveg stappaður stuttu eftir að við komum og var bara hörku gaman þar þannig að við entumst þar restina af nóttinni. Það var svolítið heitt, ég held ég hafi farið svona hundraðtuttuguogsjö sinnum á barinn til að fá mér vatn. Þau voru örugglega orðin frekar leið á mér. Ég missti af kosningavökunni en ég held ég hefði ekki nennt að glápa bara á sjónvarpið alla nóttina heldur. Ég ætla bara að fá þetta beint í æð í fréttunum í kvöld. Mér finnst fyndið að Inga Sóla hafi ekki einu sinni komist á þing! Það verður ekki á allt kosið! (pun intended).
..:: mags ::..

Framsóknarfár


Það var hörku gaman á ballinu með Írafár í Stapa í gær. Framsóknarmenn héldu þetta ball og eiga hrós skilið fyrir. Ég kíkti niður í bæ fyrr um kvöldið og sá Botnleðju hressa aðeins upp Samfylkingarfólk og fleiri og var það fínt. Svo var sötraður bjór í boði Heimis (ungra sjálfstæðismanna) þannig að maður er ekki bundinn við einn flokk þegar kemur að svona hlutum sko! Hvað með það þótt það birtist mynd af manni í bæjarblöðunum þar sem maður segist styðja Framsókn? Maður verður samt að halda opnum hug... Merkilegt samt hvað margir sáu þessa mynd og þurftu endilega að segja mér það. Enn merkilegra er þó að það sé ekki hægt að smella af mynd þegar maður er svona nokkurnvegin eðlilegur í framan! Og ekki bara þarna heldur svona yfir höfuð gengur það frekar brösulega hjá myndasmiðum sem langar að festa mig á filmu að ná rétta svipnum. Er ég kannski bara svona asnalegur í framan? Ég er amk ekki óheppnasti maður í heimi í þessum efnum heldur er það vinur minn og hér þarf sko ekki að nefna nein nöfn.

Í kvöld verður svo beilað á kosningavökunni, í það minnsta svona fyrst um kvöldið, kannski nær maður í skottið á henni um nóttina. Ég er nefnilega að fara í bæinn með vinunum þar sem verður trallað afskaplega mikið og það er svo margt á dagskrá að ég get bara ómögulega misst af þessu! Mig langar mikið að sjá kosningavökuna því hún verður örugglega mjög skemmtileg þar sem enginn getur séð fyrir hvernig þetta verður, en það sem verður í gangi í bænum verður vonandi og eflaust miklu skemmtilegra! Jæja, maður þar víst að fara að kjósa. Og mundu, ég verð einn inní kjörklefanum!! Hvað er málið með þetta komment frá hausum flokkana? Manni er ekki ætlað að skilja allt.
..:: magchen in action ::..

Bloggi bloggi blogg...


Ég er búinn að skipta um vakt í vinnunni... meira að segja áður en ég byrjaði! Sem þýðir aðeins eitt... ég ætla að takaða tvöfalt um helgina!!! JAY! Þetta er algjör snilld, það ættu að vera kosningar á hverju ári. Maður fær sér bara svona bréfatætara sem maður getur fest á bréfalúguna sína og þá þarf maður ekki að sortéra ruslpóstinn, því þessa dagana er ALLT ruslpóstur. Ég hendi þessu öllu um leið, meira að segja frá flokknum sem ég styð (ok ég glugga fyrst í það) því maður er búinn að heyra þetta allt saman áður! Ég er búinn að heyra stefnumál flokkanna og mynda mér skoðun, og löngu búinn að fá leið á þessu. Ef við gætum sleppt öllu þessu veseni þá er ekkert því til fyrirstöðu að hafa kosningar á hverju ári og þá myndu flokkarnir keppast við að skemmta manni og gefa manni bjór oftar...

Ég festist í Batchelorette þættinum áðan, þeim næst-síðasta og það var svolítið óþolandi. Það eru tveir gaurar eftir og það er augljóst hvorn hún á eftir að velja. Málið er bara að ég samsvara mér miklu meira með hinum gaurnum og allt það sem er líkt með okkur... það eru ástæðurnar fyrir því að hann verður ekki valinn! Það böggaði mig því mig langar að eiga kærustu og kannski eru þetta ástæðurnar fyrir því að það er ekki að gerast... Ég veit ekki hvort fólk veit þetta um mig en mig langar fátt meira en að eignast kærustu. Auðvitað ekki bara hvaða stelpu sem er og ekki stelpu sem væri bara eitthvað að leika sér heldur stelpu sem væri virkilega hrifin af mér og sem ég er jafn hrifinn af á móti. Stelpu sem væri með mér af því hver ég er en ekki bara af því að hún vill vera með einhverjum eða af því að ég var hrifinn af henni. Stelpu sem ég get ekki beðið eftir að hitta í hver skipti sem ég hitti hana þótt við séum búin að þekkjast heillengi, og stelpu sem ég get ekki hugsað mér að fara frá í hvert skipti sem við þurfum að kveðjast. Stelpu sem ég get kysst og kúrað hjá endalaust. Mig langar ekki bara í kunningja eða vinkonu eða ríðufélaga. Mig langar í kærustu.

Ég held ég hafi aldrei bloggað um þetta mál áður af einhverju viti, en það er mjög ofarlega í huga mér. Enda blogga ég ekki um hvað sem er. Ef þú lesandi góður heldur að þú sért að lesa um allt sem er að gerast í mínu lífi og að ég tali nú ekki um í mínum haus þá skjátlast þér. Það er svo ótrúlega margt sem ég hugsa sem ég skrifa ekki um og mjög margt sem ég lendi í (belive it or not) sem ég minnist ekki einu orði á. Ekki misskilja mig með þessa færslu, ég var ekkert að röfla eða væla, bara að segja það sem ég er að hugsa svo að þú vitir eitthvað um mig. Hvort sem þig langaði til þess eða ekki (híhíhí). Og btw ég var ekki að tala um neina ákveðna stelpu (get alveg séð fyrir mér smá misskilning þar) heldur einhverja sem á enn eftir að finna mig (því ég er búinn að svipast um og ég sé hana hvergi). Má maður ekki vera pínu væminn stundum? Ekki kommenta á þessa færslu.
..:: just me ::..

ÉG ER BÚINN Í PRÓFUM!!!!!!!

...mér til ómældrar ánægju og öðrum til mæðu. Þið sem ekki eruð búin í prófum.... gott á ykkur. Þið eigið skilið að sitja sveitt yfir bókunum. Þið eigið skilið að hafa samviskubit yfir hvað þið hafið lært lítið. Þið eigið skilið að missa af kosningadjamminu. Þið eigið skilið að þurfa að hanga inni að læra fyrir ógeðsleg próf þegar sólin úti skín og fuglarnir syngja í trjánum og allir aðrir í heiminum aðrir en þið eru úti að spóka sig og borða ís. Þið eigið skilið að kvíða fyrir prófunum og þá sérstaklega rétt fyrir próf og sitja svo sveitt í marga klukkutíma og bisa við að hripa sem mest niður á allt of stuttum tíma sem þið fáið. Þið eigið skilið að koma grátandi útúr prófunum því þið lærðuð ekki nógu vel og henguð bara á netinu þegar þið áttuð að vera að læra. En þetta tekur allt enda. Til ykkar sem eruð búin óska ég góðs sumars og vonandi fáið þið æðislegar einkunnir og getið eytt dögunum í sæluvímu yfir að vera búin! Við sjáumst svo á kosningadjamminu! ;)

Það kom upp skemmtileg pæling í gær. Ætli þeir sem telja sig vera æðri öðrum, t.d. kóngafólk og forsetar og svona, jafnvel bara mjög ríkt fólk, skammist sín fyrir að þurfa að kúka? Ég held að svoleiðis fólk vilji ekki viðurkenna að það þurfi að kúka eins og almúginn. Það gerir það nú samt. En til þess að bæta nú upp fyrir það að þetta fólk þurfi að kúka þá kúka þau í gullklósett. Hafiði tekið eftir því hvað það er rosalega mikið lagt í baðherbergin hjá ríku fólki? Það er svo það geti litið í kringum sig þegar það kúkar og hugsað "jæja, ég kúka eins og almúginn en ég get amk gert það með stæl í marmaraklósettið mitt sjö milljón króna baðherbergisinrrétinguna!" Svo mörg voru þau orð.
..:: max ::..

Vá hvað mig langar í básatilboð...


Og vá hvað það er erfitt að vera í prófum! Ég er búinn að taka tvö próf og hef beilað að læra fyrir þau bæði. Ég lærði eitthvað, nóg til að ég nái þeim alveg, en ég las ekki einu sinni allt efnið yfir einu sinni fyrir próf! Kannski helminginn... ef það! Og það er ekki eins og ég hafi lesið efnið um önnina... Semsagt ég fór í gegnum alla áfangana (leyfi ég mér að fullyrða) án þess að lesa allt efnið einu sinni yfir! Þetta er ekki líkt mér og satt að segja hélt ég að það væri ekki svona auðvelt í H-skólanum. Kannski er þetta bara deildin sem ég er í. Pældíðí, ég er að fá fimm einingar fyrir hvern kúrs, semsagt fimmtán einingar í það heila, og ég er ekki búinn að gera neitt í allan vetur! Mæta í skólann tvisvar í viku og.... That's it! Jobu Kretz mætti ekki einu sinni í skólann (hvað þá las heima) og hann á eftir að ná þessu líka að öllum líkindum! Þannig að ef þig langar í fáránlega auðveldar einingar í H-skóla þá ferðu beinustu leið í heimspeki í HÍ. Síðasta prófið verður erfiðara en hin tvö og því þarf ég að taka mig vel á á morgun. Shit maður. Þetta verður allt búið á miðvikudaginn... þetta verður allt búið á miðvikudaginn... þetta er mantran mín þessa dagana. SJENSINN að ég meiki að fara aftur í H-skólann næsta haust. Fokkit! Ég er farinn í heimsreisu! Góða nótt!
..:: whoa ::..

Írskt SMS


Í gærkvöldi þáði ég bjór af framsóknarmönnum. Við fórum í bátsferð frá Grindavík á hvalaskoðunarbát og um borð var hljómsveit og bjór og fullir framsóknarmenn. Það var mjög gaman og ekki nærri eins erfitt og ég hafði búist við, þ.e. að vera á bát að drekka. Þegar maður er komin í glas er maður orðinn frekar valtur og í stað þess að bæta bara á veltuna þá fann maður voða lítið fyrir öldugangi því maður var valtur fyrir. Um borð datt mér í hug að senda vinkonu minni á Írlandi SMS, mér fannst bara eitthvað svo voða sniðugt við það, ég á bát á miðju norður atlantshafinu að senda vinkonu minni á Írlandi SMS! Eftir bátsferðina var svo haldið í Kef þar sem við tók frekar hefðbundið djamm. Paddys, Zetan og Duus. Ég hætti mér ekki inn á Casino heldur fór frekar snemma heim. Ég hef ekki enn komið inná Casino síðan síðasta sumar sælla minninga. :þ

Nú hefst næsta törn, síðasta prófið mitt er á miðvikudaginn og það verður gott að vera búinn. Úff hvað ég hlakka til. En af hverju samþykkti ég að byrja í vinnunni strax á föstudaginn? Ég meina þetta er kosningahelgi! Fullt af kosningavökum útum allan bæ! Jæja, ég græði þá bara peninga í staðinn. Skrítið samt hvað það er lítil huggun...
..:: bREaD ::..

Saturday 2 Sunday, Monday...


Monday to runway HO! Að vísu hef ég ekki hugmynd um hvernig Eminem lagið er í raun en svona syngjum ég og Goldeneye það alltaf og öskrum svo úr hlátri eins og couple of mondgós, sérstaklega ef það er fólk í kringum okkur sem veit ekkert um hvað við erum að tala. En það var nú ekki það sem ég ætlaði að skrifa um. Ég er búinn í prófi númer 2 og gekk það barasta mjög vel! Eftir uppgjöf gærkvöldsins var ég orðinn vægast sagt svartsýnn og bjóst bara við því að falla eins og einfættur maður á skautum. En síðasta tilraunin til að ná einhverjum tökum á þessu efni var að mæta snemma í morgun (já, það er hægt að vakna snemma á laugardögum, ég vissi það ekki heldur!) og bruna í höfuðborgina og spjalla við Jobu Kretz um efnið í nokkuð mörg kortér. Það gekk líka bara svona vel og náðum við þessu svona nokkurn vegin fyrir prófið. Svo tókst mér að skrifa svona líka rosalega mikið á prófinu að það bara hlýtur eitthvað af því að hafa meikað eitthvað sens, ég trúi ekki öðru. Svo verður fagnað í kvöld með því að gefa hvölum bjór. Það verður gaman.

Hvað er þessi Magga sem segist vera best að tala um? Hún talar um það í þessari færslu að umræðurnar um Chloe á netinu eigi ekki rétt á sér. Hún segir að Chloe sé bara vel vaxin og að fegurðarskyn fólks sé brenglað ef það segi að hún sé feit og ekki með fullkomin brjóst. Að vísu er ég alveg sammála henni með það og ef það eru svoleiðis umræður á netinu (sem ég hef þó ekki rekist á) þá er ég bara sammála flestu sem hún segir. Stelpur eiga ekkert að vera fullkomnar og eru það fæstar. Persónulega finnst mér fegurð og kynþokki fara ótrúlega mikið eftir útgeislun og hvernig stelpur bera sig, ekki bara í hvaða mót þær eru steyptar (brosa stelpur! brosa!). Það sem ég var hinsvegar að setjá útá með Chloe (tek það fram að ég hef ekki hugmynd um hvort Magga hafi lesið það) er að hún sé að strípalingast eitthvað á netinu. Það var það sem ég var að setja útá og eflaust fleiri sem hneiksluðust á þessu. Ég held að það sé frekar ástæðan fyrir því að fólk sé að tala um þetta frekar en hitt.

Þessi gaur er í heimsreisu og bloggar um það reglulega. Það virðist bara vera svakalega gaman hjá honum (og þeim, hann er með einhverjum vinum sínum) og minnkar þetta ekkert löngun mína til að skella mér út og leita að ævintýrum. Þau eru víst búin að kynnast alveg milljón manns og fara til mjög margra staða eins og sönnum ferðalöngum sæmir. Skemmtileg lesning, amk það sem ég kíkti á. En nú er málið að fara að þefa uppi hvar stemmmingin verður í kvöld. Ef þú veist það þá máttu láta mig vita! Annars var ég að pæla í að gefa bara upp MSN-addressuna mína hér svo fólk sem les þessa síðu en ég er ekki með inní contacts geti spjallað. Þannig að ef þú heldur að þú hafir gaman að tala við mig og ég við þig þá máttu endilega henda mér inn í MSN hjá þér!! Magchen á MSN: maggisv@hotmail.com
..:: mags ::..

Föstudagur...?


Það er ekkert föstudagslegt við þennan dag. Ég fékk ekki pídsu í kvöldmatinn, ég er ekki á leiðinni út á djammið, og það er próf hjá mér á morgun!!! Úff hvað ég er illa undirbúinn fyrir þetta próf. Það er rosalega lítið efni sem við tökum fyrir þetta próf og það er ansi góð ástæða fyrir því. Bókin sem er til prófs er sú leiðinlegasta, þurrasta og óskiljanlegasta sem skrifuð hefur verið! Mér er skapi næst að fara og skeina mér með henni! (úff... ljót mental image þarna mar, sorry). Hún var fyrst gefin út árið 1783 af leiðinlegum gaur sem heitir Immanuel Kant og nægir það ekki til að þú skiljir hversu leiðinleg hún er. Hún... arg!!! Ég hata þessa bók! Og ég er ekki einu sinni búinn að lesa helminginn af henni. Ég meika það bara ekki. Sorry, en mér er nokkurnvegin alveg sama um þetta fag þannig að ég nenni ekki að lesa meir. Ég fell þá bara. (ég er að tala eins og ég sé búinn að vera ýkt duglegur, frekar misleading). Allavega, vonandi átt/áttir þú jafn ömurlegt föstudagskvöld og ég. Misery loves company! :þ
..:: i-hate-kant-so much.com ::..

Sarcastic Green


Maus voru góðir. Mjög góðir meira að segja á köflum. Ég var semsagt á útgáfutónleikum Maus sem eru að fara að gefa út plötuna Musick eftir nokkra daga. Tónleikarnir voru á Gauknum í skítakulda og fámenni. Þrátt fyrir það tókst þeim að flytja lögin sín frábærlega og held ég að platan verði algjört brill. Mun rokkaðri og öflugri heldur en Maus á að sér að vera. Þeir eru semsagt búnir að leggja þetta ballöðu dæmi á hilluna og farnir að nauðga græjunum sínum enn betur og er ekkert nema gott um það að segja. Tóku líka nokkur gömul og góð og svei mér þá ef nýju lögin eru ekki bara miklu betri þótt maður hafi bara heyrt þau flest einu sinni (semsagt í kvöld). Lagið Life in a fishbowl sem er farið að spila reglulega á X-inu er bara svo æðislega flott að það er bara engu lagi líkt. Magchen mælir með Maus. Ég fékk líka loksins að sjá Dáðadrengi spila læv og voru þeir mjög skemmtilegir og með afar skemmtileg lög og gott prógramm bara. Góð sviðsframkoma og svona. Gaman að svona hressum gaurum. Einn þeirra er með mér í heimspekinni, Atli feiti. Ekki það að það komi neinu við sem ég var að segja. :þ
..:: max ::..

X-men 2


Eins og kom fram í þessari afar skemmtilegu færslu hér að neðan (sem var btw skrifuð í nótt við afar erfiðar aðstæður) þá fórum við nokkir vinirnir saman í bíó. Við sáum myndina x men tveir sem er bara hin ágætasta mynd verð ég nú að segja. Meira að segja bara þrusu góð að flestu leyti. Ég sá ekki fyrri myndina (held ég ég hafi ákveðið fyrirfram að hún væri leiðinleg) þannig að ég get ekki borið þær saman, en ég var búinn að heyra að þessi væri mun betri hún hefur fengið þrusu góða dóma og átti þetta kannski þátt í því að ég ákvað að skella mér. Þetta er mjög góð mynd uppá allan hasar að gera og sem ofurhetju mynd er hún bara mjög góð líka. Þannig að ef þú heldur að þú hafir gaman af henni þá hefuru það eflaust, en ef þú heldur að hún sé ömurleg þá á hún eftir að koma þér á óvart ef þú sérð hana samt. Hún fær þrjár af fjórum stjörnum hjá mér og er það mjög vel af sér vikið á mínum skala miðað við gerð myndarinnar. Á undan myndinni var sýndur trailer úr Matrix 2 og held ég að hún verði all svakalega góð. Þeim tókst allavega að gera svaðalega góðan trailer úr henni og kitlaði hann afskaplega því mann þyrsti í meira þegar trailerinn var búinn.
..:: maghcen ::..

Snar


Það kom svolítið magnað fyrir mig áðan. Ég var í skeitparkinu hér í bæ (ég veit ekki hvort fólk veit hvar hann er eða vissi almennt að það væri skeitpark hér í bæ en ég ætla ekki að láta það trufla þessa æsilegu sögu sem þú ert að fara að lesa....) og var þar með nokkrum strákum. Við höfðum komið úr bíó og farið og tekið nokkra rúnta. Þegar við sáum að það var ljós í skeitparkinum þá ákváðum við að banka uppá og heilsa uppá strákana. Þeir voru bara þarna inni að skeita og svona. Ég og Mr. Timberlake stóðum og töluðum saman og horfðum á strákana skeita svolítið. Mr. Timberlake sagði mér sögu úr vinnunni sinni, hann sagði að þegar það væri ekkert að gera þá leiddist honum mjög mikið og að þá væri hann bara að stara útí loftið því þá væri enginn þarna sem hann gæti talað við því hann er bara að vinna fyrir einhvern gamlan kall sem er að byggja hótel eða eitthvað. Ég þekki líka gamlan kall, hann er afi minn. Hann á heima útá landi og einu sinni var hann allur í að hnýta flugur. Svona flugur sem maður notar í stangveiði skiluru. Ég get nú varla ímyndað mér neitt leiðinlegra sko. Bara að sitja og hnýta flugur... og hnýta svo aðeins meira... og svo leggja sig eða hlusta á útvarpið eða eitthvað. Svo kallar amma kannski "það er kominn matur!" en afi má ekkert vera að því að fara að borða. Hann vantaði einn þráð til að klára að hnýta þessa flugu. Og svo var hann að hlusta á svo skemmtilegan þátt í útvarpinu. Hann eyðir næstu fjórum og hálfri mínútu í að klára að hlusta á þáttinn á meðan amma borðar ein útí eldhúsi. Svo stendur afi upp og labbar útí bíl til að fara útí búð og kaupa þráðinn sem hann vantaði til að klára að hnýta fluguna. Hann notar svo bílskúrshurðaopnarann til að opna bílskúrshurðina og bakka svo bílnum út. Hann rifjar upp hvað hann var þakklátur fyrir að Helgi nennti að setja upp þennan opnara fyrir hann því hurðin var orðin heldur þung fyrir hann til að lyfta henni oft á dag. Það var mjög góður dagur og Ásta var þarna líka. En núna er Helgi með Ástu á skíðum á Ítalíu og afi hugsar um hvort þau séu ekki að skemmta sér vel. Á því augnabliki er Helgi að hugsa heim því hann er með heimþrá. Hann liggur á spítala úti á Ítalíu á meðan Ásta er á skíðum og rennir sér niður stóru brekkuna aftur og aftur og aftur. Hann fótbrotnaði nefnilega á fyrsta degi í ferðinni. Hann liggur í sjúkrarúminu og bíður eftir hjúkrunarkonunni. Hann var löngu búinn að ýta á takkann til að fá hana inn til sín því hann langaði í vatn að drekka. En hjúkrunarkonan kemur bara ekki, þannig að Helgi liggur bara og horfir útí loftið. Sjónvarpið í herberginu er bilað þannig að hann getur ekkert horft á sjónvarpið. Allar útvarpsstöðvarnar eru á ítölsku þannig að hann skilur ekki neitt og þær spila leiðinlega músík. Hann er einn í herbergi þannig að hann hefur engan til að tala við. Það er dregið fyrir gluggann þannig að hann getur ekki horft út, en það er líka vont veður núna. Hann hugsar með sér að Ásta geti ekkert skíðað í þessu veðri og vonar að hún komi í heimsókn til sín. En hún kemur ekki og hann bíður því bara áfram eftir húkrunarkonunni svo hann fái nú vatn því hann er svo þyrstur. Hann horfir bara á vegginn. Veggurinn er hvítur og hann sér að hann er illa málaður. Hann vann nefnilega eitt sumar við að mála hjá Hákoni mági sínum. Hann horfir á vegginn og fer að dotta. Hann hrekkur upp við að hann er farinn að dreyma! Hann man ekki hvað hann var að dreyma. Svo horfir hann áfram á vegginn í þrjár mínútur og nær þá að sofna. Hann fer að dreyma. Hann dreymir um þegar hann var lítill strákur í sveitinni. Hann fékk stundum að hlaupa úti á túni með boltann sinn, en flesta daga þurfti hann að hjálpa til með verkin á bænum. Nú situr hann bara inní eldhúsi með smáköku og mjólk og húsfreyjan er að hlusta á útvarpið. Þulurinn í útvarpinu er að taka við tal við mann sem hafði átt kúna sem mjólkaði óvenju mikið á Egilsstöðum. Þetta var ekkert venjuleg kú. Hún mjólkaði rosalega mikið. Þegar kallinn sem sækir mjólkina kom að sækja mjólkina einn daginn þá sagði hann við bóndann "Ertu kominn með fleiri kýr kallinn?" en bóndinn svaraði að bragði "Nei, hún Silla mín mjólkar bara svo rosalega vel þessa dagana!" en kýrin hér einmitt Silla í höfuðið á látinni eiginkonu bóndans. Honum þótti hún alltaf hafa sama augnaráðið eins og látin eiginkona hans og skýrði hana því Sillu til minningar um hana. Eitt sinn þegar lítil stúlka kom í heimsókn til hans og bað um að fá að kíkja inn í fjós til að klappa Baulu, en það hét beljan áður en hann breytti nafninu, en þá sagðin bóndinn "Tjah, hún Baula heitir núna Silla!" Þá glotti litla stelpan við tönn og bóndinn sá að hún var með eina gulltönn í efri gómi. Þannig var nú það að hún hafði verið á hjólabretti frænda síns og dottið svona illa á ostaskerann á heimilinu að framtönnin brotnaði í átján mola. Litla stelpan heimtaði að sett yrði skíragull í staðinn fyrir tönnina og var því hlýtt eftir að hún hafði bitið framan af tveimur puttum á eina tannlækninum á Húsavík, en þaðan var stelpan. Tannlæknirinn fékk örorkubætur fyrir þetta en varð að hætta sem tannlæknir og því dugðu örorkubæturnar ekki. Konan hans fór því frá honum og tók frá honum öll börnin og báða kettina, en hann sat eftir með sárt ennið og hundinn og átta putta og tvo hálfa. Hundurinn var einmitt með flær og því fór hann með hundinn til dýralæknis. Á leðinni til dýralæknisins var honum litið inn á rakarastofuna í bænum og þar sá hann tvo menn að sópa gólfið. Hann hugsaði með sér að það væri nú skrítið að það þyrfti tvo menn til að sópa gólfið á rakarastofunni. Þegar hann kom til dýralæknisins var enginn laus stóll í biðstöfunni.
..:: magchen ::..

Bleah!


Bleah veit aldrei á gott. Ef þú sérð færslu á þessu bloggi með þessari fyrirsögn þá skaltu forða þér því það þýðir ekkert nema leiðindi. Eins og núna. You have been warned. Nú er aðsóknin að þesu guðsvolaða bloggi orðin svo mikil að ég verð að fara að pósta hundleiðinlegum færslum við hvert tækifæri til að losna við eitthvað að þessu fólki! Kommon, fimmtíu-sextíu manns á dag? Það er nú bara bull. Eins og líf mitt sé eitthvað áhugavert!? Nei það held ég nú ekki. Kannski hrífst þetta fólk svona gífurlega af vefhönnun minni!? Niii... varla. Þetta lúkk er búið að vera í nokkrar vikur og ég er strax kominn með leið á því. Kannski er líf allra annara bara líka svona leiðinlegt og þeir mæta hingað til að sjá að þeir eru ekki þeir einu sem lifa dull lífi. Annars hef ég lesið, eða amk kíkt á, fullt af bloggum í gegnum tíðina bæði innlendum og erlendum, og það er nú yfirleitt misheppnaðasta fólkið sem skrifar skemmtilegustu bloggin. Þá fagna ég því að vera svona misheppnaður því þá kemur fólk til að lesa bloggið mitt. Ég er nú einu sinni að skrifa það til að fólk drullist til að lesa það. En svona fyrst ég er kominn á leiðinlegu nóturnar þá langar mig að drulla aðeins yfir kvenfólk. Alltaf gaman að því. Ég er kominn með samsæriskenningu um kvenfólk. Stelpur og konur eru búnar að prenta það algjörlega inní hausinn á strákum og körlum að þær séu svo ótrúlega flóknar og við séum svo ótrúlega einfaldar. Þetta er snilldar herbragð af þeirra hálfu að mínu mati. Þeim hefur tekist að ná karlmönnum algjörlega (eða svona næstum því) á sitt vald. Sannleikurinn er sá að konur eru ekkert flóknari en karlar. Þær eru meira að segja einfaldari á sinn hátt. Málið er bara þetta: ástæðan fyrir því að karlmenn botna yfirleitt mest lítið í kvenfólki er að kvenfólk veit ekket hvað það vill! Það er algjörlega óþolandi að horfa uppá þetta. Það þarf að segja kvenfólki hvað það vill, annars er það eins og ráfandi kindur sem vita ekkert í sinn haus. Ég veit að þessi skoðun mín hefur komið áður fram á þessu bloggi, enda býst ég ekki við að neinn nenni að lesa þetta nema kannski hörðustu aðdáendur þessa bloggs (ætli ég eigi aðdáendur?). Allavega, ég er bitur ungur maður eins og sést á orðum mínum og ætla ég ekkert að þræta fyrir það. Það dregur hinsvegar ekki úr sannleiksgildi orða minna heldur ýtir undir 'sannleik' þeirra ef eitthvað er. Við lifum í svo miklu kvenrembu þjóðfélagi að það er orðið ógeðslegt að horfa uppá það. Ég er farinn að því að Dabbi sé skömminni skárri heldur en Inga Sóla svei mér þá, svo við tölum nú aðeins um stjórnmál. En nú er ég hættur því því það er leiðinlegt umræðuefni hvort sem það er í leðininlegum eða skemmtilegum pistli. En nú er þessi pistill orðinn hæfilega langur og passlega leiðinlegur og því hætti ég. Þið leiðinlega fólkið sem vill bara lesa leiðindi getið búist við annari leiðinlegri færslu innan nokkurra vikna. Þangað til þá kveður fúll á móti.
..:: m-bleargh ::..

One down... maybe more...?


Fyrsta prófið gekk illa að því leyti að ég fór í vitlausa stofu! En ég nennti ekki að færa mig eins og fáviti og bað því um að fá bara að vera í stofunni sem ég var kominn í (staðsetningin breytir nú varla öllu fyrst maður er í réttu prófi) og það var allt í lagi þannig að þetta reddaðist. Prófið sjálft reddaðist alveg líka, ég næ þessu alveg (vonandi!) en þetta verður ekkert meira en það... bara eitthvað slef.

En ég sá svolítið sem ég var ekki sáttur með. Chloe sjálf bara farin að afklæðast á netinu fyrir pjéninga! Detti mér nú allar dauðar... Þetta lýst mér ekki á. Mér hefur alltaf þótt hún mjög falleg en ég er hræddur um að hún hafi misst ansi mörg rokkprik þarna. Og hún er ekki einu sinni með flott brjóst! Hvurslags er þetta eiginlega. Ég rakst á þennan link á einhverju bloggi og því hafa eflaust einhverjir séð þetta, en ef þú ert forvitin/n eða bara pervert (who isn't!?) þá eru myndirnar hérna (ferð í 'preview' og svo 'free photos'). Nú skiluru kannski titilinn á þessari færslu...
..:: max ::..

Prófatörn


Jújú, eins og hjá fleirum örvæntingarfullum Íslendingum um allan heim eru prófin að byrja hjá mér í H-skólanum. Fyrsta prófið er á morgun og hefur lestur fyrir það gengið samkvæmt áætlun, semsagt herfilega illa. Vonandi næ ég þó að klóra í bakkann og redda þessu með því að bulla eitthvað útí loftið, ég er nú í heimspeki for crying out loud. Ég tek þrjú próf og er búinn 7. maí. Allt er komið á hreint með vinnuna mína, ég byrja í henni 9. maí (ammælisdag móður minnar no less!) og fékk vaktina sem ég vildi og alles. No problem for John... Boblem.

Ég held ég þurfi að snúa mér aftur að bókunum. Renna yfir glósurnar aftur svona fyrir svefninn svo maður átti sig nú endanlega á að maður kunni ekkert í þessu og nái engum svefn í nótt af áhyggjum. Ætli það sé hægt að redda sér "Epistemology For Dummies!" með mjöög stuttum fyrirvara? Já það er rétt, ég er í fagi sem heitir Epistemology. Ef þú veist hvað það þýðir þá færðu fimmaur frá mér næst þegar ég hitti þig. Og já, allir að taka þátt í nýrri könnun!
..:: mr. boblem ::..

Paddy's


Mikið svakaðslega var gaman í gær. Byrjaði á því að vakna og átta mig á því að ég gæti ekkert lært þennan daginn því ég var að fara í brúðkaup! Og það var ekkert svona familíu brúðkaup eitthvað, nei nei, fyrsti vinur minn var að gifta sig! Eða réttara sagt vinkona. Djöfull er maður orðinn gamall. En það var bara mjög fínt, athöfnin flott og svo var haldið uppá völl í veisluna því gaurinn sem hún giftist er í hernum. Eftir veisluna héldum ég og Stony McGee í partý hjá ungum jafnaðarmönnum og var það bara aldeilis gaman. Fulllt af fólki sem ég þekkti og bara fjör. Eftir dágóðan rúnt með HeimsKspekingnum og tveimur fögrum yngismeyjum var svo haldið á Paddy's, nýja írska pöbbinn (fyrrverandi H-38) og var þar stemmning svakaleg! Þar var svo djammað fram eftir nóttu og það var barasta þrusu gaman! Alveg pakkað af fólki ein ég er einhvernveginn bara hættur að láta það fá á mig. Fínt að hafa mikið af fólki, þá eru fleiri til að spjalla við og svona! Anyhoo, núna á ég að vera að læra (fyrsta próf á þri.) þannig að ég læt þetta nægja í bili! Stay fresh.
..:: magchen in action ::..

Dr. Evil


Ég var virkilega evil í kvöld. Mér er skapi næst að bera litlafingur hægri handar upp að neðri vör og hlægja hátt og lengi. Æi kannski var ég ekkert svo evil en ég reyndi það nú samt. Þannig er mál með vöxtum (ég veit að það á að segja mál með vexti en þetta er skemmtilegra svona) að það er stelpa á Akureyri sem var alltaf að senda mér sms hér um árið. Manneskjuna þekki ég ekki neitt og hef aldrei hitt, og ég man ekki einu sinni af hverju hún fór að senda mér sms. En ég hætti að svara þegar hún sagðist vera 27 ára (var áður búin að segjast vera 21s árs). Eitthvað fráhrindandi við 27 ára stelpu sem sendir tæplega tvítugum (á þeim tíma) strák sem hún þekkir ekkert sms. Svo í kvöld fæ ég sms þar sem hún spyr hvort ég ætli ekki að fara að kíkja norður. Ég varð nottla að nýta tækifærið og segist vera fyrir norðan og að ég sé á kaffi amor sem er kaffihús í miðbæ Akureyrar, og hvort hún ætli ekki að kíkja á mig. Hún jánkar því og hlakkaði mikið í mér að geta spilað svona með greyið stelpuna. Ég segi að ég sé þar með nokkrum vinum og að hún eigi að koma með vinkonur sínar líka barasta. Stuttu síðar segist hún vera á leiðinni en ég sagðist hafa skotist burt til að skutla vini mínum heim en muni koma aftur. Passlega mikið seinna sendi ég henni sms og spurði hvar þær væru en ekkert fékk ég svarið. Ég er farinn að halda að hún hafi líka bara verið einhverstaðar hlægjandi að mér en það er þá nottla bara besta mál. Hefði nú verið betra ef hún hafi mætt og leitað að mér en það verður víst ekki á allt kosið.

Ég var að horfa á sjónvarpið áðan og renndi framhjá popptíví þar sem ég staldraði við þrátt fyrir að Robbie nokkur Williams væri þar að þenja raddböndin. Myndbandið var nokkuð flott og varð ennþá flottara þegar það breyttist í algjöra orgíu þar sem fólk var ríðandi og takandi allskyns eiturlyf á fullu. Allt var morandi í skordýrum og snákum og rottum til að leggja áherslu á hvað þessi lifnaðarháttur sé ógeðslegur (að ég held) og var þetta allt saman mjög flott og vel gert. Mig fór svo að ráma í einhverja umræðu um að það væri búið að banna eitthvað myndband með honum allstaðar nema á Íslandi nottla og hlýtur það barasta að vera þetta myndband. Mæli með því að fólk kíki á það. Strax á eftir kom svo lag með Skúter þar sem fullt af stelpum voru dansandi berbrjósta á einhverju skipi eða eitthvað álíka. Allt má nú sýna hérna og er það hið besta mál. Lifi ritfrelsið á Íslandi!

The dumber people think you are, the more surprised they will be when you kill them.
..:: max ::..

Who gives a fuck?!


Ég hef oft sagt við fólk að ég sé snillingur í að sannfæra sjálfan mig um hluti. Þótt orðið snillingur komi fyrir í þessari fullyrðingu er þetta engan vegin mannkostur. Þetta er slæmur ávani, því oft er ekkert sniðugt að vera að sannfæra sig um allan fjandann sama hvað það er. En svona til þess að sanna mál mitt ætla ég að koma með þrjár pælingar sem geta hjálpað ykkur að sannfæra ykkur um hvað sem er! Það skal tekið fram að það er bannað að nota þessar pælingar sem afsökun fyrir að drepa fólk eða fremja eitthvað annað eins voðaverk. Þetta skal nota til að hjálpa sjálfum sér að komast að niðurstöðu um eitthvað sem mann langar að vera sannfærður um. Úff, ég veit ekkert hvort þið skiljið hvað ég er að fara en skítt með það. Here it goes.

Ég er eina manneskjan í alheiminum og það eina sem skiptir máli.
Hugsun mín er eina tenging mín við alheiminn. Það er ekkert sem ég get bent á að sé "fyrir utan" hugsun mína. Öll mín skynjun á heiminum, sem á að heita fyrir utan kollinn minn, er bara í hausnum á mér. Hvort sem það er sjón, snerting, heyrn eða eitthvað annað þá er þetta bara allt í hausnum á mér. Þú ert ekki til, eða réttara sagt, þú ert bara til í hausnum á mér! Það er ekkert að gerast í heiminum nema að ég er að skrifa þessi orð á tölvuna mína og ég er að hlusta á tónlist (Moby, Play, lag nr.8). Af hverju skiptir þá eitthvað máli sem ég geri? Ég get gert hvað sem ég vill. Allt er réttlætanlegt því ég er alheimurinn. Og hana nú. "Þú" getur svo útfært þetta á "sjálfa/n þig". En málið er að ég get hugsað, "Who gives a fuck?! It's all in my head."

Það sem ég geri hefur engin áhrif í alheiminum!
Ef þú hugsar um það þá er heimurinn það stór að það sem við gerum skiptir engu máli. Ég er ekki bara að tala um jörðina. Það eru til óteljandi margar plánetur (leyfi ég mér að fullyrða) og burtséð frá því hvort þær hýsa líf eða ekki þá hefur okkar litla pláneta engin áhrif. Og þú ert bara agnarlítil arða á þessum hnetti okkar. Hverjum er ekki sama hvað þú tekur þér fyrir hendur? Mottóið er: "Who gives a fuck?! The universe doesn't!"

Framtíðin gleymir öllu sem þú gerir.
Við þurfum ekki að líta nema nokkur ár fram í tímann, þá verður allt gleymt og grafið sem þú gerðir. Og að ég tali nú ekki um þegar líf þitt er runnið sitt skeið, þá er öllum sama! Auðvitað er það von okkar allra (held ég) að okkar verði minnst eftir að við förum yfir móðuna miklu, en líkurnar á því verða nú að teljast hverfandi. Allir sem þekktu ykkur munu líka enda í gröfinni og þannig mun ekkert skipta nokkru einasta máli hvað þú gerðir við líf þitt. Þannig að við hljótum að komast að þessari einföldu niðurstöðu, "Who gives a fuck?! The future doesn't!"

Þannig að drífðu bara í því sem þig langar að gera. Sofðu í fimm mínútur í viðbót, fáðu þér ís, farðu á fyllerí, farðu til útlanda, gerðu það sem þig langar til! Við vitum að við erum ekki fullkomin og gerum ekki alltaf það sem er ætlast til af okkur. En af hverju er okkur ekki sama? Lífið er of stutt til að eyða því í samviskubit yfir því sem við "ættum" að vera að gera. Fuck dat! Góðar stundir.
..:: m-zing ::..

Gleðilegt sumar!


Ég skellti mér í Reykjavíkina í gær með strákunum og fagnaði sumri. Það var gaman að því eins og alltaf. Enduðum á Nellýs... eins og alltaf. Vonandi muntu eiga gott sumar. Ég veit að ég ætla að gera allt sem í mínu valdi stendur til að þetta sumar verði frábært! Búinn að kaupa miða á Hróarskeldu og svona. Vá hvað það verður gaman.
..:: magsumar ::..

Betunni farið að förlast?


Ég sá Velvakanda, held það hafi verið í gær, og hver var þar með stuttan pistil? Ef það var ekki hún Elísabet Ólafsdóttir. Ólíkt því sem áður var þá stökk mér ekki bros yfir því sem þar stóð. Sama djókið, bara öðruvísi orðað, og verr. Veit ekki alveg hvað pointið er að skrifa áfram svona greinar ef þetta er vísbending um hvernig framhaldið verður. Er jafnvel að spá í að skrifa grein í Velvakanda sjálfur og kvarta undan hugmyndaleysi Betunnar. Væri það ekki mátulegt á hana? :) Stay fresh.
..:: max ::..

Dream


Mig langar að tala um drauma. Mig hefur dreymt afskaplega mikið undanfarið og hafið þið kæru lesendur þessa fleiðara fengið að lesa um nokkra af þessum draumum. Um daginn dreymdi mig draum, og ég spurði sjálfan mig í draumnum, "Ok, það er afskaplega ólíklegt að þetta gæti gerst, getur verið að mig sé að dreyma...?" Og svo leit ég í kringum mig og sá öll smáatriðin í öllu og mér leið ekkert eins og mig væri að dreyma, þannig að ég svaraði mér á móti, "Nei. Það getur ekki verið. Mig er ekki að dreyma." Ég hefði haldið að mér tækist aldrei að sannfæra mig um eitthvað svona. Við höfum talað um þetta í heimspekinni og því þótti mér afskaplega gaman að lenda í þessu. Ég var þess fullviss að mig væri ekki að dreyma. Þarna missti ég af góðu tækifæri til að stjórna draumnum mínum. Hefði ég sagt við sjálfan mig, "Jú, þetta er draumur", þá hefði ég getað stjórnað því sem ég gerði í draumnum.

Í gærnótt lenti ég í því nákvæmlega sama aftur í draumnum mínum. Allt í kringum mig var ótrúlega raunverulegt en aðstæðurnar ólíklegar þannig að ég stoppaði og spurði sjálfan mig, "Bíddu... er mig að dreyma?" En núna var svarið á aðra leið, "Jú, þetta getur ekki verið að gerast, mig ER að dreyma!" Þannig að ég var rosalega ánægður og ákvað að prófa það sem mig hefur langað að prófa svooo lengi. Ég tók við stjórninni í draumnum og réði atburðarásinni. Ég var niðrí gömlu sundmiðstöð og það voru einhverjir krakkar í sundlauginni. Ég ákvað að gera eitthvað sem ég myndi aldrei gera þannig að ég hoppaði útí laugina, synti að einni stelpu og kyssti hana. Kossinn var ekki góður en það kemur sögunni svosem ekkert við. En ég lokaði augunum við að kyssa stelpuna og þegar ég hætti því (fljótlega því það var ekkert gaman, hún kunni barasta ekkert að kyssa, skrítið, maður hefði haldið að ég gæti ráðið því líka!) þá var ég svo hræddur um að opna augun í alvörunni og vakna bara því ég svaf svo laust. Ég opnaði augun varlega, en var ennþá sofandi. En ég, í minni draumaheimsku, hélt að ég hefði vaknað. Þannig að ég missti alla stjórn á draumnum aftur. Ég var viss um að ég hefði vaknað þrátt fyrir að ég væri á sama stað, ennþá niðrí gömlu sundhöll! Fólkið sem hafði verið þar í draumnum var horfið og annað fólk komið í staðinn, þannig að aðstæðurnar breyttust eftir að ég opnaði augun, en það er samt heimskulegt að ég hafi misst stjórnina á draumnum bara af því að ég lokaði augunum of lengi.

Þetta var samt ótrúlega gaman og hvet ég alla til að prófa þetta. Það er nefnilega hægt. Hugsið vel um að ykkur sé að fara að dreyma eftir smá stund þegar þið eruð að fara að sofa. Verið svo reiðubúin að spyrja ykkur, "Getur verið að mig sé að dreyma?" Þið getið meira að segja hugsað um það sem ykkur langar að dreyma rétt áður en þið sofnið, því það er víst hægt að venja sig á það líka og ráða um hvað maður dreymir. En það að hafa stjórn á draumnum sínum og geta framkvæmt það sem mann langar er ótrúlega skrítið og frábær upplifun. Næst þegar þetta tekst ætla ég að prófa að fljúga því það eru alltaf skemmtilegustu draumarnir. Asnalegt samt að þessi stelpa hafi ekki getað kysst almennilega. Ekki sáttur við það. En maður verður nú bara að gefa henni annan sjens, þannig að ég er farinn að sofa aftur! Góða nótt, og dreymi ykkur skemmtilega!
..:: magchen ::..

Life in the making...


Ég á miða á Hróarskeldu!!! Ef allt fer að óskum kemst ég á hátíðina með flugi og gistingu (í tjaldi en samt) fyrir 20 þús. kall! Það er enginn peningur. Ég held að þetta verði algjör helber snilld. Ég fæ að sjá Björk. Svoldið stúpid að mig hlakkar eiginlega mest til að sjá Björk og SigurRós, og fer til danmerkur til þess. En þannig er það nú samt. Svo er það að frétta af heimsreisu-málum að ég er farinn að stefna á reisu með HeimsKspekingnum og frændans. Stefnan er að fara á næsta ári og sigra heiminn, amk þrjár heimsálfur, ef ekki fleiri. Það verður all svaðalegt. Og við erum jafnvel að spá í að gera heimildarmynd um alla ferðina og selja hana fyrir morð fjár í útlöndum og verða svo frægir leikstjórar í Bollywood. Það gæti líka orðið gaman. Það er alltaf svo skemmtileg músík í myndunum sem eru gerðar í Bollywood. Hvergi í heiminum jafn mikil framleiðsla á bíómyndum.

Núna þarf ég að fara að taka mig saman í andlitinu og fara að læra fyrir þessi þrjú próf sem ég fer í á næstu tveimur vikum. Það verður erfitt. Þessi textar geta gert mann geðveikan. Ég tel mig ágætan, amk slarkfæran, í ensku, en að lesa texta sem einhver sérvitringur skrifaði á heimspekilegu fræði máli árið 1539 er ógeð erfitt. Í fyrsta lagi að skilja og í öðru lagi að halda sér við efnið. Þetta getur verið mjög áhugavert þegar maður skilur þetta, og pælingar í samandi við þetta þegar búið er að tengja þetta við nútímann, en að ströglast í gegnum þessa texta sem er ekki búið að þýða... úff maður. Ætil það dugi að sofa með þetta undir koddanum? Skaðar varla að prófa, þó gæti ég vaknað með hálsríg. Heimspekilegan hálsríg. Það myndi þá samsvara sér vel með harðsperrunum sem ég fékk (í bakið!) eftir ballið. Það var Sálinni að kenna. Sálarlegur bakverkur og heimspekilegur hálsrígur. Ég er farinn að hlakka til að fara til læknis með þessa kvilla... :) Pís át.
..:: magchen ::..
(E.s: Taktu þátt í nýrri könnun, og það er bannað að fara af síðunni án þess að skrifa eitthvað í chattið efst til vinstri!!!)

Wicked


Það var gaman hjá mér í gær. Fór í körfu með strákunum og tókum rúnt, alltaf gaman að því. Svo var það grillaður humar í matarboðinu, og ef þú vissir það ekki þá er grillaður humar alveg æði góður! Þannig að það var líka snilld. Það var líka ógeðslega gaman á ballinu í gær. Algjörlega stappað í Stapanum og brjálað stuð. Byrjuðum hérna heima og töluðum saman og sturtuðum í okkur og það var mjög gaman. Svo voru auðvitað allir sem ég þekki á ballinu (eða svo gott sem) þannig að maður mátti eiginlega ekkert vera að því að dansa, það var svo mikið af fólki til að hitta og spjalla við. Ballið hefði mátt vera helmingi lengra. Sálin var algjör snilld og þetta var allt brilliant bara.

Núna er ég á leið uppí sumarbústað að fá meiri góðan mat, og í þetta skiptið með minni familíu. Vonandi verður það jafn gaman og allt sem ég gerði í gær. :)
..:: m ::..

Gleðilega páska!


Fyrir mér snerist páskadagur alltaf um að vakna snemma og leita að páskaeggjunum sínum og þegar þau voru fundin (oft eftir langa mæðu og margar vísbendingar frá hálfsofandi foreldrum) þá var sest í sófann og glápt á vídjó og borðað súkkulaði þar til maður var að springa. Meira að segja áður en við eignuðumst vídjó þá var iðulega leigt vídjó útá leigu svo við gætum örugglega haft eitthvað til að glápa á þennan eina dag ársins. Þá var spennandi að fá að borða nammi svona snemma á morgnana og líka að fá að horfa á hvaða mynd sem manni langaði á spólu. Ekki það að ég hafi búið við eitthvað harðræði, en þegar ég var lítill var þetta ekkert daglegt brauð. Þessir páskar eru heldur frábrugðnir þessari nostalgíu, ég og Fjóla systir erum ein heima því móðir okkar er útá landi (hver skilur börnin sín eftir ein heima á páskadag!?) þannig að við ætlum bara að mæta í grillveislu hjá bróður mágs okkar með honum og systur okkar. Það verður eflaust mjög gaman bara. En núna er ég að spá í að skella mér út í körfubolta svona í tilefni páskanna. Ekki borða yfir ykkur. Það veit aldrei á gott. :) (Allir að taka þátt í nýrri könnun!)
..:: magz ::..

Not happy...


Djöfull er ég ógislega fúll núna. Það hættu allir við að fara á ball og ég finn engan til að fara með mér. Ég þarf að beila á þessu. Helvítis andskotans djöfull eru ekki fyrstu orðin sem mér dettur í hug en ég ætla að sleppa því að minnast á þau orð því þau eru engum manni sæmandi. Ég verð víst að láta mér nægja að eyða morgundeginum í að keyra suður og sunnudeginum í að fara (vonandi, nema þeir beili líka) á ball með vinunum.
..:: m ::..

HEY KANÍNA! KONDÍ PARTÝ!


Ég efast um að Jói ætli að splæsa í kvöld, og efast ég enn meira um að kanínur muni fjölmenna, en í Sjallann fer ég í kvöld og djamma með Sálinni og nokkrum öðrum vel völdum einstaklingum, aðallega Akureyringum. Vonast ég til að föstudagurinn langi standi undir nafni og að við getum verið að langt fram á nótt án þess að það bitni á laugardeginum því þá þarf ég að keyra suður aftur. Ekki veit ég hvað laugardagskvöldið ber í skauti sér, en á sunnudasgskvöld og aðfaranótt mánudags verð ég djammandi með kanínum á mínum heimavelli, því þá verður Sálin í Stapa.

Í gærkvöldi fór ég á kaffihús með nokkrum fögrum yngismeyjum, og var þar enginn annar en Stefán Jakobsson úr VMA sem skemmti með söng og gítarspili við annan mann. Drengurinn kann semsagt að syngja fleiri lög og stóð hann sig með miklum ágætum. Eftir það var rúntað útí nóttina og var alveg pakkað á rúntinum. Ekki það að hann sé eitthvað stór, en það var ekkert í gangi í bænum og því flykktust félagsverur Akureyrar "í bæinn" og sýndu sig og sáu aðra gegnum mishreinar bílrúður. Akureyri er að ég held betur að titlinum "höfuðborg hnakkanna" komin heldur en Selfoss því ég er allt morandi í überhnökkum og túrbótussum. Hér er þetta fólk kallað copy-paste fólkið og þykir mér það afar viðeigandi nafn. Allir steyptir í sama mótið. Þetta er örugglega ágætis fólk ef vel er að gáð en afskaplega óheppið í fatasmekk og persónuleikum. Segi svona. Stelpurnar eru nú samt margar hverjar fallegar sem gull, og maður á það oft til að líta um öxl hér í bæ því kvenfólkið er ekki skorið við öxl. Því held ég að óhætt sé að álykta að ég eigi eftir að skemmta mér og öðrum ákaflega vel í kvöld, líka með tilliti til þess að veðurguðirnir virðast líka vera komnir í djammgírinn. Sumar og sól.
..:: magchen in über action ::..

Í dag er skírdagur um allt land

Ég er netfíkill. Ég er búinn að bæta við smá á síðuna. Núna geturu séð kvót (quote) hér neðst til hægri. Að vísu eru bara tíu kvót sem birtast af handahófi þegar þú kemur á síðuna eða smellir á takkann. Og svo eru nýjir linkar komnir í nýjan kassa hér hægra megin. Klukkan er að verða hálf fjögur og ég er ekkert búinn að borða. Ætli það sé ekki best að fá sér snæðing. Endilega takið þátt í skemmtilegum umræðum um færsluna hér fyrir neðan. Segðu þitt álit.
..:: red ::..

Söngkeppnin

Ég veit að ég er svoldið seinn á því en mig langar að minnast örlítið á söngkeppni framhaldsskólanema sem var haldin hér á Akureyri um daginn. Ég horfði á keppnina í sjónvarpinu (var meira að segja uppí sumarbústað og spilaði póker á fullu inn á milli skemmtilegu lagana!) og hafði bara gaman að. Úrslitin voru hinsvegar algjört prump. Það heyrði hver einasti maður (fólkið í bústaðnum var amk sammála) að þessi maður með þetta lag átti að vinna. Þetta er hann Stefán Jakobsson úr VMA sem söng gamalt Scorpions lag, Still Loving You, (Ég elska þig enn). Þeir sem unnu voru nottla þvílíkt góðir og allt það, en þessi maður átti svo skilið að lenda amk í einhverju sæti ef ekki því fyrsta. Náið í lagið og dæmið sjálf.

Talandi um ósanngjörn úrslit þá er líka hægt að nálgast Eurovísu með Botnleðju hérna fyrir áhugasama. Gaman að því. Djöfull er maður alltaf ferskur og langt á undan hinum. :þ
..:: mags ::..

Sjallinn


Ég er að horfa yfir Eyjafjörðinn. Það er flott útsýni frá húsinu hans pabba. Sérstaklega þegar það er svona gott veður. Ég held ég skelli mér í sund á eftir. En það er aldeilis að íbúar Akureyris eru djammsjúkir. Kannski er þetta bara orðið svo ömurlegt heima í Kebblaík að maður heldur að það sé aldrei neitt í gangi annarstaðar heldur. Ok, ég veit að það eru tvö böll í Stapa um páskana, en það eru fjögur böll í Sjallanum! Skítahelvítismórall í kvöld, Sálin á föstudaginn, Papar á laugardaginn og MIB á páskadag! Ég er að spá í að reyna að komast á föstudaginn á Sálina, og aftur á Sálina í Stapa á páskadag! Það væri örugglega snilld. Kemur allt í ljós.
..:: max ::..

Summer


Mér finnst vera komið sumar. Kannski er það bara af því að ég er kominn til Akureyrar og þar er gott veður. Einhvernvegin finnst mér það ekki alveg passa því það eru að koma páskar en svoleiðis er það nú samt. Myndin af Angelinu Jolie er til komin útaf þessari frétt á mbl.is, en ég gat ekki tekið myndina þaðan. Það er hinsvegar miklu flottari mynd.

Getur ekki einhver bent mér á eitthvað skemmtilegt til að downloda? Svona í tilefni þess að ég er kominn til Akureyris í almennilega nettengingu. Á móti mæli ég fyrir alla Radiohead aðdáendur að niðurhala laginu There There í boði Freysiers. Hvet svo Freysier í leiðinni til að setja allan nýja Radiohead diskinn endilega á netið hið snarasta svo maður nái að brenna hann hérna í siðmenningunni áður en maður fer aftur í símalínu-módem viðbjóðinn. Ætli það sé ekki ball í Sjallanum í vikunni... :)
..:: m-ak ::..

Akureyris


Já lesandi góður. Ég er að fara til Akureyris. Eða, ef klukkan er meira en tólf á hádegi þriðjudaginn 15. apríl 2003 þá er ég kominn til Akureyris! Finnst þér það ekki magnað!? (eða ef það er liðin uþb vika frá þessari dagsetningu þá er ég kominn heim aftur...). Ég er búinn að tala við nokkra sem sjá ekki dagsetninguna á færslunum mínum á þessari forlátu bloggsíðu! Það finnst mér alveg magnað. Tekur þú ekki örugglega eftir henni...? Hún er undir textanum efst í hverri færslu. Mér finnst þetta sniðugt og ætla ekki að breyta þessu. *hrmph!*

Ég er hættur að nenna að fárast yfir því að enginn skuli skrifa í sjátátið mitt (ok, ekki enginn en svona næstum því). Það þýðir ekki að ég sé ekki lengur fúll útaf því, því ég er það! Fólk hrúgast hér inn og vonandi les það amk eitthvað af því sem ég hef að segja. Og ég neita að trúa því að lesendur þessarar síðu séu alveg heiladauðir og hafi því einhverja skoðun á því sem ég hef að segja. Þá er um að gera að skrifa smá komment. Og fyrst ég er nú farinn að fárast yfir þessu öllu saman þá er fólk líka hætt að skrifa í gestabókina. Jæja, nóg komið af röfli í bili. Sjáumst á Akureyris! :)
..:: max ::..