Hver man ekki eftir þessu lagi? Aljör snilld, og kemur alltaf með hræðilegar minningar um leiðinlegt barnaefni úr æsku. Jóhann var líkur sjálfum sér sem aldrei fyrr í dag með því að mæta ekkert í skólann, og því var ég einn og yfirgefinn í heimspekilegum þönkum mínum í dag. Það eru ekki góðar líkur á því að ég fari að chatta við fólkð þarna sem ég þekki ekki fyrir (semsagt allir nema Jóhann) því tjah, þetta er skrítið fólk. Ég geri mér grein fyrir því að ég er líka skrítið fólk, enda sést það best á því að enginn er farinn að tala við mig af fyrra bragði. Ætil þetta verði ekki svona í allan vetur því 50% skólasóknin sem Jóhann er kominn með er frekar týpísk fyrir hann held ég. Correct me if I'm wrong.
Ég sit hér í hlöðu að blogga, ekki allir sem hafa gert það! En samt örugglega slatti því þetta er bókhlaða sú er kennd er við þjóð vora. Þögnin hér er næg til að gera munk geðveikan, og ef væri ekki fyrir tifið í lyklaborðum nágranna minna og suðið í tölvunni minni þá héldi ég að ég væri heyrnarlaus. Annars þykir mér mun betra að vera hérna heldu en í viðbjóðssafninu í VR II. Það er ekki gott, því þar er varla súrefni að fá, og þykir það betra að hafa þegar maður er að nota heilann á annað borð.
Ágústínus eyðilagði efahyggjuna með þessari setningu: SI FALLOR, SUM. Finnst þér það ekki áhugavert?
..:: magsleep ::..
