Saturday


Ég átti eftir að minnast á merkilega hluti sem ég gerði á laugardaginn. Ég átti eftir að minnast á hluti sem ég gerði á föstudaginn að vísu en þeir voru ekki merkilegir þannig að það er ekkert gaman að lesa um það. En á laugardeginum fór ég á Jackass. Ekki er hægt að segja annað en að þeir hafi staðið undir nafni. Ég hef aldrei séð nokkurn mann æla jafn mikið og Steve-O gerði. Hann braut ljósaperu á hausnum á sér og skar sig allan á tungunni með brotunum þannig að hann var alblóðugur. Hann heftaði punginn á sér við lærið á sér. Hann sprengdi nokkra bjóra á hausnum á sér. Hann gerði ýmislegt sem ég myndi aldrei gera. Hinir gerðu mest lítið. Hjólabrettaatriðið var kúl og atriðið með stigann á hökunni. Ég varð ekki fyrir vonbrigðum með sýninguna eins og margir, því ég gerði mér engar væntingar. Ég meina hvað gætu þessir menn mögulega haft merkilegt fram að færa?

Hitt sem ég gerði sem vert er að segja frá er að ég horfði á Bowling for Columbine, heimildamyndina frægu sem vann óskarinn. Þetta er virkilega góð mynd og alveg brjáluð ádeila á bandarískt samfélag. Maður trúir bara varla að Kani hafi gert þessa mynd. Ég er ekki vanur að horfa á heimildamyndir, hvað þá heimildamyndir sem eru tveir og hálfur tími, en þessi hélt mér við efnið og var barasta virkilega góð. Þrjár stjörnur af fjórum. Allir að kíkja á þessa mynd!
..:: max ::..

Vúff...


Já vúff segi ég og meina það innilega. Ég er búinn að eyða deginum (amk þeim hluta af deginum þegar ég var ekki sofandi eða vinnandi uppá velli) í að breyta síðunni minni svo um munar. Útlitið er nokkuð breytt og finnst mér sú breyting vera til batnaðar. Hitt var svolítið litlaust og sterílt. Þetta er skárra. Og bara mjög flott finnst mér amk. Ef þú vilt segja þitt álit þá er ný könnun hér til hægri!

Núna er síðan líka þannig að þú getur eytt deginum hérna án þess að leiðast! Ég er búinn að bæta við nýjum linkum (þeir eru hér til vinstri, undirstrikaðir) og hér til hægri eru þrjú box með linkum sem breytast á fimm mínútna fresti. Eitt með baggalút, vísindavefnum, mbl.is og álíka afþreyingu. Hin tvö eru með nýlega uppfærðum bloggum, annað með íslenskum og hitt með útlenskum. Vonandi þarftu lesandi góður aldrei að fara aftur af síðunni minni því hér er svo mikið að skoða! :)

Ef þér finnst eitthvað að þessari uppsetningu eða hún er í einhverju fokki í tölvunni þinni láttu mig þá endilega vita. Það væri mjög vel þegið. Og allir þeir sem vilja hrósa mér og segja mér hvað ég er orðinn góður í html og css (að ég tali nú ekki um hvað ég er myndarlegur með rauða hárið og vel upp alinn) þá er comment kerfið upplagt til þess brúks.

En nóg um síðuna. Ég fór á djammið í gær og var lengi að. Var kominn í rúmið um hálf átta í morgun, en ég var dræver þannig að þetta var ekki þunnudagur. Bara ágætis sunnudagur. Djöfull getur verið gaman að skemmta sér edrú. Það sást bezt á því að við dræverarnir tveir vorum í mesta fjörinu þegar farið var að renna af hinum og þeir orðnir slepjulegir og vægast sagt viðbjóðslegir, nefni engin nöfn. Magnað líka hvað það var ótrúlega fallegt kvenfólk á Nellýs. Mér hefur alltaf fundist þetta pleis vera hálfgert hundahótel. En allavega. Ég er hættur í bili. Góðar stundir.
..:: magchen in action ::..

Harder! Faster! Scooter! Never!!!


Ég fór semsagt ekki á skúter. Ég er núna hjá Hjölla og Bebbu að drekka með Hjölla, Einari Þ., og Jobu Kretz. Við ætlum niðrí bæ að kíkja á Keflvískar hljómsveitir á Grand Rokk (ef við förum einhverntíman af stað). Ég er að hlusta á gaurinn í VMA sem tók lagið með Scorpions í söngkeppni framhaldsskólanna. Djöfull átti maðurinn að vinna. Allavega. Skrifa meira um þetta kvöld þegar eitthvað er búið að gerast.
..:: magchen ::..

Harder! Faster! Scooter!!!


Að fara á Scooter eða fara ekki á Scooter? Núna er hálftími þar til að það verður opnað í höllinni og það er ekki enn víst hvort ég fari á Scooter. Það er uppselt en DJ HotPot ætlar að reyna að redda mér miða við innganginn. Aldrei að vita hvernig það fer. Þá verður bara brunað í bæinn og hoppað út í nóttina!! Annars er svaðalega gott veður fyrir djamm. Fínt að kíkja á eftirpartý á Nasa og svona... Djöfull er maður orðinn mikill hnakki.

Alltaf gaman að vera kallaður snillingur af fólki sem maður þekkir ekki. Þessari stelpu finnst ég vera snillingur af einhverjum ástæðum. Gaman að því. Ef þú lest þetta ungfrú Álfhildur Kúkablóm þá máttu alveg segja mér hver þú ert! :)
..:: magchen ::..

Boðóheppni


Óheppnin er ekki farin, en mamma er búin að taka við henni. Samt er það enn í fullu gildi að óheppnin hefur mikil áhrif á alla fjölskylduna og allt tengist þetta bílnum okkar ólánsama. Mamma læsti bílinn inní bílskúr. Við erum frekar nýbúin að fá okkur nýja bílskúrshurð og hurðaopnara og svona fínt. Það er einn opnari í bílnum og einn inni í húsi. Mamma fór með þennan sem var inní húsi útí bílskúr og lokaði hann þar inni og því er bíllinn þar fastur. Það er ekki sjens að komast inn um bílskúrshurðina þannig að við verðum að reyna að brjótast inn að aftan. Brjóta glugga eða rífa upp "hurðina" þar sem er nelgd aftur og fer í mask ef við reynum að fara þar inn. Bíllinn er amk enn inní bílskúr og ég er að fara að reyna að koma honum þaðan út.

Annars er það að frétta að ég fer á Jackass á seinni sýninguna á laugardag. Pétur í Ding-Dong verður þar gestur þeirra og held ég að þetta geti orðið virkilega fyndið því sá maður er snillingur í uppistandi. Enn er óráðið hvort ég joini ellu-poppandi-aflituðu-hlýrabola-brúnkukrems-sterabolta-hnakka-hommunum og skelli mér á Scooter en ég held að það gæti orðið geðveikt gaman. Troðfull höllin og brjálað ljósashow og sprengingar og dansarar og allt þetta undir trylltri eróbikk-tekknó-tónlist. Ég held ég barasta verði að kíkja. Kemur allt í ljós. En ég er farinn að reyna að frelsa bílinn minn. Adios amigos!
..:: max ::..

Word of advice...


Ef þið lendið í því að eiga svona dag eins og ég átti í dag, þar sem allt gengur á afturfótunum (sjá færsluna hér á undan) þá er ég með eina ábendingu fyrir ykkur. Aldrei, og ég endurtek aldrei segja, það getur nú ekki versnað úr þessu, eða eitthvað álíka. Jú, þú giskaðir rétt. Dagurinn minn versnaði eftir að ég skrifaði síðustu færslu. Ég ákvað stuttu eftir að ég skrifaði færsluna að nóg væri komið af þessum guðsvolaða degi og fór að sofa til að sleppa úr þessum hörmungum. En stuttu eftir að ég sofnaði var ég vakinn. Það var móðir mín og var hún búin að fara með bílinn til að athuga með skemmdir. Og það sem virtist vera svo lítið var það sko alls ekki. Skemmdir á hinu og þessu undir húddinu, s.s. bara allt í fokki. Hundraðogfimmtíuþúsundkall takk fyrir og amen. Við þurfum semsagt að leita til trygginganna og láta þær borga þetta og borga sjálf sjötíuþúsundkall. Og mestur hluti þeirrar upphæðar lendir á mér að sjálfsögðu. Ég má ekki við þessu. Fyrsti launaseðillinn sem ég er búinn að hlakka svo til að fá... er horfinn. Áður en ég fékk að finna peningalyktina. Alheimurinn elskar mig þessa dagana. Og þú, lesandi góður, ert ekki búinn að heyra nema brot af óförum mínum síðustu vikur. Veit einhver hvar ég get fengið haglabyssu á vægu verði?
..:: fuck you too ::..

Á svona dögum...


...langar mann bara að leggjast í hýði. Dagurinn í dag átti að vera góður, síðasti skóladagurinn um langa tíð (að öllum líkindum) og bara gleði í mínu hjarta með það. En alheimurinn var ekki lengi að útrýma allri gleði í mínu hjarta. Á heimleið úr Reykjavík, nánar tiltekið á Bústaðarvegi, sá ökumaður jeppa nokkurs sig knúinn til að snarhemla með þeim afleiðingum að næsti bíll þar fyrir aftan nauðhemlaði og ég fylgdi fast á hæla honum. Heldur fast fylgdi ég þó, því ég endaði aftaná bílnum fyrir framan mig og jeppinn ók burtu. Semsagt, ég keyrði aftaná bílinn í algjörum órétti þótt þetta hafi engan veginn verið mér að kenna. Við fylltum út tjónaskýrslu og þegar heim í Keflavík var komið fórum við beinustu leið niðrá VÍS og skiluðum inn skýrslunni. Þar fengum við þó þær ágætu fréttir að ef ekkert væri að okkar bíl myndi tryggingin borga hinn bílinn. Lítið sást á okkar bíl en stuðarinn á hinum var vel beyglaður. En þessi "gleðitíðindi" voru skammgóður vermir því þegar heim var komið beið eftir mér glóðvolg sektartilkynning frá því að "undercover" löggubíll útí kanti nappaði mig á 70 þar sem hámarkið er 50. Það þýðir rúman ellefuþúsund kall úr buddunni minni. Og ekki má ég við því. Maður getur ekki annað en elskað svona daga. Eða bíddu... jú! ÉG HATA SVONA DAGA!
..:: fuck off ::..

Útþrá...

Hitti kúrekastelpuna í sundhöllinni (alltaf jafn sæt!) og við í Ferðafélaginu Vilmundur Ríó erum að fara að hittast. Vá hvað mig langar aftur til Ríó. Við krakkarnir sem fórum saman ákváðum að við ætlum aftur eftir fjögur ár og ætlum að safna fyrir því með því að leggja fyrir í hverjum mánuði. Ég er nottla ekki byrjaður (stúpid ég) enda er það erfitt þegar það er engin innkoma í bókhaldið. Bara úrkoma.

Orð vikunnar: Limgerði. Hversu heimskulegt er þetta orð?!! Amk gátum ég og Goldeneye hlegið vel af því. Kannski (orð síðustu viku!) erum við bara svona vanþroskaðir og heimskir en það er þá bara bezta mál líka! Ignorance is bliss...

Það er ekki bara vegna Ríó og ferðafélagsins sem titill þessarar færslu er Útþrá..., heldur er það líka Hróarskelda og Ástralía sem kalla á mig þessa dagana. Ég held að ég verði að svara Ásgeiri (frænda og góðvini Goldeneye) játandi. Það er hægt að vita mínus! Ég veit mínus. Mínus um hvað ég vil. En hinsvegar veit að mig langar á tónleika á morgun með Mínus. Þar munu líka spila Dáðadrengir (ef leitað er vandlega má finna krækju á heimasíðu þeirra hér á síðunni) og Sign. Mig langar mikið að sjá Dáðadrengina "læv", enda er tónlist þeirra afskaplega "jolly" og skemmtileg og örugglega ennþá betri læv. Svo endar það kannski með því að maður fari á Scooter og jafnvel Jackass bara líka! (langar einhvern í miða á hálfvirði?) Það er nebbla aukasýning á laugardaginn sem er líka bönnuð eins og sú á föstudagskvöldið, aldrei að vita nema maður kíki fyrst maður fær tveir fyrir einn tilboð. Með þessum orðum kveður Magchen og óskar þeim sem eru á leið til Kanarí á morgun góðrar ferðar og mikillar skemmtunar!! (ég veit það verður erfitt án mín...)
..:: magchen ::..

Hlaða dauðans


Af því fólki sem er á lífi í dag er talið að um hálfur milljarður muni látast af völdum tóbaks. Fleiri deyja í heiminum vegna tóbaks heldur en vegna alnæmis, eiturlyfja, umferðarslysa, morða og sjálfsvíga samanlagt. Þetta er svoldið svaðalegt.

Ég er í hlöðunni og þetta er næstsíðasti dagurinn minn í heimspeki. Það er góð tilhugsun. Svo fer ég að vinna fljótlega og það er líka góð tilhugsun því það þýðir feitur launatjékki! Nei ok, kannski ekki alveg, en að minnsta kosti launatjékki. Svo þarf ég að læra fyrir og taka próf á meðan ég er í vinnunni sem er ekki svo góð tilhugsun. Þannig að það eru blendnar tilfinningar hjá mér þessa dagana. En, ávallt hress.
..:: magchen ::..

Júhú!


Auglýsingin er farin! Þökk sé Nonna og Elísabetu sem hjálpuðu mér að redda þessu. Kíkiði á síðuna þeirra því þau eru búin að gera hana alveg uppá nýtt og hún er orðin voða flott. Hvernig lýst ykkur annars á bleika bakgrunninn minn? :)
..:: max ::..

Snilld hjá Betu


Djöfull hló ég þegar ég las Moggann áðan. Betarokk er mikið búin að tala um nauðsyn Velvakanda, og gerir mikið grín að þessum dálki (amk held ég að það sé tilgangurinn) með því að senda inn greinar reglulega. Ein slík birtist í dag (lau) í Mogganum og fjallar um að það sé ágætt að vera einhleyp/ur. Gaman að gaurnum sem hún sá úti að labba og var svo brosandi að henni þótti ástæða til að skrifa um það í Moggann. Maður verður að prófa þetta.
..:: max ::..

Þúsund og ein gröf


Þúsund Írakar féllu í nótt og einn Bandaríkjamaður. Vá hvað þetta stríð er súrealískt. In other news, það er búið að ná bankaræningjanum! Helvítis vesin. Var ég sá eini sem hélt með honum? Mig langar alltaf (eða svona yfirleitt) að bankaræningjar komist upp með ránið. Maður þarf sko að vera hugaður (eða bara ótrúlega heimskur) til að ræna banka og það er notta alltaf til þessi goðsögn um hið fullkomna rán...

Tommi skrifaði í gestabókina mína að ég ætti bara að drífa mig út í heimsreisu. Kannski endar það bara þannig. Ég er mest að spá í að fara aftur til Ástralíu (það er jú heimsálfa) aftur, það land er bara eintóm snilld út í gegn. Uppáhalds landið mitt í heiminum. Svo er nottla spennandi að taka Suður-Ameríku, Asíu eða Afríku. Held að ég vildi síður flakka um Evrópu, maður er bara búinn að sjá svo mikið af þessum löndum. En Tommi, fyrst þú ert svona uppfullur af visku, geturu nokkuð sagt mér hvernig í andsk... ég get reddað mér miða á Hróarskeldu? Ég var nefnilega svo heimskur að bíða of lengi með að panta á exit.is. Anyone? Mig langar á Hróarskeldu!!! Sérstaklega af því að (belive it or not) SigurRós mun spila þar!!! Ég hef samt engar tilkynningar séð um það, fyrir utan þessa hérna, en ég hef enga ástæðu til að efast um þetta. Mig langar svooo mikið. Vill einhver koma með mér?
..:: red ::..

Times are a changing...


Nú hef ég tekið mig til og breytt síðunni minni. Ég rakst á stórsniðuga síðu sem heitir rss.molar.is. Þar geturu útbúið svona valmynd (eða hvað er hægt að kalla þetta?) eins og ég er búinn að gera hér til hægri. Hugmynd mín er svo að fá fólk ég þekki sem er að blogga (þið vitið hver þið eruð!) til að skrá sig inn á þetta og þá er hægt að búa til svona yfirlitsmynd fyrir það fólk! Hvað græðir maður á því gæti einhver spurt... Jú. Það er einfalt. Þá þarf maður ekki að eyða tíma í að kíkja á hvert einasta blogg sem mann langar að skoða, heldur hefur bara tilbúinn við höndina lista yfir þá sem eru búnir að uppfæra nýlega! Þetta er svoldið sniðugt. Ef mig langar að hafa þig með á listanum þá ertu örugglega búin/n að fá frá mér póst þar sem ég bið þig um að skrá þig (vantaði að vísu fullt af e-mailum, sendu mér bara línu ef þér finnst þetta sniðugt!). Ef einhver sem ekki fær frá mér póst hefur á áhuga á að vera á listanum mínum þá er hægt að taka það til athugunar. En allir bloggarar ættu endilega að skrá sig á þetta sem fyrst því það tekur smá tíma fyrir þetta að vera staðfest. Ég setti inn nokkrar síður á þetta til að sýna hvernig þetta virkar, t.d. mbl.is, baggalút, huga.is, vísindavefinn og fleiri sniðuga vefi. Endilega nýtið ykkur þetta og skoðið það sem vekur áhuga ykkar. (ef þið viljið halda áfram að skoða þessa síðu verðið þið að hægrismella og velja 'Open in New Window').

Ég tók líka út ChatterBoxið mitt enda var það lítið notað. Um að gera að nýta bara ShoutOutið í staðinn, alltaf gaman að fá comment á það sem maður er að gera. Allavega, lítið að frétta af mér. Síðasta skólavikan hjá mér í næstu viku, sem þýðir að ég á bara tvo skóladaga eftir! Svo er þriggja vikna bið í þessi þrjú próf sem ég þarf að taka. Þetta er að verða búið. Sem vekur hjá mér ótta því ég veit ekkert hvað ég ætla að gera í framhaldinu! Er hægt að vera professional bloggari? Hver myndi borga fyrir það? Hmmm... eitthvað til að hugsa betur um...
..:: max ::..

Skjótt skipast veður í lofti og prump í rassi


Ég er algjörlega uppgefinn eftir þessa viku og þó hef ég ekki gert handtak. Ég ætla ekki að segja ykkur alla sólarsöguna en þeir vita sem vita. It's better to have loved and lost, than never to have loved at all. Var þetta ekki einhvernvegin svona?

Ég reyndi eftir bezta mætti að losna við auglýsinguna þarna efst en það tókst ekki. Losnaði þó við helvítis canEdit dæmið þarna efst þannig að ég er bara sáttur og nenni ekki að breyta meiru í þetta sinn.

Ég get ekki ákveðið mig hvað ég vill læra eða hvort ég vill læra eitthvað nú í haust. Þetta er bara eitthvað sem ég er búinn að hugsa fram og til baka og kemst að engri niðurstöðu. Þannig að ég hef ákveðið að þú skulir ákveða þetta. Ég hef búið til könnun sem þú átt að taka þátt í þar sem framtíð mín mun ráðast. Ef þú hefur betri tillögu en þær sem birtast í könnuninni þá endilega láttu mig vita með því að skrifa það í ShoutOut-ið mitt.

Orð vikunnar: Kannski. Ég er loksins búinn að læra að skrifa það með tveimur ennum.

Önnur pæling. Ég veit ekki hvort ég á að halda áfram að æfa sund. Þú færð bara að ákveða það líka. Svo er líka pollur vikunnar hér til hægri! Allt að gerast.
..:: magchen ::..

Speki


Ég get kennt hverjum sem er að fá það út úr lífinu sem hann vill.
Vandinn er að ég finn engan sem veit hvað hann vill. -Mark Twain
(Vá hvað þetta á vel við um mig... kannski alla aðra líka eins og Mark Twain sagði...)

Ég ætla að reyna að breyta útlitinu á síðunni minni. Eða, ég ætla að breyta síðunni og sjá svo til hvort það kemur betur út. Það hljómar betur. Held að það geti tekist, ef ég reyni ógislega mikið, að losna við auglýsinguna hérna fyrir ofan. Hún er svo ljót. Skrifa meir seinna í dag. Þarf víst að borða eitthvað til að lifa! Svo er mér sagt amk...
..:: max ::..

Lífið er skrítið


Já það má með sanni segja. En það er gaman að vera til og það er það sem er fyrir mestu. Getur vel verið að ég játi á mig eitthvað af því sem var að gerast um helgina, hver veit?

En ég var að pæla. Sú pæling var um sjónvarpsþætti og dægurmenningu almennt. En ég er svo þreyttur að ég meika ekki að skrifa meira. Þarf líka að vakna kl. 4.30 í fyrramálið til að taka aukavakt! Pjéningar þú skilur. Aldrei fær maður nóg af þessum pjéningum. Þetta hverfur úr höndunum á manni jafnóðum! En ég vill benda á eitt áður en ég fer. Það er snilldarsveitin Dáðadrengir sem unnu músíktilraunir um helgina. Síðan þeirra er á dáðadrengir.com og þar er hægt að ná í snilldarlagið Allar stelpur úr að ofan. Mæli með því.
..:: magchen ;) ::..

"Vertu þolinmóður gagnvart öllu sem óleyst er í hjarta þínu. Reyndu að elska sjálfar spurningarnar. Ekki krefjast svara sem útilokað er að veita, þó ekki væri nema vegna þess að þú gætir ekki lifað með þeim. Lifðu allt. Lifðu með spurningunum sem sækja á þig núna. Kannski mun þér þá smám saman, jafnvel án þess að þú verðir þess var, veitast dagur með svörum." -Rainer Maria Rilke
..:: mags ::..

Skógur þrastar


Þá er maður loksins kominn heim eftir sumarbústaðarferð. Ég veit ekki hvort ég nenni að segja ykkur alla sólarsöguna en það gerðist sko ýmislegt get ég sagt ykkur. Ég get ekki sagt ykkur allt en ætli ég komi ekki svona með það helsta.

Við fórum á föstudaginn og fljótlega tók að hrúgast inn fólk. Við trölluðum þarna í bústaðnum allir elstu sundkrakkarnir úr öllum félögunum og skemmtum okkur vel. Sumir of vel og ég var einn af þeim. Ég "ákvað" semsagt rétt um miðnætti að koma mér í rúmið (ég hata þann sem fann upp tekíla). En hinir skemmtu sér vel fram eftir nóttu. Á laugardagsmorguninn létu sig svo næstum allir hverfa, kanski útaf þrengslum í bústaðnum hver veit? Við vorum sex eftir og eyddum deginum í slökun og að reyna að láta renna af okkur mesta timbrið. Kíktum í sund og grilluðum um kvöldið og svona, bara voða fínt. Allir mun hressari á sunnudeginum og þegar leið á daginn kom í ljós að það væri ekkert sniðugt að fara að keyra í bæinn í veðrinu sem var uppá heiði. Því ákváðum við bara að taka sunnudagskvöldið líka með trompi og kláruðum allt sem til var í bústaðnum og spjölluðum mikið saman í nokkrum göngutúrum og í nokkrum afar áhugaverðum samtölum uppí bústað. Bara gaman að því. Ég þakka öllum sem þraukuðu þetta svona lengi og finnst mér að þessi bústaðarferð hafi nú bara verið ansi vel heppnuð. Ég þakka þeim sem hlýddu.
..:: magchen in action ::..

.:Ha:.


Þetta vakti hjá mér mikla kátínu. Hehehehehe....

Úr læknaskýslum

"Sjúkl. hefur átt við gott heilsufar að stríða."
"Sjúkl. á vanda til að fara austur í sveit um helgar. Þar datt undan henni hestur."
"Nú er svo komið fyrir henni að hún getur að mestu hjálpað sér sjálf. "
"Sjúkl. hefur formlegar hægðir."
"Sjúkl. lærði söngnám. "
"Sjúkl. batnar ef lagst er ofan á hana (medicin)."
"Misnotaði áfengi í óhófi áður fyrr."
"Að höfðu samræði við lækni féllst hann á að koma sjálfviljugur inn."
"Sjúkl. tekur engin lyf, en Magnyl þess á milli."
"Skoðun leiðir í ljós unglingspilt."
"Sjúkl. var í morgun að drekka te og borða maís þegar að bar mann sem heitir Kristmundur."
"Sjúkl. hefur fremur óbærilega verki."
"Daginn fyrir innlögn borðaði hún kvöldmat á eðlilegan hátt, með kjötbollum, eftir það var hún í samkvæmi."
"Sjúkl. hefur aldrei fundið fyrir þessum verkjum nema þegar hann vaskar upp í sumarbústað, en er ráðlagt eftirlit, ef verkirnir koma fram við önnur tækifæri. "
"Sjúkl. hefur verið í vandræðum með gervifótinn, en hann hefur haft fjóra fætur frá því að hann lenti í slysinu, en þann síðasta fékk hann í apríl s.l."
"Sjúklingur fær verki í bringunni ef hún liggur á vinstri hlið lengur en í eitt ár."
"Á öðrum degi var hnéð betra og á þriðja degi var það alveg horfið."
"Sjúklingur hefur verið niðurdreginn alveg síðan hann byrjaði að hitta mig árið 1983."
"Sjúklingur er tilfinningalaus frá tá og niðurúr."
"Sjúklingur tárast og grætur stöðugt. Virðist líka vera niðurdreginn."
"Sjúklingur er ekki þekktur fyrir að fremja sjálfsmorð."
"Sjúklingur var í góðu ásigkomulagi þar til flugvélin hans varð eldsneytislaus og hrapaði."
"Þegar hann var lagður inn, hafði ör hjartsláttur stoppað og honum leið betur."
"Sjúklingur fékk sér vöfflur í morgunnmat og lystarstol í hádeginu."
"Húðin var þurr og rök"

Já, þar hafiði það! :)
..:: max ::..

IMÍ


Já. Ég er búinn að vera í Heimaey síðustu sex daga að þessum meðtöldum og var þetta bara ferð hin ágætasta. Meira að segja bara mjög vel heppnuð keppnisferð. Mótið byrjaði ekki fyrr en á föstudag þannig að við höfðum tvo daga í síðustu viku fyrir okkur sjálf og þegar við vorum ekki í lauginni vorum við elstu strákarnir í pílu eða að spila póker. Það var spilaður mikill póker um helgina og redduðum við okkur spilapeningum og alles. Mótið var vel heppnað, ég var bara þokkalega sáttur við mín sund miðað við aldur og fyrri störf. Sá mig einhver í sjónvarpinu kanski? Það var ótrúlega gaman að sjá suma krakkana synda því nokkrir stóðu sig alveg frábærlega vel. Mig langar að óska fjórum sérstaklega til hamingju með frábær sund ef þau skyldu álpast til að lesa þetta og þeir sem til þekkja ættu að kannast vel við hvað þessir krakkar stóðu sig vel. Það eru Íris, Öddi, Birkir og Kolbrún Ýr!

Nú er bara málið að halda ótrauður áfram í H-skólanum og halda áfram að plana næstu helgi sem verður lengi í minnum höfð ef allt fer að óskum. Mótslokum verður fagnað með miklum stæl og getur vel verið að ég skrifi eitthvað meira um það síðar. Ég get meira að segja lofað því! Bloggpásu minni er hérmeð lokið.
..:: ótrauður ::..

Þjóðhátið... eða svona næstum


Jæja þá er maður á leiðinni til Eyja. Það verður eflaust bara helvíti gaman. Allir að fylgjast með mér í sjónvarpinu! Það á víst að sýna eitthvað beint frá mótinu, veit ekki alveg hversu mikið. Þið fylgist bara með! :) Ég efast samt um að ég taki mig neitt allt of vel út í sjónvarpinu, kannski ekkert allt of sniðugt að vera að auglýsa það hérna. Jæja, það les þetta enginn hvort eð er. Skemmtið ykkur á meðan ég er í burtu! Ég veit það verður erfitt en þið verðið að reyna. :)
..:: mags rags ::..

Thingz


Adaptation er góð mynd og fær hún 3 stjörnur af fjórum mögulegum. Af hverju fær hún ekki meir spyrð þú kanski? Tjah, ég spyr sjálfan mig stundum þessarar sömu spurningar, og svarið er augljóst. Being John Malcovich er bara betri. Sami gaur skrifar þær báðar en Malcovich (sem fær fullt húst hjá mér) er über schnilld. Þessi á skilið 3 og hálfa á venjulegan mælikvarða, en fær bara þrjár útaf samanburðinum sem er óhjákvæmilegur.

Annar er það af mér að frétta að ég fer til Eyja þeirra er kenndar eru við Vestmenn á miðvikudaginn og kem ekki heim fyrr en á mánudag. Ástæðan er innanhúsmeistaramótið sem tekur greinilega svona mikinn tíma. Ég hef litlar áhyggjur að það verði leiðinlegt, en vonandi leiðist ykkur ekki á meðan því ég get nottla ekki bloggað þegar ég er svona langt frá allri siðmenningu. :)
..:: mags ::..

The world is my oyster


Dagurinn í dag gæti hafa verið einn af þeim merkilegri í mínu lífi. Og ég er ekki að meina það á heimspekilegu nótunum ("Ætli hver einasti dagur í lífi okkar sé sá merkilegasti í sjálfu sér?") því ég er ekki alltaf að hugsa um heimspeki. Heimspeki er skemmtilegt hobbý, en til lengdar er hún frekar tilgangslaus. Engin niðurstaða, og maður getur ekki breytt heiminum (fyrir utan að allir breyta heiminum að einhverju marki, en það eru heimspekilegar pælingar líka þannig að við sleppum þeim hér). Ég er í heimspeki en eins og flestir sem mig þekkja vita þá verð ég þar stutt. Bara einn mánuð enn.

En aftur að því sem gerir þennan dag (sunnudaginn 16. marz 2003) merkilegri en flesta. Ég tók ákvörðun um að taka ákvörðun. Ég hef ákveðið að lífið sé tilgangslaust ef það hefur ekki tilgang. Þetta virðist liggja í augum uppi en er í raun eitthvað sem maður þarf að átta sig á. Ég hef að engu að stefna, sundferillinn er á leiðinni niðrum klósettið (ekki það að ég hafi nokkurntíman getað orðið meira en amatör), ég hef ekki hugmynd um hvað mig langar að vinna við í framtíðinni og þar af leiðandi hef ég ekki hugmynd um hvað mig langar að læra. Það heldur ekki eins og ég sé að fara að gifta mig og eignast börn eins og ástarlífið hjá mér (ef ástarlíf má kalla) hefur gengið undanfarið. Því ætla ég að standa við orð mín og fara í ævintýr á hjara veraldar. Það er ekki ákveðið hvenær, hvert, hvernig eða með hverjum, en ég mun leggja land undir fót í nokkra mánuði og lifa lífinu nákvæmlega eins og mig langar. Sú hugmynd kom upp í dag að fara til Ástralíu með bakpoka og góða skapið og leist mér bara vel á það. Ég þekki fullt af fólki í Ástralíu síðan ég var þar árið 2000 og væri örugglega frábært að heimsækja einhverja af þessum vinum og kunningjum og rifja upp gamla tíma og lenda í nýjum ævintýrum.

Ef ég vinn bara núna eftir skólann út árið og kanski eitthvað smá fram á það næsta ætti ég að eiga nægan pjéning til að koma mér af landi brott og lifa í útlandinu í nokkra mánuði. Þetta langar mig að gera og þótt að ég sé hræddur að prófa eitthvað svona nýtt og standa á eigin fótum (því stundum finnst mér ég bara vera svona átta ára inní mér) þá gerir það þetta bara enn meira spennandi og ævintýralegt. Ástralía er líka æðislegasta land í heimi, nema kanski fyrir utan frónið sem ég elska mjög mikið, og langar mig að kynnast því betur. Síðast þegar ég fór í fjórar vikur árið 2000 þá voru það bestu fjórar vikur ævi minnar og þótt þetta verði auðvitað allt öðruvísi ferð þá ætti hún að vera engu minna spennandi. Ég vona svo innilega að ég hafi það í mér að framfylgja þessu plani, og þótt allt eigi eftir að breytast í umgjörðinni, þá stendur eftir eini sannleikurinn sem ég veit þessa dagana. Mig langar að leggja heiminn að fótum mér.
..:: m ::.. ..:: magchen ::.. ..:: red ::.. ..:: maggi ::..

Josh Wink

Í gærkvöldi skemmti ég mér alveg svaðalega rosalega ógeðslega vel! við vinirnir fórum á Astro og sáum og heyrðum Josh Wink fara á kostum í DJ-búrinu og trylla lýðinn með geðveikum töktum og látum. Ég dansaði í tæpa þrjá tíma með stuttum stoppum. Vá hvað það var geggjað gaman! Josh Wink er snillingur! Ég hefði alveg eins hafa getað staðið undir sturtunni heima í hálftíma, ég hefði ekki verið blautari þegar ég kom út! :) Ég held ég hafi bara einu sinni svitnað svona mikið og það var á Rammstein tónleikunum. Það var geðveikur hiti þarna en þegar Higer State Of Conciousness kom eftir að við höfðum hitað upp fyrir það í tvo tíma, þá gleymdist allur hitinn og svitinn og fólkið og það var bara geðveikt! Tuttugu mínútna útgáfa af laginu og þakið ætlaði af húsinu þegar hæsta punkti var náð! Vá hvað var gaman. Á tímabili þegar reykurinn var sem mestur og strobe-light-ið var á fullu þá sá maður minna en ekki neitt en dansaði bara áfram eins og vitleysingur.

Svo tekur maður því bara rólega í kvöld. Ná úr sér þreytunni eftir þetta kvöld. Mennirnir sem byrjuðu á Electolux eru snillingar allir saman. Ekki spillti svo fyrir hvað það var mikið af fallegu kvenfólki þarna (sem féll þó í skuggann af Chloe sem var þarna líka). Og svo er ég búinn að frétta að Scooter sé að koma til landins og hef ég ákveðið að fara og dansa eins og vitlaus maður þar líka. Scooter er snillingur líka, rúmlega fimmtugur maðurinn og er enn að trylla unglingsstelpurnar, og ég ætla sko að vera á staðnum þegar þær ganga af göflunum! :)
..:: lord of the dance ::..

Hvað er eðlilegt að sofa mikið?
Æi, who cares. Góða nótt!
..:: m ::..

maggi.tk


Vikan byrjar frekar hægt miðað við hvað helgin var brjáluð. Í miðri viku vill ég ekkert gera nema éta og horfa á vídjó því það er gaman. En ég syndi líka og fer í skólann og reyni að lesa eitthvað af þessum bókum sem ég á að vera að lesa. En líf mitt undanfarna mánuði hefur litast mikið af því að ég er svo stefnulaus og það er alls ekki gott fyrir mig. Ég er sá sem verð alltaf að hafa eitthvað til að hlakka til, einhvern stóran atburð í ekki svo fjarlægri framtíð, en það er bara algjör skortur á slíku hjá mér. Ég hef ekki hugmynd um hvað ég ætla að gera í haust og er ekki með neitt sérstakt planað í sumar. Er að spá í að fara að undirbúa eitthvað álíka drastíkt og heimsreisu eða eitthvað. Eitthvað til að stefna að því ég hef svo sannarlega ekki hugmynd um hvað ég ætla að læra. Og það er lítill tilgangur í að hanga í H-skóla í einhverjum fögum sem eiga ekki við mann. Ekki það að heimspekin sé svo slæm heldur er hún bara ekki eitthvað sem ég ætla að gera lengi, bara prófa. Þú fyrirgefur ef þessi hugleiðing var á alvarlegu og leiðinlegu nótunum en stundum er ég alvarlegur og leiðinlegur. Það fer illa með fólk að hafa ekkert að gera. Að þessum orðum sögðum ætla ég að fara að sofa. Kanski fæ ég draumsýn sem segir mér hvað ég eigi að gera. Maður veit ekki, erfitt að segja. En allavega, góðar stundir.
..:: red ::..

Starkaður og Hróbjartur
----- 3. hluti -----
Þetta þarf að lesa hægt.


Stóri guli sandkassinn hefur athygli okkar aftur. Strákarnir okkar sitja þar og halla sér upp að brún hans og horfa upp í skýin. Þeir eru einir úti því hinir krakkarnir eru farnir inn að lúra í oggustund.


Hróbjartur. Veistu hvað?
Starkaður. Já. Ég veit hvað. Það var að renna upp fyrir mér. Þetta er ekki svo ýkja flókið. Við erum. Það er ekki mikið meira að segja um það. Allt sem við upplifum er bara spunnið í kringum þessa einu vitneskju í heiminum. Hvort sem þetta er allt draumur, hvort sem við mannverurnar séum það eina sem skiptir máli og mælikvarði alls, þetta breytir ekki það miklu. Auðvitað er enginn raunveruleiki eins og við hugsum um hann. Um leið og einhver dettur niður á góða lausn á öllu saman þá er einhver annar mættur um leið til að draga hana í efa og finna á henni galla. Og það er engin lausn. Við erum alin upp í raunveruleika sem er ekki til. Það sem við skynjum er ekki til. Þegar þú horfir í spegil, ert það í raun þú sem þú ert að horfa á? Auðvitað ekki og það eru örugglega flestir sammála um það. Það er bara spegilmyndin af þér. En afhverju eru þá allir svona blindir á það að það sem þeir upplifa dags daglega er ekkert annað en spegilmyndin af því sem við höldum að sé til. Þegar þú horfir á eitthvað þá helduru að þú sjáir það. En það eina sem er að gerast er að heilinn í þér er að vinna úr einvherri skynjun sem augun í þér fengu frá einhverju. Hvað þetta eitthvað er veit enginn. Enginn. Og líklegast er það ekki neitt, eða að minnsta kosti ekkert sem við getum nokkruntíman skilið því við erum svo takmörkuð. Af hverju er það sem þú sérð eitthvað raunverulegra en það sem þú sérð gegnum spegilinn. Það sem þú sérð þar er ekki í speglinum í raun heldur bara mynd af því. Það sem þú telur þig sjá í raunveruleikanum er ekki þar heldur bara í hausnum á þér. Þú sjálfur ert inní hausnum á þér og getur ekki annað. Þú munt aldrei komast þaðan. Hvort sem við tveir sem liggjum hérna og horfum uppí himininn erum til í raun eða erum bara persónur í skáldsögu, skiptir það í raun máli? Við erum til. Við erum í hausnum á einhverjum. Hvort sem það er ég, Starkaður Ágústsson, eða bara ég, hugarburður einhvers annars, og hvort sem ég er í hausnum á einni persónu eða hundrað milljón manns, þá er ég til. Engu minna en þú og allir hinir. Raunveruleikinn er eitthvað sem er ekki til. Þetta er allt ímyndun. Og mín ímyndun er engu verri en þín. Við horfum uppí skýin og segjum frá því sem við sjáum. Ég segist sjá fíl en þú sérð regnhlíf. Samt erum við að horfa á sama skýið. Ætlar einhver að koma hingað og segja okkur að annar hvor okkar hafi rangt fyrir okkur? Eða að við höfum báðir rangt fyrir okkur og að það sé einhver mynd sem er þarna í raun? Nei. Aldeilis ekki. Við höfum báðir rétt fyrir okkur. Ég sé fíl og þú sérð regnhlíf. Það er enginn raunveruleiki sem annar okkar er að horfa framhjá. Ég er bara í hausnum á þér og þú ert bara í hausnum á mér. Þannig að nei. Ég breyti svarinu mínu. Ég veit ekki hvað. Hvað ætlaðiru aðeins að segja?
Hróbjartur. Ég man það ekki.
Starkaður. Þarna sérðu.

..:: m ::..

Saturday Sunday


Ég fór ekki í bústað. Vona að það hafi verið gaman hjá Jessie og félögum og ég þakka kærlega boðið. En það var hinsvegar svaðalega gaman hjá mér í gær! Ég svaf nottla yfir mig á æfingu um morguninn og vaknaði klukkan tólf og hringdi uppí fjall. Þá sagði mér kall í símsvara að það væri geggjað veður í Bláfjöllum og að ég ætti að drulla mér á skíði! Þannig að ég rauk upp til handa og fóta og allra útlima og tók mig til, hringdi í "Hið dularfulla H" og við brunuðum uppí fjall. Og það var engin smá snilld. Veðrið var eins eins og pantað útúr bæklingi, nær heiðskýrt, eins stigs frost, lyngt og bara einfaldlega frábært til skíðaiðkunar. Snjórinn var fínn, sumstaðar smá harðfenni en það var allt í lagi. Ég var mesti töffarinn á skíðasvæðinu með eldrautt loðið hárband sem Fjóldís litla systa á, og uppúr því stóð beint uppí loftið eldrauður og glæsilegur brúskurinn. Svo var ég með Oakley sólglerugun mín til að toppa lúkkið. Ég vildi að ég hefði verið með myndavél. FS var í skíðaferð í fjallinu á sama tíma og við hittum nokkra krakka þaðan en misstum af Goldeneye og HeimsKspekingnum. Vorum mestallan daginn með Anderson Mojo og Steinari (hmmm... vantar kúl nick á Steinar.) Við vorum útúm allt fjall og prófuðum fullt af brekkum og þetta var allt saman svaðalega fínt og mæli ég með því að þið öll sem eruð alltaf að fresta því að koma ykkur á skíði drífið í því hið fyrsta áður en það er um seinan.

Eftir að ég hafði farið og klárað kökurnar úr ammælinu hjá litla frænda mínum sem ég missti af útaf skíðaferðinni var mér boðið að fara í framsóknarpartý. Ég var á báðum áttum vegna skíðaþreytu en ákvað að slá til. Hentist heim í sturtu og mætti ferskur í partý. Það fór að týnast inn fólk og meira að segja hljómsveit að spila og læti. Fljótlega fóru að tínast inn allra flokka kvikindi, ungir sjálfstæðismenn og ég veit ekki hvað og hvað. Því ákvað ég að bjóða öllum vinum mínum þangað sem voru í partýi í samfylkingarhúsinu. Þeir komu þangað en stoppuðu stutt því við brunuðum í bæinn. Sex manns í Yaris, lovely. En það gekk upp og við skemmtum okkur vel í bænum. Kvöldið einkenndist af nostalgíu því ég hitti fólk sem ég hef ekki talað við í mörg ár og var það mjög gaman. Hitti líka Önnu sem fór með mér út til Ástralíu og það var gaman. Ég fór að tjékka og dagbókin sem við skrifuðum inná mbl.is er þar enn! En maður þarf að kaupa greinarnar þar núna þannig að ég get örugglega aldrei skoðað þetta aftur. Hrmph. Svo þegar stemmning var farin að myndast á dansgólfum staða bæjarins þá var auðvitað kominn tími til að koma sér heim. En dagurinn og kvöldið voru svo sannarlega vel heppnuð og vona ég að þið hafið einnig átt ánægjulega kvöldstund.

Í sambandi við könnunina mína, "Take of their hats!", þá er rétta svarið "Popes in a Volkswagen". Þetta er komið úr Friends og vildi ég bara tjékka Friends kunnáttu ykkar því ég kann flestar seríurnar utanað og þykir miður ef þið gerið það ekki líka. Taktu þátt í nýju könnuninni! Það er ekki eins og ég sé búinn að gera nóg þessa helgi því er ég að fara í mat á FlugHótel í kvöld því afi er áttræður. Nóg að gera! Bið að heilsa.
..:: magchen ::..

Ágætis byrjun


Þessi helgi byrjar bara ágætlega. Ég fór semsagt á árshátíð ÍAV á Broadway og var það bara fínt. Hefði samt aldrei nokkurntíma í helvíti tímt (týmt?) að borga níuþúsundkall fyrir þetta (miðinn kostaði það víst). Stelpurnar í Le 'Sing voru flottar og kunnu að dansa og maturinn var góður. Ég vann ekkert í happdrættinu en kall sem var á mínu borði vann eftir að hafa blótað og röflað yfir því að vinna aldrei neitt og svo var eins og hann hefði unnið Miss World hann var svo hissa og glaður þegar hann vann koníaksflöskuna. Magnað. Góð saga?

Ég hef verið svoldið í því að kíkja á blogg hjá öðrum svona útaf þessu Iceblog dæmi öllu og það fara sum blogg verulega í taugarnar á mér. Þeir sem blogga um ekkert nema hvað þeir hafa lítið að blogga um eru leiðinlegir. Þeir sem blogga ekki heldur birta bara einhverjar heimskulegar kannanir á hvernig persóna þeir eru fara í taugarnar á mér en þó ekki meira en kannanirnar sjálfar. Þær eru það tilgangslausasta og leiðinlegasta sem til er á netinu. Ég veit að það er líka tilgangslaust að láta það fara í taugarnar á sér en það gerir það samt. Fólk sem er með blogg en bloggar einu sinni í mánuði er líka leiðinlegir bloggarar. Sjálfum finnst mér gaman að blogga og blogga um það sem mér finnst skemmtilegt að blogga um og reyni að forðast eins og ég get að vera einhver af ofantöldum bloggurum.

Þetta finnst mér fyndið. Er þetta í alvöru eða? Hvað ætli manneskjan hafi fengið mikla stríðni útá þetta? Kanski var það tilgangurinn enda gott djók ef svo er.

Það þekkja örugglega flestir sem þetta lesa goðsögnina um rauðhært kvenfólk. Kvenfólk sem er rauðhært, og ég er að tala um mjög rauðhært en ekkert amatör dæmi, er nefnilega yfirleitt óvenju fallegt eða herfilega ljótt. Þetta er kanski ljótt að segja, en staðreyndin er að millivegurinn er frekar sjaldgæfur og er í raun undantekningin sem sannar regluna. Mér finnst að það sé löngu tímabært að skella þessu yfir á karlpeninginn líka því ég hef á tilfinningunni að það sé alls ekki mikið álit hjá almenningi á rauðhærðum karlmönnum. Ég kenni þessu algjörlega um það hversu illa mér hefur gengið í hözzl deildinni. Helvítis steríótýpu kjaftæði. Eins og heyra má eru menn gramir hér á bæ.

Svo er bara málið að fara annaðhvort á skíði eða í sumarbústað á morgun. Eða er kanski bara bæði betra? Takaða tvöfalt? Mér líst vel á það. Þetta á allt eftir að koma í ljós. Þetta fer allt einhvernveginn, það er það eina sem ég get verið viss um. Ætli það sé ekki bara ágætis huggun í öllu sem maður tekur sér fyrir hendur? Ég held það. Þetta fer allt einhvernveginn. Þegar þetta er liðið þá get ég ekket gert í því lengur hvernig það fór þannig að það er ástæðulaust að hafa áhyggjur af nokkur yfir höfuð. Með þessum hugleiðingum kveð ég.
..:: red ::..

Allt of langt síðan ég hef bloggað!


Halló halló! Það er ýmislegt að frétta af mér. Ég er kominn með útgáfusamning af smásögunum mínum með heimspekilegu ívafi. Það er nottla hið bezta mál! Býst við að fá Nóbelinn þá og þegar. Ég er ekki búinn að fá útúr fleiri prófum en þangað til það gerist fékk ég 10 í þeim öllum báðum. Ég er hættur við að fara til Kananananarí! Nokkrar ástæður, litlar líkur á að ég komist á smáþjóðaleikana vegna þess að ég kann ekki að synda (amk ekki þessa dagana!), ég á ekki pjéning, og ég á engan pjéning. Þetta plús peningaleysi eru aðalástæðurnar.

Í gær eftir æfingu slógum ég Goldeneye og Cookie þessu öllu bara uppí kæruleysi og brunuðum í bæinn og fengum okkur feitan Tower Zinger Barbeque borgara á KFC og mikið svaðalega var hann góður. Svo kíktum við á Gangs Of New York og er það mynd hin fínasta. Meira að segja bara mjög góð. Og löng. Það má ekki gleyma löng. Samt tókst mér að mæta á morgunæfingu! Þvílíkur dugnaður.

Ég er víst að fara á árshátíð hjá ÍAV á morgun á Broadway. Djöfull verður það svaðalega fínt. Matur og fínerí. Annars lítið planað um helgina. Eitthvað sem þú vilt benda á? Allar tillögur vel þvegnar.
..:: magchen ::..

Starkaður og Hróbjartur

---- 2. hluti. ----

Hróbjartur situr efst í klifurgrindinni og Starkaður hangir á hvolfi með krosslagðar hendur og lokuð augu. Guli sandkassinn var ekki fýsilegur staður fyrir drengina gáfuðu til að rökræða í þessum leiktíma vegna efnahernaðar kattanna í hverfinu. Sumir krakkanna láta það ekki mikið á sig fá og Hróbjartur horfir uppá eina stelpuna stinga uppí sig vænni lúku af sandi og japla á honum eins og hann væri hnossgæti. Maður má allt þegar maður er bara tveggja ára.

Starkaður. Hvað helduru að ég geti hangið svona lengi?
(Hróz lét spurningu Starky sem vind um eyru þjóta.)
Hróbjartur. Ég sé næstum heim til mín héðan.
(Starky grípur í stöngina sem hann hangir sér í og vippar sér upp til vinar síns.)
Starkaður. Ég sé ekki næstum því heim. Óþolandi að eiga heima svona langt frá leikskólanum sínum. Hvað ætli þetta sé eiginlega langt? Örugglega 10 kílómetrar.
Hróbjartur. Hættu þessu væli, ég veit nákvæmlega hvað það er langt heim til mín. Mamma röltir þetta með mér alla morgna og þetta eru 314 skref fyrir mig. Hvað ætli ég hafi labbað þetta oft eiginlga? Eða það sem meira er, hvað ætli maður hafi tekið mörg skref yfir ævina? Alveg slatta get ég sagt þér. Eigum við að reikna það út?
Starkaður. Nei ég nenni því ekki. (Starkaður var kominn aftur í sínar fyrri stellingar, hangandi á hvolfi í einum af rimlunum.) Þú gætir það hvort eð er aldrei. Ég meina, það eru allt of margir óvissuþættir. Þetta yrði svakalega ónákvæmt hjá þér.
Hróbjartur. Já ég veit, en það skaðar ekki að reyna. Ef ég væri fíll, ætli ég gæti þá munað öll skrefin sem ég hef tekið? Þeir muna víst ansi mikið. En hvað hafa þeir svosem að muna? Hmmm.. Hvað ég gerði á þessum degi fyrir tólf árum? (Hróz reyndi að gera sig dimmraddaðann til að leika fíl.) Ég rölti niður að vatnsbóli og fékk mér 24 sopa. Vatnið var frekar heitt. Svo lagði ég mig. Þvílíkt líf að vera fíll, skrítið að hann geti munað allt, það hefur aldrei neitt gerst hjá honum! Einhver ætti að lána honum alfræðiorðabók og spyrja hann svo útúr henni. Hann gæti ekkert munað þá.
Starkaður. Hvað varstu að segja um mömmu þína?
Hróbjartur. Þegiðu. Mömmubrandarar voru kanski fyndnir þegar við vorum tveggja.
Starkaður. Jeje. En þetta skrefadæmi er svoldið áhugavert. Nú hefur þú tekið ákveðinn fjölda skrefa um ævina. Það er alveg augljóst. Sama hvort þú munir það, sama þótt öllum í heiminum sé alveg sama og enginn muni hugsa útí það aftur, þá hefur þú tekið ákveðinn fjölda af skrefum um ævina ekki satt?
Hróbjartur. Jú það gefur augaleið. Ég hef tekið X mikið af skrefum um ævina. Hvað ertu að fara?
Starkaður. En þú veist ekki hvað þú hefur tekið mörg skref. Þú gætir reiknað það nokkurnveginn út, en þú gætir aldrei vitað það fyrir víst. Samt erum við búnir að fullyrða að þessi tala sé til. Talan sem enginn veit. En er þessi tala þá til? Er þessi vitneskja til um atburði sem augljóslega hljóta að hafa átt sér stað?
Hróbjartur. Neeeiii. Hún er ekki til.
Starkaður. En við vorum að segja að þú hafir tekið ákveðinn fjölda skrefa! Við vitum það fyrir víst. Segjum sem svo að mamma þín hafi haldið skrá í huganum yfir öll skref sem þú hefur tekið, eins bjánalega og það kann að hljóma, en eins og fram hefur komið gleyma fílar aldrei. (Starky glotti og var ánægður að hafa komið þessu skoti einu sinni enn að. Hann var sko ekki vaxinn uppúr mömmubröndurunum.) Þá væri vitneskjan til. Spurningin er sú, þarf einhver að vita eitthvað til að hægt sé að vita það?
Hróbjartur. Nú ertu kominn útí spurninguna um hvort það heyrist hljóð þegar tré fellur í skóginum og enginn heyrir það.
Starkaður. Já, ekki langt frá því enda er sú spurning löngu orðin klassísk.
Hróbjartur. En ok. Ég geng í svefni og stundum rekst mamma á mig þegar hún er ekki komin í rúmið líka. Segjum að ég hafi gengið í svefni í nótt. Mamma var farinn að sofa og Lísa systir líka. Enginn sá mig, og ég man ekkert eftir því af því að ég var sofandi. Ertu þá að segja að ég hafi ekki gengið í svefni?
Starkaður. Nei, þú ert að misskilja spurninguna. Það er hljóðið í spurningunni með tréið sem er vandamálið. Auðvitað hreyfðist loftið og titringur myndaðist, þannig að ef einhver hefði verið nálægt þá hefði hann heyrt tréið falla. Skrigreiningin okkar á hljóði er að einhver heyri það ekki rétt? Hvernig getur hljóð verið til ef enginn heyrir það?
Hróbjartur. Mér finnst spurningin mín vera alveg eins.
Starkaður. Það væri betra að spyrja hvort hægt væri að vita hvort þú gekkst í svefni ef engar sannanir liggja fyrir.
Hróbjartur. Jájá Sherlock. Þú ert ágætur. Ég nenni þessu ekki lengur. Hvað ætlaru annars að hanga þarna lengi?
(Starky er orðinn verulega rauður í framan.)
Starkaður. Þar til ég dett niður. Ég gæti verið hérna í marga daga.
(Hróz klifrar niður og hleypur til stelpunnar sem borðaði sandinn og hvíslar einhverju að henni. Hún stendur upp með fulla lúku af sandi og lallar yfir til Starky sem hangir enn. Áður en hann getur beitt nokkrum vörnum við skellir hún framan í hann sandinum og hann öskrar upp yfir sig og dettur niður með skell. Stelpan röltir sallaróleg yfir til Hróz og réttir fram höndina. Hann lætur hana hafa karamellu að launum, og fer að klifurgrindinni þar sem Starky er að hreinsa framan úr sér sandinn.)
Hróbjartur. Ætli það sé nokkur möguleiki að vita af hverju stelpugreyið gerði þetta? Er sú vitneskja möguleg Starky? (Hróz nær ekki að halda andlitinu og hlær hátt þegar Starky hreynsar útúr nefinu með því að halda fyrir aðra nösina og blása útum nefið.)
Starkaður. Maður þarf nú ekki að heita Sherlock til að komast að því. Segðu mér, varstu búinn að komast að því hver stal síðustu kjötbollunni þinni í hádeginu? (segir Starky og glottir. Upphefst mikill eltingaleikur, enda verður maður stundum að fá að hlaupa þegar maður er bara fjögurra ára.)

..:: magchen in action ::..

Ég fékk 7 í siðfræði. Úff, og ég sem hélt mér hefði gengið best í því. Hefði viljað fá meira. Anyhoo.
..:: m ::..

Starkaður og Hróbjartur


Starkaður og Hróbjartur (eða Starky & Hróz eins og þeir vilja láta kalla sig) eru ofurgáfaðir fjögurra ára drengir. Þeir eru báðir á leikskólanum Krummabóli þar sem reynt er að verða við kröfum þeirra um allir leikfélagar þeirra séu vitsmunalegir jafningjar þeirra. Þetta reynist erfitt því eins og við vitum eru fjögurra ára krakkar yfirleitt ekki komnir í heimspekilegar hugleiðingar. Starky & Hróz eru hinsvegar búnir að kynna sér eitthvað öll helstu fræði sem nútíminn býður uppá og eru komnir á þá skoðun að heimspekin sé þeim öllum æðri. Við grípum niður í samræður þeirra þar sem þeir sitja á brún stóra gula sandkassans og Hróbjartur er að rita niður eðlisfræðiformúlur í sandinn...


Starkaður. Hvað ertu að gera?
Hróbjartur. Ég er að skrifa grunnformúlurnar sem Einstein setti fram, bara svona til að fá netta upprifjun.
Starkaður. Nei ég meina hvað ertu að spá? Þú gleymdir öðru veldinu í fjórðu línu. Helduru að Einstein hefði þótt merkilegur hefði hann skippað öðru veldi hér og þar í útreikningum sínum?
Hróbjartur. Svona þér að segja þá var Einstein utan við sig eins flestir miklir hugsuðir.
Starkaður. Já að vísu. (Starky grípur til grænnar skóflu og mokar sandi í hól. Fyrir utan sandkassann eru hinir krakkarnir að hlaupa og öskra og leika sér eins og fjögurra og fimm ára krökkum sæmir. Einhver er búinn að ræna húfu einnar stelpunnar og hún er við það að fara að skæla. Hinir krakkarnir vita að þeir eiga ekki að hætta sér í Norð-Austur horn gula sandkassans því þar eru Starky & Hróz iðulega að spjalla saman.)
Hróbjartur. Helduru að við eigum einhverntíman eftir að bæta þessar formúlur? Ég meina, við erum komnir með ágætis grunn í eðlisfræði og eigum eftir að bæta okkur mikið ætla ég að vona. Við gætum lagt fyrir okkur eðlisfræðina og reynt að komast að nýjum hlutum sem engum hefur dottið í hug að kanna. Ég meina fólk er alltaf að komast að einhverju nýju og lagfæra kenningar. Þetta er fólkið sem er munað eftir. Fyrst við höfum bara þessa einu ævi til okkar afnota, er þá ekki mál málanna að láta amk nafn okkar lifa lengur en fram á okkar dánardag? Mér þykir það göfugt verkefni í lífinu. Það væri nú samt gaman að lifa að eilífu og horfa á endalausa tækniþróunina, hvernig kynslóð eftir kynslóð bætir það sem á undan var komið.
Starkaður. En hugsaðu þér þetta minn kæri Hróz. Hver kynslóð lærir það helsta sem á undan var komið, bæði sögulega og fræðilega. Allt það merkasta sem á hverjum tíma er viðurkennt er það sem þeir læra sem skara munu framúr jafnöldrum sínum, ekki satt?
Hróbjartur. Jú, við verðum að fallast á þetta.
Starkaður. Ef við gerum ráð fyrir að mannkynið muni verða til nokkrar milljónir ára í viðbót, þá ættu miklar framfarir eftir að verða frá því sem er í dag. En ólíklegt verður að þykja að maðurinn breytist mikið til batnaðar með þróun, jafnvel þótt kenning Darwins sé sönn í einu og öllu. Þeir hæfustu lifa af, en strax í dag er nær öllum gert jafn hátt undir höfði, og því fá þeir sem ekki eru æðri á neinn hátt samt tækifæri til að fjölga sér.
Hróbjartur. Þetta er allt satt og rétt, en hvað kemur þetta framförum í tækninni við? Gríðarlegar framfarir urðu á tuttugustu öldinni en við erum sammála um að maðurinn hafi ekkert þróast á þeim tíma.
Starkaður. Mikið rétt. En það er ekki það sem ég var að benda á. (Starky hagræðir hér stóra gula hattinum sínum og pollabuxunum eins og hann gerir ávallt þegar hann er að fara að koma með nýjustu mikilfenglegu uppgötvanir sínar í þeirri andrá.) Segjum sem svo að maðurinn þróist lítið eitt. En því meira sem maðurinn lærir og því lengra sem hann kemst í tækniþróun á öllum sviðum, þeim mun meira þurfa þeir sem ætla að læra vel og skara framúr að læra. Því meiri tíma sem þeir eyða í lærdóm, þeim mun minni tíma hafa þeir fyrir eigin rannsóknir og uppgötvanir. Þá verður það alltaf minna og minna sem kemur fram sem ný sannindi með hverri kynslóð sem líður. Samt bætist alltaf eitthvað við, en það þýðir bara að það er meira fyrir næstu kynslóð á eftir að læra og minni tími til nýrra uppgötvana! Því verðum við að áætla að það séu takmörk sett fyrir því hversu mikið mannkynið getur lært! Við munum staðna og ekki eiga möguleika á því að komast lengra í okkar tækniþróun.
Hróbjartur. Þarna komstu aftan að mér eins og þér einum er lagið Starky. En ég held að við þurfum ekki miklar áhyggjur að hafa af þessu. Því við erum nú bara fjögurra ára.
Starkaður. Mikið rétt, enda verður maður að miða við ansi langan tíma ef þetta á að ná fram að ganga eins og ég set þetta fram hér. (Í þessu kallar Anna uppáhalds fóstran þeirra kumpána að kominn sé tími á kaffi, og krakkarnir flykkjast inn til að fá sér kakó. Stelpan sem hafði tapað húfunni er búin að taka gleði sína á ný og allt er fyrirgefið, amk fram í næsta leiktíma.)
Hróbjartur. Jæja, Ég held að við verðum að halda áfram með þessar samræður á morgun því mér segir svo hugur að restin af þessum ágæta októberdegi fari í að hnoða leir.
Starkaður. Já, kíkjum inn í kakó.


Annar hluti kemur fljótlega.
..:: m ::..

All by myself


Ég prófaði svoldið í kvöld sem ég hef lengi talað um að prófa. Ég hef heyrt í mörgum (ok, kannski ekki mörgum en nokkrum og þeir eru skrítnir) sem langar að prófa þetta amk einu sinni, og ég hef heyrt í örfáum sem hafa reynt þetta. Semsagt, ég fór einn í bíó. Einn. Aleinn. Ok, kannski ekki alveg aleinn. Ég og Tolli og tvær þokkadísir fórum í bíó í bæinn og hann fékk að hafa þær tvær í takinu að horfa á hryllingsmynd meðan ég sat einn og flissaði yfir rómantískri gamanmynd, einn í myrkrinu í öðrum sal. Þetta var eins og mig hafi grunað svoldið sérstök lífsreynsla. Það var komið slatti af fólki í salinn þegar ég kom þangað og því tók ég þá djörfu ákvörðun að setjast á næstfremsta bekk þar sem allir gátu séð mig. Ég meina til hvers að dýfa litlutánni í djúpu laugina þegar þú getur hoppað útí með stórum skell!? Ég var nottla viss um að allir hefðu tekið eftir mér og horfðu á mig og dæmdu mig mestalla myndina, en það er einmitt góð ástæða til að allir ættu að prófa þetta. Læra að það eru ekki allir alltaf að horfa á þig, veröldin snýst ekki bara um þig. En bíóferðin var fín, Sandra og Hugh skemmtu mér bara ágætlega með hnyttnum bröndurum sínum og stóð ég sjálfan mig að því að flissa endrum og eins. Mæli með henni fyrir þá sem hafa gaman af slíkum myndum.

Eftir að hafa eytt góðum þremur kortérum í að reyna að losa tangarhald einnar þokkadísinnar á bílnum vegna ofsahræðslu við dökkhærð kvendi í speglum og sjónvörpum tókst mér að komast heim heilu og höldnu. Næst er það bara að prófa að fara alla leið með þetta. Keyra einn á staðinn, kaupa sér einn lítinn popp og eina kók og sitja tvo tíma í myrkrinu aleinn og hafa svo engann til að tala við um myndina að henni lokinni. Þetta er nokkuð spes og mæli ég með þessu fyrir fólk til að fá smá tilbreytingu í tilveruna. Góðar stundir. (ps. allir að kjósa í nýrri könnun!)
..:: moviemag ::..

Píla


Ammæli númer tvö var líka skemmtilegt. Eyddi mest öllu kvöldinu í að spila pílu og það var helvíti gaman. En nottla var maður líka frammi að syngja með liðinu, komin líka þessi fína trúbadorastemmning í húsið. Fór svo bara heim því það nennti enginn með mér niðrí bæ og allir vinir mínir annað hvort í Reykjavík eða farnir að sofa. Frekar slappt sko. En kvöldið var virklega skemmtilegt. Takk fyrir mig ppl!

Mamma er að baka bollur. Vatnsdeigsbollur er það eina sem blífar á bolludaginn. Hitt er bara svo langt frá því að vera eins gott, þessar stóru bakaríisbollur, þótt þær geti nú verið ágætar. Litlar vatnsdeigsbollur með rjóma og fullt af súkkulaði sem eru bara einn munnbiti! Mmmmm... Ég er farinn að ræna einni bollu af mömmu. Já, og gleðilegan mars!
..:: m ::..

The Importance Of Being Magnús


Ég var að horfa á frábæra mynd, The Importance Of Being Ernest. Hún gerist seint á nítjándu öld (held ég) og þetta er eiginlega mest megnis grínmynd. Hún fjallar um gaur sem býr í sveitinni en segist eiga bróður í borginni til að hafa afsökun til að fara þangað. Sá bróðir heitir Ernest. Þegar hann er í borginni er hann þessi Ernest og allir sem þekkja hann þar kalla hann Ernest en í raun heitir hann John. Hann biður stelpu að giftast sér, sem elskar hann aðallega af því að hann heitir Ernest, en mamma hennar leyfir honum ekki að giftast henni af því að hann á enga foreldra. Vinur hans í borginni kemur í heimsókn í sveitina og segist vera þessi Ernest bróðir hans Johns til að hitta frænku hans. Hún verður ástfangin af honum og líka af stórum hluta af því að hann heitir Ernest. Þau trúlofa sig líka, þannig að hann og John eru trúlofaðir stelpum sem halda að þeir heiti Ernest en hvorugur þeirra heitir það. Þetta er kanski svoldið flókið þegar þú lest þetta. Þetta er rosalega sérstakur húmor og er alveg frábær, amk hló ég alveg helling að þessu öllu saman. Mæli með henni, þrjár stjörnur af fjórum. Annars finnst mér þeir sem gefa stjörnur á fimm stjörnu skalanum bara vera hræsnarar og leiðindapúkar. Púkar segi ég! Fjórar stjörnur á að vera það mesta sem mynd getur fengið.

Niðurstöður úr könnuninni komu mér á óvart en samt ekki. Ég hef alltaf vitað að það er til fólk sem fílar að lesa á meðan það kúkar en ég er ekki í þeim hópi. Hins vegar ef það er eitthvað að marka þessa könnun þá er það meirihluti fólks sem fílar það. Með eindæmum skrítið ef þú spyrð mig. Hvers vegna í ósköpunum ætti nokkur maður eða kona að vilja að glugga í Sögu Dalvíkur á meðan lorturinn læðist lúmkst í klóið. Anyhoo, mér finnst líka að það sé skammarlega lítið gert af því að nota Shout-Out-ið mitt. Shout away people!
..:: magchen ::..

Já


Föstudagsammælið var skemmtilegt. Við fórum í pottinn og sungum eins og vitleysingar enda með nokkra gítarsnillinga innan hópsins. Það er alltaf gaman að því. Kíktum svo niðrí bæ og náðum restinni af tónleikunum sem voru á Zetunni. Það var eiginlega bara svona flipp hjá öllum hljómsveitunum sem spiluðu um kvöldið. Fórum svo á H-38 í smá stund og það var fínt. Systa og mágur minn með tvöfalt ammæli í kvöld og það verður eflaust gaman.
..:: m ::..

Myndir myndir og myndir


Ég vil byrja á að óska afmælisbarni dagsins til hamingju! Megir þú eiga mörg hamingjurík ár framundan og vonandi skemmtiru þér vel í kvöld. Og til hamingju með ammælisgjöfina sem þú færð í kvöld! Hehehehehe, you'll see.

Ég ákvað það áðan að það væri tími til kominn að ég myndi (!) birta einhverjar myndir hér á síðunni. Ég meina, til hvers að eiga stafræna myndavél (að vísu á ég ekki slíka vél í augnablikinu en whateva) ef maður hendir ekki myndum inn á netið af og til. Því kemur hér fyrsti skammturinn af myndum og vonandi hefur einhver gaman af þeim. Þetta eru 36 myndir frá hinum ýmsu viðburðum í mínu lífi á árinu 2002. Ef vel mælist til þá stendur lítið í vegi fyrir að setja fleiri myndir inn. Myndirnar er að finna hérna!
..:: myndamag ::..

Hressleiki já


Ég fór á sundæfingu áðan og þrátt fyrir yfirlýsingar um að ég ætlaði bara í pottinn endaði það nottla með því að ég synti 4 km. En ég held að ég keppi samt ekkert. Var mishress alla æfinguna og held að ég gæti ekki rassgat ef ég færi á mótið. Lítið gaman að keppa þegar maður er eins og kúkur í lauginni sem fær aldrei bréf. Var ég sá eini sem fattaði það lag aldrei? Eða eru þessir gaurar bara í alvörunni svona svaðalega steiktir? Ammæli á morgun og ammæli hinn. Það verður gaman um helgina. Vonandi fer hreyfigeta mín bara að koma aftur fljótlega því það er lítið gaman að hafa gaman ef maður þarf að sitja eins og gína allan tímann.
..:: tha m ::..

Trallallallallalalalala!!!


Jújú, eins og kom fram í fyrirsögninni er ég búinn í prófum í bili. Engin alvöru próf þangað til í mæ (mæ er skemmtilegur mánuður) þannig að það er eins og hundrað ár í framtíðinni miðað við daginn í dag. Þetta gekk líka bara svona glæsilega vel, amk þegar er tekið inn í myndina að það hefði verið auðveldara fyrir páfann að afneita trúnni heldur en fyrir mig að læra í gær. Ég eyddi öllum deginum í að reyna að læra en ég var bara alveg útbrunninn. Lærði allt of mikið á mánudaginn fyrir siðfræðina (skamm Einar, skamm skamm). En þetta gekk allt upp, prófin í dag voru ekkert svo erfið. Það eina sem var erfitt var að sitja í þessum mannskemmandi stólum í fjóra klukkutíma og finna hvernig bakmeiðslin ígerðust með hverri sekúntunni. Það var ekki þægileg tilfinning. Svona eins og að draga af sér neglurnar með flísatöng. Nei kanski ekki alveg en það var samt vont. Sem minnir mig á að það fyrsta sem ég ætla að gera þegar ég flyt útaf hótel mömmu er að kaupa mér La-Z-Boy. Mmmmm... La-Z-Boy. Það er besta uppfinning mannsins. Nú er ég farinn að tjilla í heitapottinum því ég kann ekki að synda án þess að hreyfa bakið á mér. Heitipotturinn er næstbesta uppfinning mannsins.
..:: joy 2 da world ::..

Back 2 da future


Já, mig langar að senda bakið mitt til framtíðarinnar. Eins og ég sagði í gær sleppti ég því að læra og tók þá afdrifaríku ákvörðun að fara í fútbol. Og mér tókst að stúta á mér bakinu. Það var ekki eitthvað eitt atvik sem rústaði svona skemmtilega á mér bakinu heldu versnaði þetta eftir því sem leið á leikinn. Þegar ég hætti var ég alveg búinn, harðsperrur farnar að myndast á leiðinlegum stöðum og bakið á mér emjaði úr aumingjaskap. Ég get örugglega ekki synt í nokkra daga útaf þessu. Ég get pottþétt ekki synt á þessu sundmóti. Djöfull hljómar þetta eins og leim afsökun af því að ég nenni ekki að keppa, en það er ekki málið sko! Úff. Enginn maður hefur lent í eins miklum erfiðleikum að klæða sig í sokkana sína eins og ég í morgun. Ég hélt ég myndi deyja. Ég sé alveg fréttina fyrir mér í Fréttablaðinu: "Sokkar urðu Magnúsi að fjörtjóni! Ungur drengur úr Reykjanesbæ lét lífið er hann reyndi án árangurs að klæða sig í sokkana sína. Aðkoman var hræðileg, sokkar útum allt og Magnús lá niðurbrotinn, steindauður á gólfinu í herberginu sínu að Faxabraut í Keflavík. Hans verður sárt saknað og verða allir hans sokkar brenndir við hátíðlega athöfn í Skrúðgarðinum kl. 4 á laugardaginn nk."
..:: backmag ::..

Hurru nú mig!


Maður er bara orðinn frægur! Frægasta bloggdrottning landsins bara farinn að lesa bloggið manns! Lítið þarf nú til að gleðja lítið hjarta. Og könnunin mín virkar víst! En ég er samt ekki sáttur við þetta kjaftæði efst á síðunni og veit ekki hvað plantaði þessari línu þarna efst en það hlýtur að vera afkvæmi djöfulsins. canEdit = new Array(); Hvað þýðir þetta annars?
Annars er ég að spá í að ditcha (?) lærdómnum í kvöld og iðka knattspyrnu með vinunum. Maður verður nú að gefa sjálfum sér smá viðurkenningu eftir daginn. Anyhoo, to sum up, betarokk og djöfullinn eru farin að lesa bloggið mitt. (og ef þú ert ný/nýr hér skaltu sko ekki halda að þú sért að fara neitt án þess að skrifa í gestabókina!!)
..:: magchen ::..

One down... two to go.


Jæja, þá er fyrsta prófið búið í þessari prófatörn. Þetta var próf í siðfræði og gekk líka bara svona helvíti vel! Ég er bara nokkuð bjartsýnn á þetta og væri nokkuð sáttur með að fá svona átta. Ætla engar vonir að gera mér (yeah right!). Nú er bara málið að vera duglegur að læra fyrir hin tvö prófin sem eru því miður bæði á fimmtudaginn. Vonandi gengur það allt vel. Þau próf verða þó pottþétt erfiðari því í þessu fengum við að vita hvaða spurningar kæmu. Eða svona næstum. Við fengum blað með fimmtán spurningum og þrjár þeirra komu á prófinu. Við strákarnir undirbjuggum okkur bara vel fyrir allar spurningarnar og því var þetta ekkert svo erfitt. En ég er farinn að lesa Þeætetos (sem er bók í þekkingarfræði, eftir Platón, skrifuð 360 fyrir Krist takk fyrir!). Góðar stundir.
..:: m ::..

Long distance


Áðan prófaði ég eitthvað sem ég hef vitað allt of lengi að sé hægt án þess að prófa það. Ég talaði semsagt við Elísabetu og Nonna í Noregi gegnum netið á MSN! Semsagt talaði við þau með míkrófón og heyrnartólum. Það var sniðugt, núna getur maður spjallað við þau hvenær sem er! :)

Ég er að fara í þrjú próf í þessari viku. Tvö þeirra gilda 50% af lokaeinkun og eitt gildir 35%. Ég er að vona að ég geti bullað mig útúr þessu einhvernvegin. Ég er svosem alveg búinn að lesa allt aðal-efnið og mæta í alla tímana, en ég er ekki búinn að lesa allt efnið sem útskýrir frumtextann. Þannig að ég vona bara það besta! Reyni að æfa mig vel á þessum tíma sem ég hef til stefnu. Wish me luck!

Næstu helgi ætla ég að fagna próflokum með allskonar húllumhæi! Ég er boðinn í ammæli bæði á föstudagskvöldið og laugardagskvöldið en það er galli á gjöf Njarðar! Það er þriggja daga sundmót um helgina. Og þar sem það eru ekki fimm dagar í þessari helgi þá skarast þetta óumflýjanlega. Ég er að reyna að losna undan því að keppa alla dagana, en það er ekki sjens að ég missi af þessum ammælum! Þetta verður svaðalegt!

Og eitt enn. Það styttist í að ég fái ADSL! Sjibbí! Það er nefnilega búið að vera að vinna í því að koma upp ókeypis ADSL internetþjónustu fyrir námsmenn í H-skólanum og nú styttist verulega að sá yndislegi tími renni upp! Vá hvað það veður æðislegt. Maður þarf notta að borga stofnkostnaðinn sjálfur, semsagt módem og smásía og eitthvað dót, og líka 2500 kall á mánuði til Landsímans fyrir ADSL-tenginguna, en internetþjónustan verður frí og engar takmarkanir á niðuhali!!! Vá hvað ég ætla þá að fá mér DC++ og downloda öllu í heiminum! Hvað kostar harður diskur annars þessa dagana?
Góðar stundir. (ps. taktu þátt í nýrri könnun!)
..:: m ::..

Doh!


Jújú. Uppistandið var fremur misheppnað. Sem kom mér eiginlega virkilega á óvart. Ég vorkenni amk þeim sem borguðu 2500 kall fyrir þetta. Þetta var ekki þess virði. En þar sem ég fékk þetta frítt (sbr. færsluna hér á undan) ætla ég ekkert að kvarta neitt of mikið.

Við mættum semsagt í H-skólabíó fengum okkar miða og ætluðum inn en þá vorum við 2 klst. of snemma á ferðinni. Þetta átti að byrja kl. 11 en ekki kl. 9! Heimskur ég, en þetta byrjaði kl. 9 kvöldið áður og ég hafði hvergi séð þetta auglýst nema kl. 9! En nóg af afsökunum. Við (sem sagt ég, Goldeneye, Nelson og Heimskspekingurinn) myrtum tímann þar til að uppistandið hófst með því að fara í keilu. Það var barasta fínt, diskókeila og læti. Og ég hét Hannes. Svo fórum við á uppistandið og fyrstur var Sigurjón Kjartansson sem var leiðinlegur. Ég er farinn að hallast á þá skoðun að sá maður sé bara ágætur í gríðarlegu hófi. Svo kom Þorsteinn Guðmundsson og var ekki jafn góður og hann á að sér að vera en þó mun skárri en Sigurjón (þurfti ekki mikið til). Svo kom auka-uppistandari og var það hann Pétur Jóhann Sigfússon úr Ding-Dong og var hann bara þrusugóður! Það má segja að hann hafi bjargað kvöldinu því maður hló bara samfellt af honum og vakti hann feiknarmikla kátínu í salnum.

Svo var spilað eitthvað myndband sem í voru klippur úr myndum sem Robert Townsend hefur leikið í og var þetta myndband ekkert fyndið enda held ég að það hafi ekki verið ætlunin. Þetta var meira svona "jú hann er víst frægur þótt þú hafir aldrei heyrt um hann!" comment frá þeim sem fluttu hann inn. Svo kom kallinn á sviðið, og jújú, hann átti svosem sína spretti. En ég fílaði þetta alltaf eins og að þetta væri bara spuni hjá honum og að hann væri bara að leika sér. Hann talaði mikið um kvöldið áður á djamminu hérna á skrítna Íslandi, hann talaði um svertingja, yfirvofandi stríð og gerði mikið grín að fólkinu í fremstu röðinni. En hann var bara yfirhöfuð ekkert svo fyndinn. Hann hefði átt að taka eitthvað bulletproof program bara þótt það sé gamalt eða eitthvað því það er ekki eins og við hefðum heyrt það enda maðurinn lítið þekktur hér. Og ég hef það á tilfinninguni að það muni ekki breytast mikið eftir heimsókn hans til þessa lands. Lifi Pétur í Ding-Dong!
..:: magchen ::..

Jess!


Ég er búinn að vera að éta á mér hendurnar (s.s. margfalt meira en að naga á sér handarbökin) því ég tími ekki að fara á uppistandið með Robert Townsend og Þorsteini Guðmundssyni og Sigurjóni Kjartanssyni. Ég tími því ekki enn, en ég er samt að fara. "En það er andstætt lögmálum náttúrunnar!" hefur þú eflaust öskrað uppyfir þegar ég sagði þetta, en óttastu ekki. Náttúran er enn á sínum stað. En starfsmenn RadioX voru svo vingjarnlegir að gefa mér tvo miða áðan! Þannig að ég er að fara núna rétt á eftir og eflaust verð ég búinn að fara og hlægja mig máttlausan þegar þú lest þetta. Ég held að þetta verði mesta snilld síðan niðurskorið brauð. Brauð er samt nottla helvíti mikil snilld. Þá er búið að redda þessu laugardagskvöldi. Seinna segi ég ykkur frá veseninu með næstu helgi!
..:: magchen ::..

Hundslappadrífa

I have a dream! Þessi frægu orð mælti fleygur maður eitt sinn. Hann var Kóngur. Hvort hann var að tala uppúr svefni eður ei skal ég ekki segja meir. En hvort sem hann mælti þetta uppúr svefni. Ég mun hvorki misnota okkar ylhýra móðurmál í þessu bloggi. Ég var annað hvort að ákveða það rétt í þessu. Alltaf gaman að lesa texta sem leyfir manni að hugsa um. Ekki verður neinum ágengt að skilja efni hans né heldur þótt síður C. Þú sýður C við 200° á Calvin Klein. Kleinubaxtur skal háður í dögun manna.

Hér verður ekki framað ritað á íslenzku. Ðis blog vill fromm ná on ónlí bí in ínglis. Æ þeink jú for túnæt, hev a næs dey.
..:: mags kann tjah tjah tjah ::..

Adopt a useless blob! > Me.


Jesús Pétur! Hvernig nennir fólk að blogga svona langt! Ég álpaðist inná síðuna hjá þessum gaur og ég varð bara að tjékka hvað nýjasta færslan hans var löng. 3300 orð takk fyrir! Og ég sem hélt að það kæmi fyrir að færslurnar mínar væru stundum langar!

Jana sagði á síðunni sinni að ungrfú Birgitta Mosdal hefði fengið 300þús. kall fyrir að syngja lagið í forkeppninni! Djöfull finnst mér það leim hjá henni. Auðvitað var gaurinn bara að kaupa vinsældir hennar og ota þannig sjálfum sér í Júróvisjón. Það er skítalykt af þessu öllu saman. Held að ungfrú Mosdal lendi í 11. sæti. Dónt ask mí væ.

Ónefndir racerar eru enn og aftur fúlir útí mig. Ég get svo svarið það, ef það prumpar einhver í kringum þessa messtu racing hetju austantjaldsmanna þá kennir hann mér um lyktina.

Til að lífga uppá bloggið mitt sem er farið að einkennast all svaðalega af sálfræðilegum kvillum undirritaðs þá hef ég ákveðið að birta hér sögu sem faðir minn sagði mér einu sinni. Ég held að hún sé sönn en ég sel hana ekki dýrar en ég keypti hana. Ég trúði henni amk þegar ég heyrði hana og hef enga ástæðu til að efast um sannleiksgildi hennar. Þið verðið bara að spyrja hann. Hægt er að ná í hann öllum stundum í númerinu 461-S-H-I-T. En sagan er svona.

Pabbi minn var eitt sinn í sumarbúðum sem krakki og miðað við allar lýsingar á sumarbúðunum sem hann fór í voru þetta sko algjörar þrælabúðir og eiga lítið sameiginlegt við sumarbúðum dagsins í dag (get ég ýmindað mér, ég hef aldrei farið). Allavega, einn daginn í búðunum hafði einn drengurinn gert svolítið skömmustulegt. Ég veit ekki af hverju það var, kanski var hann með heimþrá eða þoldi bara ekki það mikla álag sem strákarnir í búðunum voru undir, en hann hafði litlla sem enga stjórn á hægðum sínum. Hann hafði semsagt skitið all-hressilega í buxurnar og miðað við lýsingar sem ég ætla ekki að fara útí hér var maðurinn með alvarleg hægðavandamál að stríða. Annaðhvort það eða maturinn í búðunum var ekki uppá marga fiska (pun intended). Stjórnandinn sem kom að þessum viðbjóði var að sjálfsögðu ekki par hrifinn en nennti að sjálfsögðu ekki að þrífa þetta sjálfur. Því valdi hann föður minn til að þrífa upp óbjóðinn. Hann hafði auðvitað ekkert gert til að framkalla hægðasprengingar aumingja drengsins en þar sem þetta voru sumarbúðir dauðans þýddi ekkert múður. Hann skyldi þrífa. Og hann byrjaði á því að þrífa þetta og fá falleg orð er hægt að hafa um lyktina af drengnum og nánasta umhverfi. Eftir litla stund fékk hann meira en nóg. Hann tók upp tuskuna sem hann var að nota og var öll útötuð í illa meltum viðbjóðslegum sumarbúðamatnum og slengdi henni framan í aumingja drenginn! Svo strunsaði hann burtu.
Þar sem þetta voru sumarbúðir dauðans var hegðun hans með öllu óásættanleg og tók hann því út mikla refsingu. Það var að liggja grafkyrr í klukkutíma án þess að hreyfa legg né lið. Ef einhver hreyfing sást bættist við meiri tími. Þetta er víst gríðarlega eftitt, sérstaklega fyrir ungan dreng. En svona var nú þessi saga. Ef þú efast um sannleiksgildi hennar er ekki við mig að sakast. Ef faðir minn álpast inn á þessa síðu og ég hef farið með rangt mál má hann leiðrétta hana að vild. Ef einhver er í aðstöðu til að benda kallinum á að ég hef stolið sögunni hans er það algjör óþarfi. Pís át.
..:: magshit ::..

Do to others as you...


Það er fólk í heimspekinni sem fer alveg ólýsanlega mikið í taugarnar á mér. Ekki þó svo ólýsanlega að ég ætli ekki að reyna að lýsa því hérna. Einn gaurinn er eins og star-trek nörd... frá 1980!!! Vont tilfelli af mullet.com gaur, með ógeðslega ljót gleraugu og klæðir sig eins og fáviti. Gengur um með svip sem toppar allt sagt hér að framan um hann. Ein kellingin er svosem ekkert hrikaleg í útliti, bara normal fimmtug kelling en með einn þann leiðinlegasta og mest pirrandi kæk sem um getur. Hún á örugglega tíu heyrnarlaus börn, því hún getur ekki látið útúr sér stakt orð án þess að leika það með höndunum með þvílíkum látum um leið! Þvílíkar handahreyfingar, hún er eins og stjórnandi í einhverri sinfóníu sem er að spila eitthvað þvílíkt flókið verk! Og langt! Því hún er alltaf að spyrja spurninga og er alltaf að reyna að toppa persónlulegt met sitt í lengd þeirra. Svipurinn á kennaranum (og mér og fleirum líka) er svona eins og "já haltu áfram að sveifla höndunum því eftir tímann ætla ég að slíta af þér hendurnar og berja þig til dauða með þeim...!". Nei, ok, kanski ekki alveg. En þetta fer samt geðveikt í taugarnar á mér og Freysier.
..:: megas ::..

Kananananarí


Ég er búinn að ákveða að fara til Kanarí um páskana til að synda. Nú verður bara að koma í ljós hvort ég fari á Smáþjóðaleikana. Vonum bara það besta. Djöfull eru gaurarnir í 70 mínútum á popptíví heimskir maður. Ég get ekki horft á þessa þætti lengur. Ég er ekki að tala um þessa hluti sem þeir gera eins og að drekka einhvern viðbjóð og gera sig að fíbblum í falinni myndavél því það er nottla bara skemmtun. Auðvitað má deila um gildi slíkrar skemmtunar en ég er ekki að gera það hér. Þeir eru bara svo plein vitlausir! Það fer alvarlega í taugarnar á mér.

Jobu og Freysier mættu til mín í dag og við gerðum heiðarlega tilraun til að læra fyrir próf sem við erum að fara í í næstu viku. Asnalegt að skrifa í í. Samt er það rétt. Allavega, við enduðum auðvitað á því (eins og í hvert skipti sem þessi hópur kemur saman) að tala um milljón aðra hluti en prófið, en samt mikið af því á heimspekilegum nótum. Ég og Jobu vorum sammála um eitthvað mál tvisvar í röð og olli það miklli skelfingu innan hópsins því eins og allir vita á það ekki að vera fræðilega mögulegt. En það næsta sem við töluðum um var eitthvað sem við höfðum algjörlega andstæðar skoðanir á þannig að við vörpuðum öndinni léttar. Heimurinn myndi ekki farast þann daginn. Annars er það skemmtileg (má kanski deila um það) staðreynd að þessi hópur sem við erum komnir úr er eðlisfræðinörda hópurinn. Í hann vantar að vísu DJ Hot Pot og Betu en samt er asnalegt að segja frá því að nú ræðum við heimspeki en ekki eðlisfræði. Kanski jafn nördalegt?
..:: magchen ::..

Leðjulausir Lettar


Botnleðja tapaði fyrir Birgittu Haukdal og þykir mér það ekki skrítið. Hún var með mjög áhorfendavænt lag og ef þú hugsar um fjöldann er það ekki skrítið að hún hafi verið kosin. Það hefði samt verið snilld hefði Botnleðja fengið að fara. Ég var að spögulera í gær hvar ég gæti horft á keppnina og það endaði með því að ég þurfti að fara ósköp stutt. Bara niður í stofu. Þegar leið á keppnina fylltist húsið af vinum mínum sem syrgðu úrslitin eitthvað fram eftir nóttu. Þá kíktum við niður í bæ og var það bara helvíti gaman. Fullt af fólki á Duus og hörku stemmning, fáir á H-38 en það er búið að breyta ýkt miklu þar inni og á örugglega eftir að breyta fleiru. Barinn uppi er kominn inn á mitt gólf liggur við og sona.

Ég er að *hóst* veikjast. Eða er búinn að vera að veikjast í þónokkurn tíma. Vonandi verður ekkert meira úr þessu. Það er ekki gaman að vakna og geta næstum ekkert andað vegna slíms og ógeðs sem stíflar öndunarfærin. Sem minnir mig á skemmtilega kenningu sem einhver kom með (hvort það var ekki bara Jón Gnarr) um af hverju maður vaknar alltaf andfúll. Hann sagði að á nóttinni væri fólk í vinnu við að brjótast inn í öll hús og kúka uppí alla á heimilinu! Mér finnst þetta mjög rökrétt.

Ég er að reyna að ákveða hvort ég eigi að fara til Kanarí um páskana til að synda. Það væri nottla ógislega gaman en það kostar seðla sem ég á ekki. Ég þyrfti að vera þvílíkt duglegur að safna, stofna bónstöð og reka hana í svona mánuð, þá gæti ég fengið þetta nokkurn vegin frítt. Gæti látið alla sem ég þekki styrkja mig og svona. Áttu annars ekki klink sem þú hefur ekkert að gera við? Ef ég fer, og næ inn í smáþjóðaleikaliðið, þá er möguleiki að ég fari þrisvar sinnum til útlanda áður en árið er hálfnað. Kanarí um páskana, Malta í byrjun júni á smáþjóðaleikana, og Hróarskelda í lok júní! Það er nefnilega eitthvað sem mig hefur langað svooo lengi að gera og er virkilega að spá í að framkvæma bara í ár. H-skólinn er nefnilega búinn fyrir páska (fyrir utan 3 próf í maí) og þá get ég farið að vinna til að eiga einhvern pjéning. Samt, ef ég næ á smáþjóðaleikana eru ekki miklar líkur á að ég leyfi mér að fara að vinna og missa úr sundinu rétt áður en ég fer út að keppa. En þetta á allt eftir að koma í ljós. Ég er nokkuð viss um að þetta endar allt einhvernvegin. Ég held að enginn nenni að lesa meira (hissa ef einhver hefur nennt að lesa svona langt!) þannig að ég er hættur í bili þótt ég hafi nóg að segja frá. Og já, ef þú hefur ekki skrifað í gestabókina mína þá legg ég til að þú gerir það núna! :)
..:: m ::..

Slumber-Jack


Í gær fórum við í bæinn og kíktum á nokkra skemmtistaði og það var ágætt. Lentum næstum í slagsmálum við nokkra útkastara á Gauki á stöng og var það mjög hressandi. Ekkert varð þó úr því og var kominn slykja af fýlu í yfir mannskapinn þannig að haldið var heim á leið eftir heldur stutta bæjarferð. Þó rættist úr ferðinni á leiðinni heim þar sem ég sá einhverjar stelpur rífast og bannaði því að við myndum leggja af stað fyrr en eitthvað gerðist, því við vorum komnir inní bíl til að halda heim á leið. Og viti menn, það varð úr þess líka þessi stórskemmtilegi stelpuslagur og skemmtum við okkur konunglega yfir þessu. Eflaust hafa þær verið að ræða karlamál því mikill hiti var kominn í leikinn. Atli hélt því fram að þær væru að rífast um sig og þorði enginn að mótmæla því. Þetta endaði með því að ein stelpan lagðist í jörðina og grét meðan vinkona hennar huggaði hana, en þá hafði slagurinn færst yfir götuna. Þessi sem var að slást við þessar tvær hypjaði sig í burtu og það gerðum við líka. Góður endir á ágætis kvöldi. Svo er bara spurningin hvar maður horfir á Júróvisjón undankeppnina því ég held að maður geti ekki sem sannur Íslendingur og þar af leiðandi aðdáandi Júróvisjón sleppt því að horfa á keppnina. Leðjan til Lettlands er mottó kvöldsins!
..:: mac ::..

Glens


Ég var að koma úr bænum þar sem ég og Jobu Kretz og Torgeirz sáum uppistand með tveimur uppistands-snillingum. Fyrst var einhver íslensk gella sem var kynnir og er víst búin að meika það eitthvað í útlöndum en hún var bara ekkert fyndin. Svoldið erfitt líka þar sem það voru bara svona 50 manns á Sportkaffi þannig að það var erfitt að ná upp mikilli stemmningu, amk fyrir hana.

Svo kom Írinn David O'Docherty fram á sviðið og talaði mikið um muninn á Írlandi og Íslandi, greinilega búinn að vinna heimavinnuna sína vel því helmingurinn af prógramminu hans snerist um Ísland. Hann var virkilega fyndinn og fékk alla til að hlægja vel og lengi, og næstum aldrei var dauður punktur hjá honum. Sérstaklega voru lögin sem hann tók á litla mini-orgelið sitt fyndin.

Rhys Darby var næstur og kemur hann aðeins lengra að eða frá Nýja-Sjálandi. Hann byrjaði með þvílíkum látum að ég grenjaði úr hlátri fyrsta kortérið! Það var algjör argandi snilld og vel þess virði að sjá þetta þótt ekki væri nema fyrir þessa snilld þarna í byrjun. Hann dalaði aðeins og sum atriðin voru ekki svo fyndin en mestallt var þetta ótrúlega gott hjá honum og þrælfyndið. Hann var allur í að gera hljóð og leika t.d. afa sinn og T-Rex risaeðlu og margt fleira. Það var algjör snilld og sérstaklega þegar hann tók sönginn sinn ef söng má kalla. Í einu atriðinu, sem var án efa mitt uppáhald eftir kvöldið, þá breyttist sagan hans í klámmynd og hann gerði grín að klámmyndatónlist með takt-kjafti og með þvílíkum hreyfingum og ég náði varla andanum úr hlátri!

Þannig að eins og þið heyrið þá mæli ég virkilega með þessu, þetta er aftur á morgun föstudag og á laugardaginn líka. Þetta kostar 2000 kall en ef þú hefur gaman að uppistandi þá er það vel þess virði. Algjör snilld á köflum. Og já, svo ætla ég bara að láta vita að takmarkinu er náð. Það eru yfir hundrað virkir þáttakendur í Iceblog! Happy happy joy joy! Gaman að þessu. Það var takmarkið (af einhverjum ástæðum) og núna hefur það loksins náðst. 101 virkir þáttakendur í dag og enn að bætast við.
..:: mag ::..

Action


Það er nú ekkert svakalegt action í gangi hjá mér núna. Ekki nema það að ég er búinn að ákveða hvar ég ætla að kaupa vélina mína og vonandi þarf ég ekki að bíða nema í tvær vikur eftir henni. Úff, ég vill ekki þurfa að bíða í tvær vikur!

Ég fór í próf í nýaldarheimspeki í síðustu viku og fékk niðurstöðuna í gær. Ég vissi ekki rassgat hvernig mér gekk en var bara sáttur við að fá átta. Það voru bara fimm spurningar þannig að ég var semsagt með eina vitlausa. Það skrítna er að þetta voru allt krossar! Krossapróf í heimspeki!? Það er eitthvað það vitlausasta sem ég hef heyrt lengi. Það var nokkuð skondið, Jóhann vissi heldur ekkert hvernig honum gekk, hann sagði að það væri bara ein spurning sem hann vissi að hann hefði verið með rétta. Og svo kom í ljós að sú spurning var sú eina sem hann var með vitlaust! Hann fékk sem sagt líka átta, þannig að spádómurinn minn um að ég fengi tvo og hann fjóra gekk ekki eftir, kanski sem betur fer. Smelltu á fyrirsögnina á þessu bloggi. Nokkuð sniðugt en það sést enginn texti! Skrítið, ætli Bill Gates standi fyrir þessu?
..:: mags ::..

Brazen


Ég spurði mann hvað klukkan var á mánudaginn og hann sagði "Hún er eitt. Þetta verða sex þúsund og sex hundruð krónur." Þetta var semsagt tannlæknir. Já tannlæknar gera fátt ókeypis. Annars er það að frétta að ég er búinn að selja myndavélina mína, það var frændi minn sem keypti hana og er það vel. Núna er málið að reyna að fá sem bestan díl á eBay. Vonandi verður það ekki of mikil bið því ég hlakka mikið til að fá nýju vélina mína. Ef einhver vill koma með mér á rúntinn í síðasta skipti á morgun, fimmtudag, þá er það guðvelkomið. Litla systir er nebbla að fá bílpróf á föstudaginn og tel ég hverfandi líkur á því að ég fái nokkurntíman að setjast undir stýri á bílnum okkar aftur.
..:: m ::..

Einu sinni


Einu sinni drógu hestar menn í kerrum og fluttu þá þannig á milli staða, jafnvel landshlutanna á milli. Nú draga menn hesta í kerrum á eftir 5 milljón króna jeppanum sínum á 38 tommu dekkjum og með krómaðan stuðara og milljón króna spoilerkit. Einu sinni átu Íslendingar súran eða myglaðan mat þegar liðið var á veturinn til að halda í sér lífinu því það var ekkert annað að fá. Nú dressar fólk sig upp í sitt fínasta púss og keyrir á jeppanum sínum til að hitta annað fólk og éta sama viðbjóðinn og horfa á skemmtiatriði. Einu sinni hætti fólk lífi sínu til að komast yfir landið, fór gangandi á fjöll og varð stundum úti. Nú keyrir fólk á jeppanum sínum uppá fjöll og leikur sér á vélsleðum og lætur svo björgunarsveitina koma að ná í sig ef það kemur vont veður. Einu sinni var fólk heppið ef það fékk að fara til Danmerkur til að mennta sig og upplifa eitthvað annað en vesældina á Íslandi. Nú gráta mannabörnin ef þau fá ekki að fara til Mallorca í sumarfríinu sínu til að sleikja sólina og borða ís og leika sér. Einu sinni frétti fólk það helsta sem hafði gerst þegar það komu gestir sem vissu eitthvað sem heimisfólkið vissi ekki. Núna má enginn sem leikið hefur í bíómynd fara á stefnumót án þess að það séu 50 fréttastofur búnar að skrifa um það á netið og allir í heiminum vita af því. Einu sinni var það gleðiefni þegar pósturinn kom einstöku sinnum með bréf frá ættingjum eða vinum og fólkið hópaðist saman til að heyra hvað skrifað var. Í dag röflar fólk yfir því hvað það er mikill ruslpóstur allstaðar og getur sent bréf til vina sinna í Kína og það er komið til skila eftir tvær sekúntur. Já, hvernig ætli heimurinn verði eftir hundrað ár?

Check it. Myndavélin mín til sölu á kassi.is.
..:: rauður ::..

Flúði á Flúðir

Jújú, ég flúði á vit Flúða í dag og var það gaman. Semsagt, ég og familían fórum að heimsækja Gilla frænda sem er að kenna í barnaskólanum á Flúðum og hann býr í sveitinni þar nálægt. Þar var haldið þorrablót og var þetta bara dagur hinn ágætasti. Hlustaði mikið á frænda minn sem hljómar eins og Abe Simpson, hann röflar endalaust um ekki neitt og er helvíti fyndinn karakter. In other news, ég er kanski búinn að selja myndavélina mína fyrir skikkanlegt verð, sem sagt frændi minn (vá, þriðji frændi minn sem ég minnist á í blogginu mínu í dag, how sad is dat?) er með hana í láni og ætlar kanski að kaupa hana *fingers crossed*. Anyhoo, ef þið kunnið quick fix á bráða-þunglyndi þá væri það vel þegið. Líf mitt er endalaus mánudagur.

Setning dagsins: "I have never paid for sex in my life, wich has pissed off quite a few prostetutes I'll tell you!"
..:: magchen in not so much action ::..

Hjá Árna


I am the most pathetic human being on the face of the earth. I hate myself. Semsagt, ég er hjá Árna og var hér í mestallt kvöld. Endaði ekki niðrí bæ eins og ég hafði vonað, ekki gott. En ég gerði þó eitthvað, það er betra en ekkert. Er það ekki annars? Held það. Samt, ekki gott að vera að blogga þegar maður er ekki gáður sá er kenndur er við all. Jæja, ætli það sé ekki best að hætta þessari vitleysu. Djöfull er bloggið mitt annars orðið leiðinlegt. Af hverju ertu að lesa bloggið mitt?
..:: magchen ::..

Laugardagur til... lukku?


Nú er runnið upp enn eitt laugardagskvöldið og að venju þá er algjörlega óráðið hvað ég mun gera. Það er alveg ótrúlegt með líf mitt, ég má helst ekki gera neitt sem er skipulagt með meira en 38 sekúntna fyrirvara. Frekar óþægilegt verð ég að segja, alltaf er það sem gerist, eða gerist ekki, svakalega spontant og óviðbúið. Jæja, ég segi það nú kanski ekki alveg, en svona næstum. Samt finnst mér ég frekar vera þessi týpa sem vill hafa hlutina nokkuð vel skipulagða og örugga. Annars er ég kominn með ógeð á þessari áráttu í mér að vera að skilgreina alla hluti fram og til baka, analizera allt sem gerist og lesa allt of mikið út úr hlutunum. Ég er eins og algjör kelling hvað það varðar, en eins og allir vita hafa allar kvenkyns manneskjur þessa ótrúlegu áráttu til að spá allt of mikið í hlutina. Ég er ekki nógu kærulaus, ég er alveg farinn að sjá það. Kanski maður ætti bara að ræna bílnum hennar mömmu og keyra til Akureyris og kíka í Sjallann! Nei, kanski aðeins of kærulaus, og heldur mikið spontant fyrir mig. Eða hvað?
..:: m ::..

Jackson


Aumingja Michael Jackson. Ég var að horfa á heimildarþáttinn Living With Michael Jackson sem var á RÚV núna í kvöld og ég verð nú bara að segja að fáir eru skrítnari en þessi misskyldi maður. Hann talaði um æsku sína og hvernig pabbi þeirra bræðra lamdi þá hvað eftir annað og allt það sem hann þurfti að ganga í gegnum, og restin af þættinum var algjörlega skiljanleg eftir að maður sá það. Næstum rökrétt. Auðvitað er hann eins og hann er eftir þetta uppeldi sem hann fékk. Hann elskar börn og vill lifa að eilífu. Hann er bara barn sjálfur að eigin sögn og eftir að hafa horft á þennan þátt trúi ég því alveg. Það skrítna er hvað hann var fullorðinslegur þegar hann var krakki. Hann tók þetta í öfugri röð. Fyrst fullorðinn og síðan barn. Helvíti ríkt barn að vísu. Neverland, heimilið hans/skemmtigarðurinn hans, er svakalegt. Algjört ævintýri.

Maður veit nottla ekkert hverju maður á að trúa þegar hann segist bara hafa farið í tvær lýtaaðgerðir, en ég trúi honum alveg að hann sé með húðsjúkdóm sem útskýrir hvítu húðina og sólarfælnina. Ég skil hann líka ótrúlega vel að vilja vernda börnin sín eftir þá æsku sem hann upplifði. Og ef það þýðir að þau þurfi að ganga með grímur eða hulu fyrir andlitinu þá verður það bara að vera þannig. Og þeir sem sáu þáttinn, og öngþveitið af fólki sem myndaðist um leið ef hann fór með krakkana í verslunarmiðstöð eða í dýragarðinn hljóta að skilja þetta. Það verður bara allt vitlaust í kringum gaurinn þegar hann fer eitthvert! Auðvitað vill hann vernda börnin sín og að þau þurfi ekki að ganga í gegnum það sama. Þvílíkt líf. Og mér fannst magnað að sjá stelpuna sem fékk að faðma hann og kyssa og brotnaði bara saman eftir það, þetta var svo yfirþyrmandi upplifun fyrir hana. Það var ótrúlegt að sjá þetta. En maðurinn má eiga það að hann er góður tónlistarmaður. Amk er gamla tónlistin hans góð og verður það öruggleg alltaf, nútímaklassík if you will. Ég veit að það hefur orðið og verður eitthvað meira fjölmiðlafár útaf þessari mynd, og ég skil það alveg. En mér finnst að þeir ættu bara að leyfa manninum að lifa í friði. Hann er nú bara manneskja eins og ég og þú. Pís át.
..:: magson ::..

Um leið og ég er búinn að selja myndavélina mína ætla ég að panta þessa nýju. Nett finnst þér það ekki? Ég veit ekki alveg akkuru en mig langar þvílíkt mikið að eignast hana. Og ég veit líka að það er fullt af fólki sem hefur aldrei átt stafræna vél og langar að prófa þannig að ég held að ég geti alveg selt mína enda er það topp vél. En ég er búinn að eiga hana í tvö ár og mig langar að prófa eitthvað nýtt.

Þetta vakti áhuga minn. Nú af hverju ætli það sé? Það lítur út fyrir að það verði ekki svo erfitt að halda áramótaheitið mitt, að vera 380 kíló í lok árs. Vúppí.
..:: magfc ::..

Feitt rokk


Ég var að renna í hlað eftir mjög svo vel lukkaða ferð í Frumleikhús okkar Keflvíkinga. Þar léku fyrir dansi drengirnir úr Tommygun Preachers, Ensími og Brain Police. Innanbæjarmennirnir úr Tommygun voru helvíti góðir, spiluðu nokkuð hart rokk og hljómuðu helvíti vel bara. Magni er geggjaður söngvari og sannaði það enn og aftur í kvöld. Þvínæst stigu Ensími á stokk og léku fyrir viðstadda af góðkunnri snilld. Þó var sándið eitthvað að bögga þá og gítararnir duttu út þegar þeim sýndist svo og kom það nokkuð niður á frammistöðu þeirra. Þeir standa þó alltaf fyrir sínu og eiga auðvitað frábær lög sem þeir tóku ágætlega þannig að maður hafði gaman að.

En þá var komið að aðalatriði kvöldsins (að mínu mati amk). Brain Police þusti fram á sviðið og nauðgaði græjum sínum af mikilli innlifun og hjörtun í öllum slóu í takt við bassatrommuna sem var misskunnarlaust lamin af harðhentum trommuleikara sveitarinnar sem er lítið annað en snillingur. Bassalínurnar hjá þessari hljómsveit eru líka frábærar og eru það sem gera sveitina sérstaka ásamt söngnum. Gítarinn kemur sterkur inn á nokkrum stöðum en er alltaf góður og yfirleitt heyrist vel í honum. Jenni söngvari er einn sá besti sem ég hef heyrt í og maðurinn kann sko að öskra! Váááá hvað hann er með sterka og flotta rödd og að heyra í honum á tónleikum er bara geggjað. Þeir spila svo þétt að maður heldur að maður sé bara staddur inn í stúdíói þar sem þeir eru að taka upp plötu, þeir slá vart feilnótu og eru bara brilliant í alla staði. Ensími voru góðir en þeir voru prump miðað við Brain Police. Þeir ætluðu að klára svo hressilega að í síðasta laginu stútaði trommuleikarinn bassatrommu-pedalnum sínum og þeir urðu að hætta! Það gerist ekki rokkaðra en það!! Ég held að það sé engin spurning hvaða hljómsveit er í næst mestu uppáhaldi hjá mér í heiminum í dag. Ég gerðist þó svo kurteis að kaupa mér Ensími-bol og er ég sáttur við þau kaup því bolurinn er flottur. Ég hefði örugglega keypt eitthvað með Brain Police hefðu þeir verið að selja eitthvað.

Annars er mál málanna í dag að kaupa sér myndavél. Ég fór í heimsókn til afa míns í dag og hann var að kaupa sér nýja stafræna myndavél. Mig langar ógislega mikið í svoleiðis og er að spá í að kaupa mér solleis á e-bay. En þá vantar mig að losna við mína. Langar þig að kaupa vélina mína? Tveggja ára gömul Fuji FinePix 4700zoom 4.3 megapixla vél í fínu standi, með tösku og auka korti. Þetta dót útúr búð í dag myndi kosta svona 70 þús kall þannig að það er tækifæri á að gera kostakaup og fá þetta á helmingnum af því, svona 35 þús kall. Ef einhver býður betur þá er bara slagur um hvern langar mest og á mestan pening! Gullið tækifæri á að eignast loksins stafræna vél! Sparar sig upp á innan við ári með framköllunarkostnaði! Think about it. Nóg af plöggi í dag.
..:: maggapixel ::..

Konur eyða meiri tíma í að hugsa um hvað karlar eru að hugsa, heldur en karlar eyða í að hugsa yfir höfuð.


..:: mag ::..

Þetta reddaðist


Laugardagskvöldið varð nú ekki svo galið eftir allt saman. Það var meira að segja bara mjög skemmtilegt! Ég endaði á því að drattast út rétt eftir miðnætti og fór til Þolla. Þar var frændi hans og hann er skyggn og bauðst til að spá fyrir framtíð minni. Auðvitað vildi ég það og hann fór að segja mér allskonar hluti. Hann talaði um sundið og það var alveg hellings vit í því sem hann var að segja. Svo talaði hann um skólann en þá var ég ekki alveg jafn sáttur því hann sagði að ég hefði aldrei átt að hætta í verkfræðinni! Og hann sagði að ég vissi það sjálfur og ætti bara að halda áfram og hætta þessu bulli. Isss... ég er ekki búinn að samþykkja þetta. Svo sagði hann að kærastan mín (verðandi) væri ljóshærð og einhver sem ég þekki nú þegar! Ég hef ekki hugmynd um hverja hann er að tala um en hann var alveg viss í sinni sök þannig að ef þú ert þarna úti e-r staðar þá máttu alveg bjalla í mig! Hann sagði eitthvað fleira en ég man það ekki nógu vel til að segja frá því.

Svo komum við okkur niðrí bæ og hittum strákana sem voru í staffapartýi á 67. Þaðan fórum við á H-38 og var það barasta helvíti gaman. Ég hló oftar en einu sinni og oftar en tvisvar eins og ég var búinn að lofa sjálfum mér, því maður sér svo miklu betur hvað hinir eru fyndnnir og vitlausir fullir þegar maður er sjálfur edrú. Ég dansaði líka eins og vitleysingur þrátt fyrir það og kom sjálfum mér bara á óvart. Held að ég verði bara dræver það sem eftir er, amk fram í apríl.

Í gær fór ég svo að vinna, fór í nudd í Njarðvík, fór svo í bíó í bæinn og kom seint heim þannig að það var nóg að gera. Svo mikið að gera meira að segja að ég komst ekkert á netið! Ég sem er orðinn þvílíkur netfíkill, þetta var eitthvað met sko. Anyhoo, það var óendanlega kalt í vinnunni og gott að komast heim í langþráða heita sturtu eftir það. Það var líka helvíti gott að fara í nudd, aumir axlavöðvar eftir sundið fengu smá útreið, og Catch Me If You Can er bara nokkuð góð mynd. Gef henni þrjár stjörnur af fjórum mögulegum. Og þessi helgi fær líka þrjár af fjórum mögulegum. :)
..:: mag ::..

Handalaus látbragðsleikari


Ég er jafn sorglegur og handalaus látbragðsleikari. Er ekkert að gera og það er laugardagskvöld. Allir sem ég þekki, eða næstum allir... nei bíddu... ALLIR sem ég þekki eru að gera eitthvað, en ekki ég. Ekki er öll von úti enn, klukkan er bara hálf tólf. Ég er að spá í að kíkja á allt fulla fólkið niðrí bæ á eftir og hlæja einu sinni, jafnvel tvisvar. Allavega, vill enda þetta á hugvekju. Skilja mig ekki flestir (í sambandi við undanfarin blogg) þegar ég sýni ykkur þessa mynd? Hvernig getur hún verið svona falleg?
..:: magchen ::..

8 mile


Var í bíó, sá mílurnar átta,
sá litla gangsta' bófa
rífa sig og þrátta.
Hafði gaman að
og ákvað að prófa,
að blogga sona "frístæl"
árður en ég hátta.

Eminem var góður
þótt byrjað hafi illa
og trailer-milf var ágæt
en þó með sína kvilla.
Taryn Mannin alltaf heit
Britaney Murphy nokkuð pheit,
wonder if I'm too late
2 ring'em up and score a date.

Held ég haldi mig við bloggið
og láti vera að rappa
held ég eigi lítið í
þessa reiðu kappa
þar sem skotárásir eru tíðar
og allir lauslegu nappa,
við sjáumst síðar
Maggi er farinn, vonandi verð
ég ekki barinn.

..:: whoeva ::..