"Have you seen the Icelandic movie Fálkar?"

Ég trúi varla að við höfum bara verið rúman sólarhring í Hamborg. Ég, Aggi (Húsvíkingur með meiru), Camilla (finnsk, eigandi glæsilegs Fiat Uno), Tiina (önnur finnsk vinkona okkar) og Mathieu (þýskur vinur okkar úr skólanum) lögðum af stað kl. þrjú á fimmtudaginn til Hamborgar og var planið að fara á tónleika með Bloc Party. Það er bresk hljómsveit sem ég uppgötvaði fyrr í vikunni, sótti diskinn þeirra og er búinn að spila hann mikið og fíla þá í tætlur. Við áttum ekki með miða á tónleikana og vissum að það var alveg kol-uppselt. Því fórum við beint niður að tónleikahúsi við komuna til Hamborgar, en þá var klukkutími þar til húsið átti að opna. Mathieu fór innfyrir eitthvað band og inní húsið fyrir okkur til að tjékka hvort hann gæti reddað miðum en það tókst því miður ekki.

Þegar við vorum búin að standa þarna úti í 40 mínútur og öll von virtist úti um að ná að redda miðum, þá kom gaur útúr húsinu og tók Mathieu og Agga með sér og ég og Camilla og Tiina vissum ekkert hvaðan á okkar stóð veðrið. Svo komu þeir fljótlega til baka og sögðu að gaurinn hefði bara haft tvo miða til sölu og viljað of mikinn pening fyrir þá! Það var mikið svekkelsi því það virtist vera sem gaurinn ætlaði að redda miðum fyrir okkur. Við vorum farin að hugsa um að beila bara á þessu og kíkja niðrí bæ, þegar Aggi dregur upp fjóra miða á tónleikana!!! Við trylltumst auðvitað úr einskærri gleði og hamingju! Þá hafði þessi gaur sem dró strákana í burtu unnið fullt af miðum á einhverri útvarpsstöð og seldi strákunum fjóra miða á góðu verði. Aggi og Mathieu stóðust auðvitað ekki mátið að stríða okkur svolítið og halda okkur í myrkrinu. Ótrúlegt hvað þeim tókst að halda andliti lengi. :)

Mathieu yfirgaf okkur svo því hann kom með til að heimsækja foreldra sína yfir helgina. Við hin fórum á stúfana og fundum farfuglaheimili til að gista í yfir nóttina en við urðum að vera komin inn klukkan tvö um nóttina og yfirgefa svo svæðið klukkan hálf tíu morguninn eftir, þannig að við hættum við að gista þar og fórum beint aftur á tónleikana. Það var nægur tími fram að Bloc Party þannig að við náðum alveg annari upphitunarhljómsveitinni og hún var mjög fín, breskt hressingar-rokk. Einn hljómsveitar meðlimur var alveg á rassgatinu og hélt áfram að sturta í sig! Það var mjög fyndið að sjá. En þá var komið að Bloc Party! Þegar þeir byrjuðu vorum við ekki lengi að koma okkur fremst, og í einu orði sagt voru tónleikarnir FRÁBÆRIR!!! Þvílík spilagleði og æðisleg tónlist, góð stemmning og frábær tónleikastaður! Með þessa samblöndu hvað getur klikkað spyr ég bara? Við vorum fremst allan tíman og slömmuðum með Þjóðverjunum í rokkuðu lögunum og dilluðum okkur við þau rólegri. Ég mæli með þessari hljómsveit ef þið eruð rokk-þyrst, og fyrir ykkur sem eruð á leiðinni á Hróarskeldu þá fáið þið að sjá þá spila þar!

Eftir tónleikana var haldið niður í bæ. Agga langaði að finna einhvern bar sem hafði verði í íslenskri bíómynd (sem enginn hafði þó séð) og því spurði hann mann sem var að segja okkur til vegar "Have you seen the Icelandic movie Fálkar?" Það var ekkert smá fyndið, en þess má geta að Þjóðverjinn hafði ekki séð myndina frekar en við Íslendingarnir. Við komumst þó niður í bæ á endanum og skemmtum okkur bara vel. Við römbuðum meira að segja inná einn bar með netum í loftinu, og viti menn! Við vorum búin að finna hinn eina sanna bar sem var í Fálkum! Það var mikið hlegið að því, en ekki stoppað lengi því stemmningin var lítil. Stuttu eftir þetta íslenska djók var komið að finnska djókinu. Við gengum fram hjá skyndibitastaðnum Hesburger sem er finnsk keðja. Við urðum að fara þar inn til að borða að sjálfsögðu enda tvær finnskar stúlkur með í för. Maturinn þar var alls ekki góður og Aggi blótaði honum mikið. Eina sem stelpurnar höfðu að segja var "We told you to get the chicken-burger!". Ég fékk mér Steak-burger sem ég kláraði með bestu lyst en það var aðallega útaf svengd en ekki bragðgæðum.

Þar sem við vorum hvergi með gistingu urðum við að sofa í Fiat Uno-inum sem gengur undir nafninu Prinsessan. Fyrir þá sem ekki vita er Fiat Uno langt frá því að vera rúmgóð bifreið en þó náðum við fjögur að sofa þar í nokkra tíma, sumir betur en aðrir. Þegar við vöknuðum stóð fullt af fólki fyrir framan bílinn og hlógu að okkur! Þau voru í reykingapásu þó held ég en komu ekki sér ferð til að hlægja að okkur. Við áttuðum okkur fljótlega á því að við vorum lögð kol-ólöglega! 'Bannað-að-leggja' skilti allt í kringum okkur, og við vorum rosalega heppin að hafa ekki fengið sekt. Eftir að hafa fært bílinn á löglegan stað röltum við um verslunargötur Hamborgar og ég sem ekkert ætlaði að kaupa missti mig aðeins í stórri H&M verslun. Það var líka besta mál enda mjög langt síðan ég keypti mér föt! Fyrir innan við tíu þúsund íslenskar krónur keypti ég mér sex flíkur. Þar á meðal var langþráður jakki, en ég er búinn að vera á leiðinni að kaupa mér nýjan jakka í átta mánuði! Geri aðrir betur. Svo var haldið heim á leið með stuttum stoppum í Kiel og svo í landamærabúðunum.

Þetta var frábær ferð og þakka ég ferðafélögum mínum vel fyrir. Það var skrítið að koma heim úr ferðalagi á föstudegi, en það er bara fínt, öll helgin eftir. Í gærkvöldi (föstudag) fór ég þó ekki útúr húsi vegna þreytu enda tók þessi sólarhringur í Þýskalandi frá manni alla orku. Það er þó allt að koma enda náði ég góðum 13 tíma svefni. Í svona ferð væri ég vanur að taka 200 myndir að eitthvað álíka, en í þetta sinn tók ég tvær. Þetta er munurinn á því að eiga stafræna myndavél eða Polaroid vél þar sem hver mynd kostar kringum 130 krónur íslenskar. Kannski rætist úr myndavéla-leysi mínu fljótlega, hver veit. Over and out.
Maggi.

London, París, Róm

Það er aldeilis þeytingur á manni þessa dagana. Í gær fórum við í skólaferð til Århus og sáum þar listasafn sem sýndi verk Bill Viola sem er video-listamaður. Verkin hans voru flott en ég er nú samt ekki alveg að fatta svona nútímalist eitthvað. Ég fílaði samt upplifunina og það var gaman að sjá þetta. Eftir að hafa skoðað safnið röltum við niður í bæ og ég skoðaði Århus í fyrsta sinn því ég hef aldrei komið þangað áður. Við fengum okkur að borða og kíktum á kaffihús og röltum um miðbæinn. Þetta var mjög fín ferð og allir voru mjög hissa á því hvað hún gekk snuðrulaust fyrir sig! Að vísu átti hún að vera farin síðasta laugardag en henni var frestað á síðustu stundu og því var þetta nú ekki algjört success. Ég keypti loksins filmu sem passar í Polaroid myndavélina mína, en þá var hún með gulum bakgrunni og einhverjum asnalegum myndum á botninum! Ég veit ekki hvar þetta Polaroid ævintýri mitt endar.

Á eftir er ég svo á leiðinni til Hamborgar! Þar eru tónleikar með hljómsveitinni Bloc Party og ætlum við (ég, Aggi, Camilla, Tiina og Bodil) að freista gæfunnar og mæta á svæðið án þess að eiga miða. Vonandi komumst við inn, en hvort sem það tekst eða ekki þá verður eflaust gaman. Ég uppgötvaði þessa hljómsveit nú bara í þessari viku, en fíla þá í tætlur! Þeir spila líka á Hróarskeldu þannig að það er nú ekki hundrað í hættunni þótt við komumst ekki á tónleikana í kvöld. Við förum á Fiat druslunni hennar Camillu og við verðum bara að krossleggja fingur og vona að hún bili ekki á hraðbrautinni! :D Ekta road trip ævintýri. Við erum ekki einu sinni með gistingu, þetta verður bara að koma í ljós! Hehehe. Svo er frí í Danmörku á morgun því það er bænadagur, hvað sem það nú er. Þannig að þetta verður löng, og eflaust mjög skemmtileg helgi! Kveðja frá Kolding,
Maggi.

Sumarið er tíminn

Koldingbúar leika við hvern sinn fingur í góða veðrinu og er þessi helgi er búin að einkennast af mikilli útiveru. Við erum búin að vera í Legeparken og sitja við Koldinghus, spila strand-tennis þótt engin væri ströndin, grilla úti í garði og ganga um bæinn. Ég er alveg hættur að taka strætó nema í skólann, og hjóla því um allar trissur sem er rosalega fínt. Vonandi verður þetta gott sumar. Danir eiga það nú skilið því veðrið í fyrrasumar var alveg hundleiðinlegt og veturinn mun harðari en þeir eiga að venjast.

Ég er búinn að bæta við einkar skemmtilegri nýjung á þetta blessaða blogg. Það er linkur á veðurstofuna í Danmörku þar sem þú sérð hvernig veðrið er hér í Kolding. Þannig að ef það er rigning og rokrassgat heima á Íslandi, þá getiði kíkt á bloggið mitt og huggað ykkur við það að sólin skín nú að minnsta kosti á Magnús. :D Ef spáin er hinsvegar leiðinleg fyrir Kolding (sem við vonum nú að gerist ekki oft) þá getiði sent mér góða strauma og vonað að ég fjúki ekki af hjólinu mínu eða rigni niður eða verði fyrir eldingu eða eitthvað. Kveðjur úr góða veðrinu í Danmörku.
Maggi.

3ds max og Lego

Við erum farin að læra á þrívíddarforrit í skólanum. Það kom mér á óvart að það er tiltölulega einfalt að búa til hluti og láta þá hreyfast. Að vísu flækjast hlutirnir hratt ef maður vill búa til eitthvað meira og flóknara en maður verður þá bara að leggjast yfir þetta. Hérna geturu séð fyrsta verkefnið mitt sem ég gerði. Ef þú lætur vídjóklippuna lúppa þá sérðu þetta betur. Ég var mjög stoltur að geta gert þetta eftir tvær kennslustundir. Vatnið er að vísu pínu kjánalegt en við erum ekkert búin að læra að gera það ennþá! :)

Í dag fórum við til Billund að heimsækja höfuðstöðvar Lego. Þar lærðum við um fyrirtækið, hvernig það virkar (þó aðallega markaðsdeildina) og skoðuðum húsið, en þarna vinna 300 manns. Í næsta bæ við vinna 3000 manns í Lego verksmiðjunni, og allt í allt vinna 7000 manns fyrir Lego um allan heim! Þetta er ansi stórt fyrirtæki og það var gaman að forvitnast um hvernig það virkar. Þeir hafa átt í erfiðleikum undanfarið og vildu þeir meina að það væri vegna þess að þeir væru of mikið að vera í takt við tímann og gleymt því sem Lego snýst um, gömlu góðu kubbana. Þeir eru því komnir með svokallað "back-to-basics strategy" sem þýðir að þeir ætla að einbeita sér að einfaldleikanum aftur. Þetta virðist vera að ganga ágætlega hjá þeim og vonandi þurfum við því ekki að horfa framá að Lego fari á hausinn. Það væri mikil synd.
Maggi.

Fiskibollur í Kolding!

Ójá! Ég fékk íslenskar fiskibollur úr dós frá ORA í kvöld! Það var æðislegt! Ég er búinn að hugsa mér gott til glóðarinnar alveg síðan strákarnir komu í heimsókn því þeir komu hlaðnir gjöfum og ein þeirra var stór fiskibolludós. Í dag hringdi ég svo í mömmu og fékk uppskriftina af fiskibollum í tómatsósu og ekki var hún nú flókin. Ég gat nú auðvitað ekki setið einn að þessum kræsingum og bauð því Birnu, Láru og Elvu í mat, sauð helling af kartöflum og mixaði þessa líka ágætu tómatsósu fyrir fiskibollurnar! Þetta var nú ekki nákvæmlega eins og mamma gerir, en mjög gott samt. Takk kærlega fyrir mig Atli og Biggi!

Eftir átið var svo var skellt mynd í tækið, Fever Pitch með Drew Barrymore og Jimmy Fallon, leikstýrð af Farelli bræðrum. Hún var alveg ágæt en var þó oft trufluð af samræðum um Hróarskeldu og aðra hluti. Mér virðist á öllu að það þurfi ekki mjög margar ræður í viðbót um dásemdir Hróarskeldu til að sannfæra þessar stúlkur um að koma með. Ég stefni á að þekkja sex hundruð manns á næstu hátíð. Það er hellingur af fólki að fara sem ég þekki og ef ég fæ einhverju ráðið þá munu allir sem eru núna á "kannski" stiginu líka enda á hátíðinni. Enda er ekki fræðilegur möguleiki að einhver þeirra myndi sjá eftir því að fara. ;)
Maggi.

Free haircut

Síðasta þriðjudag í skólanum kom Camilla að borðinu okkar í matsalnum og spurði "vill einhver fá fría klippingu?". Ég og Bjarni samþykktum það enda vantaði okkur klippingu og auðvitað væri ekki verra að fá hana frítt! Jafnvel þótt að það væru nemendur í skólanum sem myndu klippa okkur. Við komumst þó fljótlega að því að það voru ekki nemendur sem áttu að klippa okkur heldur alvöru klippikonur, og ekki nóg með að það ætti að klippa okkur heldur átti að gera það uppá sviði fyrir framan fullt af öðrum klippikonum!!! Þegar við fréttum þetta þá var of seint að bakka með þetta og það var líka alltí lagi því þetta var bara skemmtilegt.

Þetta var kynning á vörum frá fyrirtæki sem selur allskonar vörur fyrir hárgreiðslustofur og konurnar sem klipptu okkur voru frá því fyrirtæki og konurnar sem komu til að horfa á áttu allar eða unnu á hárgreiðslustofum víðsvegar um Jótland. Þetta tók allan daginn, frá hádegi til níu um kvöldið. Sú sem sá um mig var algjör pæja og mjög skemmtileg. Hún setti í mig smá ljósar strípur og þetta var í fyrsta sinn sem ég hef fengið lit í hárið! Svo klippti hún slatta af hliðunum og svo einhverja voða þríhyrninga og ferhyrninga efst á kollinn á mér en skildi samt slatta eftir þannig að ég er nú ekki orðinn stutthærður. Svo greiddi hún mig alveg svakalega þannig að ég leit út eins og John Travolta þegar hann var uppá sitt besta í dans og söngvamyndunum! Toppurinn alveg þvílíkt hátt upp og svona. En klippingin var fín og auðvitað get ég greitt það eins og ég vill. Það var nú kominn tími á að snyrta aðeins enda hafði ég ekki farið í klippingu síðan í október.

Síðustu tvær vikur í skólanum höfum við verið að vinna að sérstöku verkefni og var það að útbúa útlit á bók sem við munum gefa út í haust. Hver nemandi fær að hanna nokkrar síður í bókinn og verður það hans portfolio. Mér finnst þetta vera mjög spennandi verkefni og það verður gaman að hanna þessar síður. Við höfum allt sumarið til þess og þurfum ekki að skila inn okkar síðum fyrr en í byrjun september. Bókin verður svo send til þeirra fyrirtækja sem við sækjum um starfsnám hjá. Hugmynd hópsins míns um að hafa eina gegnsæja blaðsíðu (svipað og bökunarpappír) var valin og það var mikil ánægja með þá hugmynd. Það gefur fólki allskonar möguleika ef það lætur ímyndurnaraflið ráða ferðinni.

Þessi helgi var frekar róleg. Á föstudaginn spiluðum ég og Birna og Lárelva á Munkegade og spjölluðum svo framá nótt. Í gærkvöldi var svo eitthvað af fólki sem hittist á Munkegade og spilaði drykkjuleikinn Jónas sem vakti gríðarlega lukku! Það var ótrúlega gaman og mikið hlegið. Svo var haldið á Pitstop þar sem einn af skólabræðrum okkar sem kemur frá Afríku spilaði afríska tónlist. Það var töluvert öðruvísi en við bjuggumst við og því fórum við frekar snemma heim. Frábær helgi engu að síður. :)
Maggi.

Veðurguðirnir...

...tóku heldur betur vel á móti Bigga og Atla um síðustu helgi. Það gerðum við líka, ég, Jóhannes Bjarni og Kristjana, og eyddum við helginni saman bæði hér í Kolding og í Horsens þar sem Jói og Kristjana eiga heima.

Á fimmtudaginn fór ég til Þýskalands með Camillu, Láru, Elvu og Rósu í bílnum hennar Camillu. Ætlunin var að kaupa bjór handa strákunum og svo endaði það með því að allir keyptu sér hellings bjór og fullt af dóti. Ég keypti þrjá kassa af bjór á 100 kr. danskar og tólf hvítvínsflöskur fyrir sama verð! Það finnst mér hrikalega ódýrt. Það gerir 90 kr. íslenskar á flöskuna! Svo um kvöldið komu strákarnir og það var mögnuð móttöku-athöfn á lestarstöðinni. Við skelltum upp partýi fyrir strákana og fórum útá líifð. Mig langaði svo mikið að eiga myndir af kvöldinu með strákunum að ég asnaðist til að taka myndavélina mína með mér út á lífið. Til að gera langa sögu stutta er hún týnd og tröllum gefin. Svona er lífið. Enn er smá sjens að hún finnist en tel ég það ólíklegt. Ég hef aldrei þorað að taka myndavélina mína með á djammið því ég er hræddur um að týna henni, og svo núna í fyrsta sinn sem ég geri það þá hverfur hún. Kaldhæðni örlaganna. En ég get engum um kennt nema sjálfum mér og ég nenni ekki að vera fúll útaf þessu. Shit happens.

Á föstudeginum vöknuðum við á hádegi og drifum okkur niðrí bæ í góða veðrinu. Við fórum með nokkrum krökkum úr skólanum í Legeparken sem er eins og nafnið gefur til kynna Leik-garður hér í bæ. Þar eru leiktæki og bekkir og útigrill og svona, og við spiluðum Boccia og fórum í bílaleik og það var hörku stuð. Seinni partinn fórum við svo til Horsens og hittum fleiri íslenska kunningja okkar. Um kvöldið kíktum við út en vorum nú ekki lengi.

Á laugardeginum röltum við um Horsens og ég og Atli keyptum okkur skó! Seinni partinn fórum við svo aftur til Kolding og gerðum okkur tilbúin fyrir pönk-partý sem finnsku stelpurnar héldu. Að sjálfsögðu þýðir þemapartý að ég fer alla leið, og ég var algjör pönkari þetta kvöld með hárið sem gadda í allar áttir! Það var magnað og vakti mikla athygli niðrí bæ. Partýið og kvöldið allt var frábært.

Sunnudagurinn var svo rólegasti dagurinn enda vorum við búin að vera á fullu síðan strákarnir stigu útúr lestinni! Þó kíktum við seinni partinn niður að Koldinghus eftir að hafa borðað íslenskar SS pylsur og flatbrauð með hangikjöti! Og já ég gleymdi að minnast á það, á föstudeginum fengum við Jói og Kristjana hamborgaratilboð af Básnum sem strákarnir komu með!! Úff hvað það var gott! :D Flest þið sem þekkið mig ættuð að vita hvað ég elska það mikið. ;)

Um kvöldið fórum við fínt út að borða á veitingastað sem heitir Bone's og fengum okkur rif, nema Kristjana sem fékk sér Hot-Wings. Maturinn var algjört æði og við gátum vart talað um annað! Þvílík snilld! Ég mæli sko með þessum stað. Svo fífluðumst við eitthvað niðrí bæ því þetta var síðasta kvöldið og við vildum ekki fara strax heim. Tekin var önnur umferð í fótboltaspili og við lékum okkur með einnota myndavélina hans Atla eftir að filman var búin. Stun-Gun anyone? Svo var eitt atvik þar sem ónefndir menn, tjah, spældu Koldingbúa með strípihneigð sinni skulum við bara segja! Hahahaha, ég hélt ég yrði ekki eldri, ég gat ekki andað úr hlátri!

En helgin tók enda og eru allir sammála um það að hún var ekkert nema frábær. Við skemmtum okkur konunglega allan tímann og ég vill þakka krökkunum fyrir komuna! Endilega komið sem oftast. Og þið sem eigið eftir að heimsækja mig, þið ættuð bara að vita hvað það er gaman að koma í heimsókn til Kolding! Það er bara ein leið að komast að því hversu gaman það er. :)

Ég fékk myndirnar sem voru teknar á myndavélina hans Jóa og ég set eitthvað af þeim á netið. Því miður hurfu allar myndirnar sem voru teknar fyrsta kvöldið því Jói var ekki með sína vél þá og mín vél týndist eins og áður segir.

Maggi.

Heimsókn!

Atli og Biggi koma á morgun! WooHooo!! :D Það verður fjör. Mikið fjör og mikið gaman. Ég ætla að vera duglegur að taka myndir eins og vanalega og þið fáið að sjá hvað var gaman hjá okkur eftir helgina! Ég og Jói fáum hamborgaratilboð frá Básnum! :D Hahahahaha!
Maggi.

PáskaKøbenMyndir

Nýjar myndir!

Ég skrifaði færslu sem Blogger ákvað að eyðileggja. Hún var greinilega ekki nógu merkileg til að birta hana hér þannig að ég nenni ekki að skrifa hana upp aftur. Biggi skrifaði einu sinni e-mail sem eyðilagðist þrisvar áður en hann náði að senda það. Hann var orðinn svo pirraður að síðasta útgáfan af e-mailinu var orðin hrikalega orðljót og leiðinleg og hann varð að marg-biðjast afsökunar á því að hafa sent það þegar hann hitti loksins viðtakandann aftur. Það var fyndið. En allavega, hér eru myndir frá því í Køben um daginn!
Maggi.

Gleðilega páska!

Nú er páskadagur og ég er fjarri heimahögum í fyrsta sinn (að mig minnir). Ekki að það sé neitt slæmt því páskarnir eru ekki mjög stór hátíð í mínum huga. Það er alveg hægt að chilla og borða páskaegg annarsstaðar en heima! Ég fékk sent Nóa Síríus páskaegg númer fimm í vikunni og það var meira að segja óbrotið! Ég gæddi mér á því áðan (náði samt ekki nærri því að klára) og málshátturinn var Iðnin eykur alla mennt. Ætli það þýði að ég sé ekki að leggja nógu hart að mér í skólanum? Naaahh...

Núna er ég staddur í Horsens hjá Jóa og Kristjönu og við erum að fara að borða páskamat! Þau voru ekki mjög sátt með málshættina sína, því þau fengu sama málsháttinn! Það eyðilagði næstum því páskana fyrir Jóa, og hann er að spá í að senda kvörtunarbréf til Nóa Síríus. Málshátturinn var Kenna má fyrr en klipið er til beins.

Á föstudaginn kom Hlynur í heimsókn til Kolding! Hann er búinn að vera í S-Ameríku í fjóra mánuði og er í Danmörku yfir helgina áður en hann fer heim. Það var rosa gaman að sjá kallinn og Jói og Kristjana kíktu líka til Kolding og eyddu deginum með okkur. Við röltum um bæinn og kíktum í bíó um kvöldið þar sem við sáum Ring 2. Hún er frekar spooky en svipuð og fyrri myndin. Meira af því sama. Svo kom ég hingað til Horsens í gær og kíkti út á lífið með Jóa og Kristjönu og íslenskum vinum þeirra. Það var mjög fínt þrátt fyrir frekar leiðinlegan endi á kvöldinu útaf ömurlegum dyravörðum með valdahroka. En það er búið að vera mjög gaman hjá okkur. Vonandi eigiði ánægjulega páskahátíð hvar sem þið eruð stödd í veröldinni!
Magnús.

Myndarlegt

En hvað maður er myndarlegur! Ef það telst til myndugleika að lofa einhverju og standa svo við það nokkrum vikum seinna. Það eru í það minnsta komnar nýjar myndir á netið! Þið nennið kannski ekki að skoða þetta allt en hérna eru þær samt. Fyrri skammturinn eru myndirnar sem ég tók þegar við fórum á fyrirlestur í Koldinghus fyrir tveimur vikum og nokkrar myndir úr skólanum fá að fljóta þar með. Þetta eru aðllega artý myndir af einhverjum hlutum á safninu í Koldinghus (ég veit að sumir fíla ekki artý, þeir mega sleppa því að opna þær myndir) og svo nokkrar teknar yfir bæinn ofan af turninum.

Seinni skammturinn er frá CeBIT tæknisýningunni í Hannover. Við komumst þangað fyrir rest og auðvitað var ég með myndavélina á lofti. Ein myndin í seríunni er þó tekin á aðra stafræna myndavél í Kodak básnum á sýningunni. Það var einhver gaur sem smellti mynd af Elvu, Láru og mér og prentaði hana beint af myndavélinni í þremur eintökum handa okkur. Hún heppnaðist bara vel okkur til mikillar furðu og því tók ég mynd af útprentuninni og setti með á netið. Svo set ég inn myndirnar frá Köben fljótlega.
Maggi.

Ekki bjóða ruslpósti í heimsókn!

Fyrst ég er nú byrjaður að hjálpa fólki með bloggin sín þá get ég nú varla látið hér við sitja! Ein mesta plága sem til er á netinu er ruslpóstur. Ruslpóstur er alveg óþolandi eins og allir vita og með því að setja link sem heitir "Sendið mér póst" á vefsíðuna sína er maður að sýna öllum heiminum póstfangið sitt. Það eru til óteljandi leitarvélar sem skanna kóða á heimasíðum bara til að finna póstföng svo óprúttin fyrirtæki geti sent póst til sem flestra. Þannig að auðvitað viljum við ekki setja tölvupóstfangið okkar beint á síðuna okkar! Það er til einföld lausn á þessum vanda. Í staðinn fyrir @ merkið í póstfanginu okkar þá setjum við @ sem er html kóðinn fyrir @ merkið. Flestar leitarvélarnar sem lesa kóðann sjá því ekkert @ merki og halda því að ekkert póstfang sé á síðunni. Passið ykkur á því að setja @ í staðinn fyrir öll @ merkin í kóðanum. Til dæmis:

<a href="mailto:maggisv&#64;gmail.com>Sendið póst á maggisv&#64;gmail.com</a>

Þessi lausn er þó ekki fullkomin því sumar leitarvélarnar kunna þetta bragð og setja @ merkið sjálfkrafa í staðinn fyrir þennan kóða. Ef þú vilt enn betri lausn á þessum vanda þá geturu fundið hana hér (býr sjálfkrafa til JavaScript fyrir þig) og svo eru enn fleiri lausnir hér. Maður þarf auðvitað oft að gefa upp póstfangið sitt þegar maður skráir sig í hitt og þetta á netinu og þá er gott að hafa eitt póstfang sem manni er alveg sama um og nota það í þeim tilvikum. Þá veistu amk að pósturinn sem þú færð á aðal póstfangið þitt er ekki rusl!
Maggi.

Polaroid

Hvernig gat ég gleymt að minnast á þetta í síðustu færslu? Ég keypti mér myndavél í Køben! Við fórum inní myndavélabúð og ég sá til sölu Polaroid myndavél á hundraðkall danskar! Hvernig gat ég sleppt því að kaupa hana? Mig hefur lengi langað að eiga Polaroid myndavél og þótt maður noti hana kannski ekki mikið þá er mjög gaman að gera það einstöku sinnum. Þetta er nottla ekkert verð, þúsundkall íslenskar. Að vísu keypti ég enga filmu því þær eru mjög dýrar. Ég fer í verslunarferð til Þýskalands eftir páska og þá mun ég kaupa mér einhverjar filmur. Vonandi eru þær ódýrari þar eins og flest annað.

Það verður eitthvað lítið að gerast hjá mér um páskana. Allir annaðhvort í öðru landi eða með fjölskylduna í heimsókn. Það er svaka djamm alla páskana frá og með kvöldinu í kvöld (miðvikudag) hér í Kolding. En ég mun ekki taka þátt í því þar sem enginn er til að djamma með! Ég tek bara tvöfalt á því helgina eftir páska því þá koma Biggi og Atli í heimsókn til Danaveldis! :D Það verður frábært enda miklir snillingar þar á ferð. Jói B. kemur þá hingað frá Horsens eða ég fer þangað, það kemur allt í ljós síðar. En tvennt er víst, það verður drukkinn bjór og það verður hrikalega gaman!

Ég ákvað að það væri leiðinlegt að hafa þessa auglýsingu frá Blogger efst á síðunni og fór því á stúfana til að finna lækningu við því. Hún fannst og er svona ef einhver hefur áhuga. Maður fer inní Template og bætir eftirfarandi klausu beint á undan </head> :

<style type="text/css">
#b-navbar {display:none;}
</style>
<script type="text/javascript">
/*
</head>
*/
</script>

Og það er nóg! Ekki taka neitt út, bara bæta þessari runu inní beint á undan </head> sem er frekar ofarlega inní Template. Þetta gæti varla verið einfaldara. Maður getur fundið lausn við öllum vandamálum ef maður nennir bara að leita að henni. :)
Maggi.

Skyndilega Køben

Datt mér ekki í hug! Ég var svo gott sem búinn að ákveða að fara ekki til Køben (sem þýðir að ég var enn að hugsa um það því ég get ekki tekið ákvarðanir) en þá frétti ég að það voru fleiri að hugsa um að skella sér í höfuðborgina og þá fór ég meira að segja að reyna að sannfæra fólk um að fara með! Þannig að það endaði þannig að ég, Elva, Lára, Kolla og Sara (frænka Kollu) fórum til Køben með lestinni á laugardagskvöldið. Og ég sé ekki eftir þeirri ákvörðun því það er búið að vera virkilega gaman! Ég hitti Gulla og Pálu nokkrum sinnum og það var alveg frábært, og hvatti ég þau auðvitað eindregið til að flytja út til Baunalands í haust. Vonandi sáu þau hvað er gott að búa hér í þessari heimsókn og drífa sig í að skipuleggja flutninga! ;)

Svo rölti ég um bæinn með stelpunum og sá fullt af dóti sem ég hef aldrei séð áður því ég hef í raun aldrei verið túristi í Køben. Við löbbuðum höfnina þvera og endilanga og ég sá litlu hafmeyjuna í fyrsta sinn. Fólk var búið að tala um að hún væri mun minni en maður byggist við þannig að ég bjóst við að hún væri svipað stór og fimm sentímetra háa eftirlíkingin sem amma og afi eiga, en hún var bara í svipuðum hlutföllum og venjuleg manneskja! Já, eða venjuleg manneskja með sporð. Þannig að hún var stærri en ég bjóst við.

Ég tók nóg af myndum (þegar þetta er skrifað er ég kominn uppí 250 myndir) og margar þeirra eru mjög skemmtilegar þannig að ég verð nú að setja eitthvað af þeim á netið. Ég var víst búinn að lofa að setja inn myndir frá CeBIT og ég mun standa við það en þær verða nú ekki svo margar því það var svo mikið af því sama. En ég er enn í Køben og því gerist þetta ekki fyrr en á morgun. Ég er í páskafríi! Fullt af fólki í fríi útum allar trissur en samt eitthvað af fólki í bænum þannig að vonandi getur maður fundið sér eitthvað skemmtilegt til að gera.

Ég fékk skrítið komment um helgina. Stelpurnar sögðu mér að vinur þeirra sem ég hitti í stutta stund um helgina og sem les bloggið mitt stundum hélt að ég væri meiri töffari en ég er! Ég er búinn að vera að spá í hvort ég eigi að taka þessu sem hrósi eða ekki því ég er ekkert að reyna að vera töffari, hvorki hér né í lífinu sjálfu. En ég get sagt ykkur sem lesið þetta en þekkið mig ekki að ég er ekki töffari! Spyrjið bara einhvern sem þekkir mig. :) Skrítið samt að maður geti siglt undir fölsku flaggi án þess að vita af því. Er eftirsóknarvert að vera töffari?
Maggi.

Skyndilega Saybia

Ég fór á tónleika í gær. Ég var heima í tölvunni og allt í einu stóð ég fyrir framan svið og dillaði mér við tónlist Saybia. Eða næstum því. Fyrirvarinn í það minnsta var ákaflega lítill. Ég var búinn að gleyma þessum tónleikum en langaði samt á þá. Ég var að spá í að fara að leggja mig en þá minntust stelpurnar á tónleikana og við ákváðum að fara og ég hoppaði í sturtu og beint útí strætó og beint á tónleikana! Þetta voru fínustu tónleikar, bæði upphitunarhljómsveitin og Saybia sjálfir.

Í kvöld eru svo tónleikar með Emilíönu Torrini í Köben en ég asnaðist til að bíða með að versla mér miða og núna er uppselt! Alveg týpískt. Þannig að ég er líklegast ekki á leiðinni til Köben. Ég var nefnilega á leiðinni þangað til að hitta Gulla og Pálu en það er möguleiki að þau geti kíkt í heimsókn eftir helgina, og því ætla ég að spara mér peninginn í lestina og vera bara heima. Nema ég ákveði allt í einu að fara núna á eftir. Ég er nefnilega ákaflega lélegur í að taka ákvarðanir og bíð alltaf með það fram á síðustu stundu eða jafnvel lengur og hef þá aðeins einn valmöguleika eftir. Það er auðveld leið til að ákveða eitthvað en gallinn er sá að maður verður næstum aldrei ánægður með útkomuna því maður fékk ekki að ráða henni. Svona getur maður verið skrítinn.
Maggi.

Elvis is in the building!

CeBIT kom og fór. Og var skemmtileg. Svæðið var riiisastórt, meira að segja alveg fáránlega stórt. Hallirnar tuttugu og sjö voru hver um sig eins og tvær til fjórar Laugardalshallir svona til að miða við eitthvað og við reyndum að komast yfir sem mest á þeim tíma sem við höfðum. Eftir nokkurra klukkutíma rölt var maður samt orðinn þreyttur og stoppaði því stutt á hverjum stað og var duglegur við að setjast niður úti og hvíla sig. Ég keypti mér ekkert, en reyndi þess í stað að fá sem mest af fríu rusli. Ég fékk slatta af dóti, en það sem er mest nýtilegt er blakbolti sem ég mun eflaust nota uppí skóla á strandblakvellinum þegar líður nær sumri!

Við erum búnir að vinna eins og brjálæðingar í verkefninu okkar og kláruðum það í dag! Það eru enn nokkrar litlar breytingar sem okkur langar að koma með áður en við kynnum það í skólanum en það er til fín útgáfa sem er komin á netið! Endilega kíkið á hana hér. Segið mér svo hvað ykkur finnst! :)
Maggi.

Ég get svo eiðsvarið það

Þetta er nottla fyrir neðan allar hellur. Við mættum niðrí bæ á rútustoppistöðina til að taka rútuna til Hannover, og hvað haldiði? Skólanum tókst að klúðra þessu eins og öllu öðru! Engin rúta, hún var víst pöntuð fyrir morgundaginn! Æ, æ. Mætið bara um miðja nótt á morgun aftur til að taka rútuna þá og fara á CeBIT. Ok, upplýsingaflæðið er mjög slæmt í þessum skóla og enginn virðist vita hvað á að gerast hvenær hvorki kennarar né nemendur, en að þeim takist að klúðra því að panta eina skitna rútu!? Það eru bara fáránleg vinnubrögð og maður á ekki að láta bjóða sér svona! Enda var mikil reiði í mannskapnum sem var búinn að bíða úti í skítakulda í klukkutíma eftir rútunni eða staðgengils-rútu sem var reynt að ná í án árangurs.

Fólkið var hissa og reitt og auðvitað svekkt, og því var kalt og það var pirrað og bara fúlt yfir höfuð. Sumir komast ekki einu sinni á morgun og þurfa því að sleppa ferðinni. Aðrir munu líklegast mæta með semingi og með mun minna bros á vör heldur en áðan. Enn einn svartur blettur í kladdann hjá skólanum. Vonandi að þetta hafi verið síðasta hálmstráið og nemendur hreinlega krefjist þess að upplýsingaflæði og allri skipulagningu hjá skólanum verði umturnað og bara löguð í eitt skipti fyrir öll. Það er svekktur Maggi sem kveður og ætlar að reyna að leggja sig og mæta í skólann á eftir í verkefnavinnu.
Maggi.

CeBIT í Hannover

Á morgun (eða réttara sagt núna á eftir) er för okkar NoMA-linga haldið á CeBit tæknisýninguna í Hannover í Þýskalandi. Við leggjum af stað klukkan fjögur í nótt og erum sex tíma á leiðinni í rútu. Svo eyðum við deginum á sýningunni og klukkan sex um daginn eyðum við öðrum sex tímum í að keyra aftur heim til Kolding og komum heim á miðnætti. Þannig að það er heljarinnar utanlandsferð fyrir höndum.

Fyrir þá sem ekki vita er CeBIT sýningin stærsta tæknisýning í heiminum hvorki meira né minna. Það dugar enginn kofi undir svona sýningu heldur er hún í 27 höllum sem eru hver um sig töluvert stærri en Laugardalshöllin heima. Þetta er því algjör draumastaður fyrir tæknifíkil eins og mig! Ég vildi óska að ég gæti eytt svona þremur dögum þarna en maður verður bara að vera þakklátur fyrir það sem maður fær. Þið heima fáið til dæmis ekkert að fara! Múhahahaha! Allavega, ætli það sé ekki best að leggja sig soldið áður en maður fer í þessa reisu í nótt. Ég set svo inn myndir sem ég tek á sýningunni ef þær verða skemmtilegar.
Maggi.

GIR

Flash

Það getur verið rosalega gaman að vinna í Flash þegar allt gengur upp. Það er jafn rosalega leiðinlegt þegar allt gengur á afturfótunum. En eins og í öllu þá verður maður bara að halda áfram og vona að allt gangi einhvernvegin upp áður en maður missir allt vit.
Maggi.

Laundry day

Þvílíkur dugnaður! Haldiði ekki að ég hafi sett í fjórar vélar í dag. Þvo, þvo, þvo.
Maggi.

It's picture-time! :D

Þá eru myndirnar mættar og ég ákvað að gera smá tilraun með framsetninguna á þeim og sjá hvernig það leggst í mannskapinn. Ég fékk smá Flash dót uppí hendurnar sem ég fiktaði svolítið í til að nota hérna á síðunni. Þannig að uppsetningin er svolítið öðruvísi en vanalega.

Þetta eru myndir af ýmsum hlutum. Fyrsti hlutinn byrjar á nokkrum myndum síðan ég fór til Køben þegar Torgeirz og Jobu Kretz voru í heimsókn, svo koma myndir af stóru myndunum sem við erum búin að setja uppá vegg inní stofu, myndir af grillinu mínu nýja (sem var að sjálfsögðu myndað í bak og fyrir), myndir frá Ågade og Munkegade og fleira. Vá, hvað sagði ég myndir oft í þessari setningu. Það tók svolítið langan tíma að setja þetta allt uppí Flash þannig að ég nenni varla að gera mikið af þessu, en hver veit.

Svo eru myndir úr Hip-Hop partýinu í tveimur hlutum. Fyrst þegar við vorum að taka okkur til og stelpurnar voru að búa til rappara úr mér, og svo þegar við vorum að koma okkur út og nokkrar myndir úr partýinu sjálfu. Nóg af myndum af mér í þessari syrpu aldrei þessu vant því ég var í svaka múnderingu í tilefni þemans sem var þetta kvöld. Myndirnar segja meira en mörg orð.

Fljótlega set ég svo myndir sem ég tók í dag þegar við heimsóttum Koldinghus sem er kastalinn hér í bænum. Við hlustuðum á fyrirlestra um húsið og um kynningarstarfsemina sem fer fram hjá þeim fyrir safnið sem er í kastalanum. Það var ágætt að prófa eitthvað nýtt, fara á fyrirlestra í kastala frekar en í glerhúsinu (skólanum okkar). Nóg að gera þessa dagana og gaman að vera til, ekki síst vegna þess að vorið er að koma í Danmörku! Snjórinn er að fara og flugur komnar á stjá. Vonandi verður vorið og sumarið gott því Danir hafa nú ekki verið heppnir með veðrið undanfarið ár.
Maggi.

Einn, tveir og elda!

Gærdagurinn var heldur betur viðburðaríkur. Ég ætla að renna fljótt í gegnum það sem ég gerði: Vaknaði og fór í skólann sem kláraðist á hádegi, fór niðrí bæ með Rebekku og við borguðum reikninga, fór heim og eldaði Bixie-mad og spældi egg handa mér og Gústa, fór í sturtu og hjólaði niður í bæ þar sem ég fór í verkefnavinnu með strákunum og við undum algjörlega kvæði okkar í kross og ákváðum að gera allt annað en það sem upphaflega var talað um, þaut þaðan rétt fyrir sjö og fór með Munkegade-genginu og Ísaki á Jensens Bøfhus og fékk mér steik, fór svo með krökkunum yfir á Munkegade tar sem við sátum og spjölluðum restina af kvöldinu og svo hjólaði ég heim. Góður dagur.

Í dag eftir skóla fór ég svo með í þvottavéla-verslunarleiðangur. Engin þvottavél var keypt fyrir Munkegade en hins vegar fann ég svolítið yndislegt í búið fyrir Knud-Hansensvej. Ég keypti mér grill! Ég er búinn að röfla um að ég verði að fá mér samlokugrill síðan við fluttum út en aldrei látið verða af því. Svo sá ég þetta yndi í ElGiganten og bara varð að kaupa það! Þetta er eins og George-Forman grill á sterum (ekki sú tegund heldur Hitachi) og kostaði ekki nema 299 kr. danskar! Geri aðrir betur! Ég vígði þessa elsku áðan með því að grilla mér kjúklingaborgara og ég get sko lofað ykkur því að ég mun nota það mikið og eflaust löngu eftir að ég er fluttur frá Danmörku.

Í kvöld er innflutnings/afmælis/þema-partý hjá Camillu, Tiinu og Bodil, finnskum vinkonum okkar úr skólanum. Þær voru að flytja úr stúdíó-íbúðunum sínum og saman í eina stóra, og Tiina verður 21 árs á morgun. Þemað er Hip-Hop og ég ætla að vera skuggalega flottur! Segi ekkert meira um það hérna núna, en þið fáið að sjá myndir af því fljótlega! Svo á morgun er annað afmæli, en þá er það Heimir sem verður þrítugur og ætlar að halda uppá það með pompi og prakt á Republican sem er pöbb hér niðrí bæ. Þetta verður eflaust frábær helgi! :D
Maggi.

Oh Happy Day!!!

Oh happy day! Oh happy day! When Jesus washed... when Jesus washed... washed my bills away!!! Oh happy day! Ójá gott fólk, leikþátturinn Fátæki maðurinn í Danmörku er á enda. Persónur og leikendur: Magnús Sveinn Jónsson lék sjálfan sig og talsetti. Leikmunir: Kolding LejePlejeMaskine. Sérstakar þakkir: Allir í heiminum! WooHoo!!! Hallelúja!
(undirspil undir þessari færslu, Oh Happy Day í flutninigi Arethu Franklin, eða einhvers annars!)

Ég fékk góðar fréttir í dag. Lánsáætlunin mín er komin frá LÍN og ég er hreint ekki eins fátækur og ég hélt! Ég á töluvert meiri pening í afgang en ég bjóst við á hverjum mánuði, og get því lifað allt að því mannsæmandi lífi fram á vor. Ég held þó að ég hafi haft gott af því að halda að ég væri langt undir fátæktarmörkum í rúman mánuð. Með því lærði ég að spara peningana mína töluvert betur og auðvitað held ég því áfram. En í kvöld verður farið á Jensens Bøfhus til að fagna! Að vísu er ég að fara með Ísaki og stelpunum því Ísakinn verður nottla að prófa að fara á Jensens áður en hann fer heim. Jensens er algjör snilld! Æðislega gott og ódýrt steikhús sem er með staði um alla Danmörku. Næst þegar þú ferð til DK þá verðuru einfaldlega að prófa Jensens. Ég mæli sérstaklega með öllu á matseðlinum! Það er hreinlega allt jafn gott. Later!
Maggi.

Jónas Lalli og Eurofunk!!!

WooHoooo!!! Við fórum á Pub Quiz í gær á Knuds Garage og það var aldeilis frábært. Ég, Kolla og Birna mynduðum liðið Eurofunk og öttum kappi við liðið Who Did You Have to Fuck to Get This Number, sem var skipað af Elvu, Láru, Rósu, Snorra og Ísaki. Eina markmið okkar í Eurofunk var að vinna þau og var nokk sama um hin liðin þrettán. Svo þegar við vorum búin að svara spurningunum af mikilli natni og Quiz-masterinn fór að lesa upp hvaða lið voru neðst og efst, þá fór það svo að liðin okkar voru saman í efsta sæti með 26 stig!! (af 32 spurningum.) Það er alltaf ein tie-brake spurning og sú spurning var "Hvað eru margir hundar í París?". Við svöruðum 700.000 hundar alveg útí loftið og Who Did You Have to Fuck to Get This Number sögðu 732.526 hundar. Ekkert samráð var á milli okkar og því algjör tilviljun að tölurnar hafi verið svona svipaðar.

Spennan var í algleymi þegar Jerry Quiz-master var í þann mund að tilkynna hver rétta talan hefði verið! Ég er ekki frá því að hárin á nokkrum þarna inni hafi tekið að rísa því loftið var svo rafmagnað! Rétta svarið var svo 300.000, þannig að Eurofunk var nær því og við unnum!!! Gríðarleg fagnaðarlæti brutust út (hjá okkur þremur) og rosalegt svekkelsi hreiðraði um sig hjá hinu liðinu við borðið. Við vorum bara þrjú í Eurofunk en unnum okkur samt inn fjóra bjóra með því að vinna keppnina og runnu þeir ljúflega niður. Þau voru svo fúl í hinu liðinu að þau fóru að reyna að kasta pappírsboltum ofan í glösin okkar og í hausinn á okkur en ekkert gekk að bæla niður sæluvímuna sem við vorum í eftir að hafa unnið. Ég held meira að segja að það hafi verið enn meiri ánægja hjá okkur með að vinna þau heldur en að vinna Quizið sjálft.

Svo færðum við okkur fljótlega yfir götuna á Munkegade 6, þar sem beið mín enn önnur skemmtileg og óvænt uppákoma. Ég fékk pakka!! Nei ég átti ekki afmæli og það voru ekki jólin, en samt fékk ég pakka frá Elvu, Láru og Ísaki! Ég var að sjálfsögðu í sjöunda himni þegar ég tók utan af pakkanum, og í ljós kom þessi líka æðislega leikfangaskjaldbaka! Með langar lappir sem hægt er að beygja að vild og setja í ýmsar stellingar. Upphófst mikil leit að nafni og að lokum ákvað ég að skýra hana í höfuðið á stelpunum. Þannig að skjaldbakan heitir Jónas Lárus Magnússon, kölluð Jónas Lalli. Stundum einnig nefnd Jonni Kjuði. Frábær endir á vel heppnuðu kvöldi.

Í skólafréttum er það helst að við tókum smá könnun í gær og fengum úr henni í dag. Ég svaraði 23 spurningum rétt af 24 og var efstur í árganginum. Gaman að þessu. :) Svo erum við byrjuð í nýju hópverkefni og ég er í nýjum hópi með Starra, Hauki og Rúnari nágranna. Við erum með góðar hugmyndir og þetta verður eflaust skemmtilegt. Over and out.
Maggi.

Smá skilaboð

Ég vakti í alla síðstu nótt til að sjá Óskarsverðlaunin í beinni. Þetta var fínasta hátíð, Chris Rock var fyndinn og Million Dollar Baby vann allt. Sem er skemmtileg tilvilijun því það er eina myndin sem var tilnefnd sem besta mynd sem ég á eftir að sjá! En ég er löngu búinn að dánlóda henni og mun bæta úr þessu áhorfsleysi fljótlega.

Ég er búinn að vera að berjast við eitthvað leiðinda kvef undanfarið og hósta daginn út og inn. Nenni ekki til læknis því það kostar peninga og þeir skilja ekki íslensku. Vonandi lifi ég af veturinn. Sem ætti ekki að vera mikið lengri því samkvæmt minni spá þá mun vora á föstudaginn! Allur snjórinn verður farinn og það tekur að hlýna gríðarlega og fólk mun kenna gróðurhúsaáhrifunum um. En þetta er allt samkvæmt planinu mínu.

Ég bætti við fídus á síðuna mína í dag. Ef þú kíkir í dálkinn hér ofarlega til hægri þá sérðu link sem heitir Senda mér SMS. Það er nú alls ekki augljóst hvað þessi linkur gerir en ég get svosem sagt þér það. Hann leiðir þig inná síðu þar sem þú getur sent frítt SMS til Danmerkur. Númerið mitt kemur sjálfkrafa í númera reitinn þannig að þú skrifar bara til mín Besked og sendir! Það er svo sjaldgæfur atburður að ég fái SMS að ég verð að grípa til ráðstafana. Ekki gleyma að skrifa undir skeytið. :)
Maggi.

Snjór snjór skín á mig

Danmörk og fleiri nágrannalönd í Evrópu eru á kafi í snjó og Kolding fékk sinn skerf. Að vísu hefur maður auðvitað séð mun meiri snjó og verra veður heima á Íslandi en Danirnir eru greinilega hræddari við þetta en við. Strætó gengur ekki og skólum er lokað. Við áttum að vinna tveggja daga verkefni með viðskiptaskólanum hér í bæ en það er búið að fresta því og því breyttist fimm daga fríið í sex daga frí. Það verður samt skóli á föstudaginn, en svo kemur helgi! Frekar skrítið verð ég að segja.

Í gær labbaði ég niðrí bæ í snjókomunni og kíkti í heimsókn til Elvu og Láru. Þar fékk ég að borða alveg ótrúlega góðan pestókjúkling með hrísgrjónum og salati og ís í eftirrétt með mars-íssósu. Mmmm mmm mmm! Ég borðaði auðvitað allt of mikið en þetta var líka alveg hrikalega gott. Takk fyrir mig aftur! :)
Maggi.

Konudagur

Haldið var uppá konudaginn með pompi og prakt á Knud-Hansensvej í dag. Eða réttara sagt var bökuð sjónvarpskaka og horft á Friends í allan dag. Annar dagurinn í fimm daga helginni fór semsagt í mikla leti og sjónvarpsgláp. Á morgun mun ég svo bretta upp ermarnar og vinna fyrir skólann í verkefnunum sem eru í gangi núna. Til hamingju konur!
Maggi.

Enginn flottur jakki... og týnd peysa

Það var hörkufjör í gær og stelpurnar stóðu sig með prýði. Að vísu var ekki margt um manninn á Pitstop aldrei þessu vant og því reyndist stundum erfitt að halda fólkinu á gólfinu. Ég fékk ekki að heyra lagið mitt sem Fjóla systir kynnti mig fyrir í jólafríinu, Flottur jakki með Ragga Bjarna. Það hefði verið geggjað að fá að dansa við það á útlenskum skemmtistað. Kannski fæ ég það næst ef stelpurnar spila aftur. Peysan mín var svo eitthvað að stríða mér og ég fann hana hvergi og komst að þeirri niðurstöðu að ég hefði ekki komið með hana frá Munkegade þar sem ég byrjaði kvöldið. Það reyndist svo rétt. Það var reyndar alveg brilliant að mæta þangað en Rósa segir snilldarlega frá því á blogginu sínu þegar við grenjuðum úr hlátri yfir rottum með sogskálar.

Við erum búin að vera að prenta út myndir til að hengja upp á veggina hjá okkur hérna í íbúðinni. Og engar smá myndir heldur! Myndir sem fylla heilu veggina. Einar Þ. benti mér á snilldar heimasíðu sem 'rastar' myndirnar manns og maður getur prentað þær út eins stórar og maður vill! Það kemur mjög vel út og ég mæli með að fólk prófi þetta. Ég skal taka myndir af afrakstrinum okkar og setja hér á síðuna.
Maggi.

Heimsreisuhugsanir

Reglulega sé ég eitthvað sem minnir mig á heimsreisuna mína og Bigga, eða þá að ég hugsa um hana að því er virðist uppúr þurru. Við upplifðum svo ótrúlega margt, sáum svo rosalega magnaða huti, kynntumst svo skemmtilegu fólki og lentum í algjörlega nýjum aðstæðum sem við þurftum að spinna úr. Og í hvert skipti þá fer um mig góð tilfinning og ég brosi út af eyrum og er ótrúlega þakklátur fyrir að hafa fengið að upplifa þetta ævintýri. Ég veit að þetta á eftir að vera í huga mér allt mitt líf og myndi ég ekki skipta á þessari reynslu fyrir neitt annað. Mér finnst að allir sem halda að þeir hefðu gaman af svona ævintýri ættu að reyna allt sem í þeirra valdi stendur til að gera það að veruleika. Ég lofa, það er þess virði. Ef ykkur langar að skoða myndirnar okkar eða lesa ferðasöguna þá er það allt enn á netinu. :)
Maggi.

DJ Lárelva in da house!!!

Það skal enginn segja að lífið hér í Kolding sé ekki viðburðaríkt! Í kvöld hefst samstarf tveggja ungra stúlkna á fleygiferð inní frægðina. Þær verða plötusnúðar á Pitstop sem er skemmtistaður niðrí bæ sem er mjög vinsæll meðal skólafélaga okkar og hann er iðulega fullur af fólki. Þær munu þeyta skífum í alla nótt og halda uppi gríðarlegri stemmningu og verða eflaust heimsfrægar á einni nóttu! Þið munið vonandi eftir mér stelpur þegar þið eruð farnar að ferðast um heiminn og troða upp á íþróttaleikvöngum og útihátíðum.

Í dag hófst helgi sem er í lengri kantinum. Við eigum ekki að mæta aftur í skólann fyrr en á fimmtudaginn og meira að segja þá förum við ekki uppí skóla heldur í IBA sem er viðskiptaskóli hér í bæ. Þar munum við vinna tveggja daga verkefni með nemendum úr þeim skóla og eru peningaverðlaun fyrir besta verkefnið sem skilað er inn. Það verður unnið í fimm manna hópum ef ég man rétt og verðlaunin eru 1000 kr. danskar sem er svosem ákaflega lítill peningur. Það er þó alltaf skemmtilegra að hafa eitthvað til þess að vinna og auðvitað er stefna mín að leiða hópinn minn til sigurs! Vonandi verður helgin þín viðburðarík og skemmtileg, eða þú kýst það heldur þá vona ég að hún verði mjög viðburðalítil og þú fáir að liggja í leti fram á mánudag.
Maggi.

New look

Deginum í gær eyddi ég í að búa til nýtt útlit á síðuna mína blessaða í stað þess að vera að gera heimasíðu fyrir Matsushita eins og ég hefði kannski átt að gera. En það er ekki sama heimasíðugerð og heimasíðugerð... eða hvað? Kannski bara málið að annað þarf ég að gera en hitt langaði mig bara að gera. Og auðvitað gerir maður það sem mann langar frekar en það sem maður þarf! Meira að segja þótt það sé nokkurn vegin sami hluturinn. En ég er amk sáttur við afrakstur dagsins. Hvað finnst þér um þessa breytingu? Prófaðu að smella á Refresh.

Í dag fengum við mjög skemmtilegan fyrirlesara í skólann til okkar frá Copenhagen Insitute of Design eða eitthvað álíka. Hann er amk rosalega klár kall og veit all um hönnun á heimasíðum. Hann kenndi okkur alveg helling og sendi okkur svo til að gera verkefni. Verkefnið fólst í því að við fengum einn klukkutíma í að endurhanna einhverja heimasíðu á netinu. Hann var mjög ánægður með mig og Lárelvu sem vorum saman í hóp og sagði að við gætum jafnvel bara selt hugmyndina okkar! Við endurhönnuðum síðu einhvers skartgripafyrirtækis sem er staðsett í Hong Kong. Við ætlum bara að taka hann á orðinu og senda fyrirtækinu breytingarnar okkar og spyrja hvort þeir vilji gefa okkur peninga fyrir að taka vefinn þeirra í andlitslyftingu. Það væri ekki slæmt! En ég er svona mátulega bjartsýnn á að þeir samþykki það. Ég yrði meira að segja ánægður ef við fengjum svar við póstinum okkar hvað þá meira.
Maggi.

Valentine

Í gær var Valentínusardagurinn. Það sem meira er að Fjóla á afmæli þann dag (til hamingju aftur litla sys!) og í gær til að fagna þessum tilefnum bakaði ég köku. Tilraunastarfsemi mín í eldhúsinu heldur áfram og útkoman var ekki síðri en þegar ég tók mig til og bakaði bollur fyrir bolludaginn. Bökuð var ofur-súkkulaði kaka, og þrátt fyrir að hún hafi verið mjög bragðgóð þá gat ég bara borðað hálfa sneið og var þá kominn með sykur-overdose. Ef ekki hefði verið fyrir þrjár stúlkur sem hjálpuðu mér að spísa þessa ljúffengu köku þá hefði varla sést á henni. En það er samt hálf kakan eftir og mun eflaust taka dágóðan tíma að klára hana.

Ég er kominn með nýtt e-mail. Ég nota samt enn hin gömlu en er að spá í að skipta rólega yfir í þetta nýja. Það er nebbla soldið sniðugt, heitir G-mail. Það er svosem ekkert nýtt, byrjaði síðasta sumar ef ég man rétt, en ég var að prófa það í fyrsta sinn í vikunni og líkar vel við það. G-mailið mitt er svipað og gamla Hotmail addressan, maggisv@gmail.com. Endilega sendið mér Gmail! Það er mjög skemmtilegt að skiptast á lögum með því, því maður hefur 1 gígabæt í pláss og hvert viðhengi má vera allt að tíu megabæt. Gaman að fá tónlist í tölvupósti. :)

Er ekki kominn tími á að hressa aðeins uppá útlitið á þessari blessuðu síðu? Það held ég. Bíðið spennt.
Maggi.

On with the butter!!!

Þetta fann ég á einhverri heimasíðu:

# The raisin at the end of the hot-dog = Rúsínan í pylsuendanum.
# I measure one-pulled with it = Ég mæli eindregið með því.
# Now there won't do any mitten-takes = Nú duga engin vettlingatök.
# I come completely from mountains = Ég kem alveg af fjöllum.
# Thank you for the warm words into my garden = Þakka þér fyrir hlý orð í minn garð.
# Everything goes on the back-legs = Það gengur allt á afturfótunum.
# He's comepletely out driving = Hann er alveg úti að aka.
# She gave me under the leg = Hún gaf mér undir fótinn.
# He stood on the duck = Hann stóð á öndinni.
# I teach in breast of him = Ég kenni í brjósti um hann.
# On with the butter!!! = Áfram með smjörið!


Þessar þýðingar hér fyrir neðan hef ég heyrt frá fólki sem ég þekki. Það var mikið gert af þessu á síðustu Hróarskelduhátíð! Það var ótrúlega fyndið. Vildi að ég gæti munað meira af því.

# It costs shit and cinnamon. = Það kostar kúk og kanil.
# Are you from you?! = Ertu frá þér?!
# Want to bet? Shit and chains. = Viltu veðja? Kúkur og keðja.
# What time is it? Shit on your finger. = Hvað er klukkan? Skíttá puttann.
og þessi er endalaus snilld (takk Jóhann):

# What's in a corridor? = Hvað er í gangi?

Sá sem er fyrstur til að þýða þetta fær fría helgarferð útí sjoppu:

It lies in the eyes upstairs that it walks no road to have up throws and down walks in the firehouse!

Og endilega koma með fleiri þýðingar. :)
Maggi.

KúkafýluKoldingKrapp

Ekki er öll geðveikin eins. Ég hélt að það væri ansalegt þegar fólk í sama herbergi talaði saman á MSN en það er enn skrítnara þegar fólk í herbergi hlið við hlið talar saman á Skype! Já, ég er semsagt á Munkegade hjá klikkuðum kellingum sem heita sama nafninu, Lárelva. Ég sat heima í allan dag og starði á tölvuskjáinn minn og átti að vera að hanna heimasíður fyrir föstudaginn en það gekk rosalega illa. Það er eins og með að skrifa eða vera frumlegur á einhvern hátt, það er bara ekki hægt þröngva sér í þann fílíng. Ég færði mig því yfir á Mungegade til stelpnanna og ætlaði heldur betur að taka mig saman í andlitinu og búa mér til portfolio. En nei nei, fíbblagangurinn í þeim er ekki til þess að búa til mikið sköpunarandrúmsloft þótt hann sé mjög fínn í að koma sér uppúr fýluskapi. Það er líka kúkafýla yfir öllum bænum af einhverjum ástæðum, eins og einhver hafi tekið sig til og borið mykju á allar göturnar. Það er eins gott að andinn komi yfir mig á morgun því við eigum að skila fyrstu prototýpunum á föstudaginn.

Og smá update á fátæka-manninum-í-Danmörku. Það gengur mjög vel! Ég er ekki búinn að eyða krónu síðan ég komst að þessu. Hvorki danskri né íslenskri. Er að spá í að fara í fyrsta skipti í Aldi á morgun, sem er súpermarkaður ofurfátæka fólksins. Ég ímynda mér að það sé eins og sambland af Kolaportinu og Bónus, nema ódýrara og meira af pakki. Það verður spennandi innkaupaferð, markmiðið er að kaupa alveg fáránlega mikið en fara ekki yfir hundrað krónur danskar. Svo fer ég ekki aftur útí búð fyrr en eftir viku. Sjáum til hvernig þetta gengur! :D
Maggi.

Danish dentist does dangerous drilling

Ég fór til tannlæknis! Alveg eins lykt, annað tungumál. Ég talaði nú samt ensku við hann svo ég myndi nú örugglega ekki misskilja neitt sem hann sagði, en það var svosem lítil hætta á því því hann sagði mest lítið. Hann var rosalega snöggur að laga í mér tönnina, reyndar óþægilega snöggur því mér fannst eins og hann hefði getað vandað sig meira. En tönnin er í lagi. Ég gef henni fram að helgi áður en hún brotnar aftur. Vonandi brotnar hún samt það lítið að ég þurfi ekki að fara strax aftur til tannlæknis og eyða öllum peningunum mínum í það.

Þetta kostaði að vísu ekki mjög mikið, en ég var að komast að því að "allur peningurinn minn" er sorglega lítil upphæð. Eftir að ég er búinn að borga fasta liði (leigu, hita, rafmagn, vatn, internet, strætó) á ég fimmtán þúsund krónur eftir á mánuði fram á sumar. Það er þriðjungur af því sem ég átti eftir á mánuði fyrir jól. Ég þarf því heldur betur að herða sultarólina ef ég ætla ekki að steypa mér í enn frekari skuldir við bankann. Nema að ég reyni að redda mér vinnu í vefhönnun. Ég er einmitt byrjaður á portfolio-inu mínu sem er nauðsynlegt hverjum hönnuði. Ef þú þekkir einhvern sem langar að eignast heimasíðu fyrir lítinn pening þá er ég til. :) Þetta verður fróðlegt ár.
Maggi.

Bolla bolla bolla

Ég var mjög stoltur af sjálfum mér í dag. Ég fór að baka í tilefni bolludagsins sem er á morgun. Og útkoman var frábær! Eitthvað var ég búinn að heyra að það væri erfitt að baka vatnsdeigsbollur en frumraun mín í þeim efnum gekk ótrúlega vel. Bollurnar féllu ekki og voru feyki bragðgóðar! Núna þarf maður bara að redda sér einhverjum uppskriftum og halda áfram á þessari bökunarbraut úr því að maður er undrabarn í eldhúsinu. Gleðilegan bolludag.
Magnús.

Captain Half-Tooth

Það er naumast að lukkan eltir mann á röndum í tannamálum. Ég er búinn að vera að berjast við brotna framtönn í sex ár eða eitthvað, amk mjög lengi, og hún vann nýjasta bardagann með miklum yfirburðum. Hún tók uppá því að brotna meira en hún hefur nokkurntíman áður brotnað og fólk lítur undan þegar það sér mig svo það þurfi ekki að horfa á ósköpin. Málið er að brotið var alltaf svo lítið að fyllingin sem tannlæknirinn kom fyrir náði svo lítilli festu að hún brotnaði alltaf af strax aftur. En þetta var aldrei það rosalega greinilegt að mér var nokkuð sama. En núna er þetta sko sjáanlegt í tólf kílómetra fjarlægð (við gerðum próf á því í gær).

Það er því ekkert annað að gera en að heimsækja tannlækni og eyða öllum peningunum sem ég á ekki í það. Yndislegt alveg hreint. Maður getur svosem ekki kvartað. Ég er mjög ligeglad með þetta mál þótt það sé alltaf gaman að röfla aðeins á blogginu sínu. Á meðan maður er ekki að glíma við stærri vandamál en þetta þá má maður vera þakklátur. Það finnst mér vera hugsunarháttur sem allir ættu að tileinka sér. Sumir gera varla annað en að kvarta yfir því sem er að og eyða engum tíma í að vera ánægðir með það sem þeir hafa. Þetta hljómar kannski hallærislegt en þetta er samt svo mikilvægt. Always look on the bright side of life. Flauti flauti flaut.
Maggi.

We might live like never before

Don't stop writing she said. Don't stop. It hadn't occurred to him actually. He was writing all the time, even when he was not in front of his typewriter or had a pen in his hand. When he was walking on the beach or dining at his favorite hot dog stand he was writing about the salt in the air and the faint musk of women's perfume that he could have sworn came from the hot dog vendor.

But not all his thoughts eventually made it to that blank sheet of paper in his typewriter. As a matter of fact, most of them disappeared soon after they were born. It wasn't really that he was lacking ideas, he had too many. He had so many that he constantly thought that the next one would be better than the one before. Sometimes they were, sometimes they were not. But in this constant flow of ideas in his head the best ones got lost in the current without ever getting recognized.

Little did he know that the draft of the article he wrote two weeks ago and ended up in his trash can would have been published in a national magazine that spring if he hadn't felt that the 'spark' was gone after only an hour. But she believed in him. She always had and in spite of that they had had their differences over the years he knew that she would always be there for him. If she only knew...

[never] to be continued...

[kvik]myndir

Nú er ég búinn að setja inn fleiri myndir, í þetta sinn frá prófloka partýunum tveimur. Fyrst eru myndir frá partýinu hjá Gústa og svo Beach partýinu mikla þar sem allir mættu með sólgleraugu og í strandfatnaði. Smelltu hér til að sjá myndirnar!

Senn líður að Óskarsverðlaunum og auðvitað verður maður að vera vel inní þeim málum ef maður á að getað kallað sig áhugamann um kvikmyndir. Því er um að gera að ná sér í flestar myndirnar sem eru tilnefndar og horfa á fyrir kvöldið mikla. Hér geturu séð hvaða myndir eru tilnefndar. Þá vantar bara popp og kók! :)
Maggi.

Eins og amma hans Einars segir, skemmtilegu fólki leiðist aldrei!

Ég fór til Kaupmannahafnar á fimmtudaginn því Jóhann Már og Einar Þorgeirs gerðu sér ferð til Danmerkur til að hitta mig og Björk. Það má segja að hápunktur heimsóknarinnar hafi verið í gær þegar við fórum út að borða á Spiseloppen í Kristianiu. Það er alveg frábær veitingastaður, virkilega skemmtileg stemmning og alveg ótrúlega góður matur! Ég fékk mér rækjur í forrétt og önd í aðalrétt og ég hélt að ég myndi springa þegar ég var búinn að borða! Ég gat samt ekki hugsað mér að leifa neinu því þetta var svo gott en ég var síðastur að klára að borða bæði forréttinn og aðalrétinn! Það er eitthvað met því ég er alltaf búinn fyrstur. Eftir matinn röltum við svo um Kristianiu og það var mjög gaman, ég hef aldrei komið þangað áður og blótaði því mikið að vera ekki með myndavélina mína. Ég verð bara að kíkja þangað fljótlega aftur áður en þeir eyðileggja enn meira. Annars var bara djamm á okkur og mikið spjallað og bullað drukkinn bjór.
Maggi.

It's picture time!

Ég, Elva og Lára fórum í göngutúr í frostinu í gær og ég uppskar úr honum (ásamt fleiri átökum við kuldabola) þetta líka skemmtilega kvef. Eða kellingaveiki eins og Rebekka kallar það. En mér liggur við að segja að það hafi verið þess virði því það var snjór og vatnið við kastalann hér í Kolding var hálffrosið og kastalinn upplýstur sem skapaði skemmtilega stemmningu. Ég fór því á stúfana með þrífótinn sem ég fékk í jólagjöf, myndavélina mína og tvær aðstoðarkonur og smellti af nokkrum myndum. Sumar þeirra voru bara nokkuð vel heppnaðar og við eigum eflaust eftir að taka fleiri myndarúnta í framtíðinni. Bara vonandi þegar það er ekki svona kalt! Þið getið skoðað afraksturinn hérna.
Maggi.

Salsa/Keilu kóngur Kolding

Það er aldeilis. Fjórir dagar síðan við kláruðum prófin! Þeir liðu alveg fáránlega fljótt. Enda var rosalega gaman. Partý (þrjú réttara sagt), afmæli, bjór, heimsóknir, salsa, keila og almenn hamingja lýsa þessum dögum best. Það var mjög gaman í partýinu á föstudaginn þar sem var strandþema og allir mættu með sólgleraugu og sumir hverjir í mjög sumarlegum klæðnaði í janúarfrostinu. Ég keypti mér heilan ananas og skar innan úr honum og notaði sem glas undir vodka blandaðan í ávaxtadjús og vakti það mikla lukku. Hin partýin voru líka skemmtileg en kannski ekki í frásögur færandi. Vinir hennar Láru, þeir Einar og Jenni, voru í heimsókn hjá stelpunum alla helgina og skemmtu sér með okkur. Stórskemmtilegir strákar og alltaf gaman þegar fólk gerir sér ferð af klakanum til að kíkja á okkur baunabelgina.

Í gærkvöldi (lau) var svo haldið á Pit-Stop að venju, en það er uppáhalds skemmtistaðurinn okkar í Kolding. Ég hafði ekki hugmynd um það fyrirfram en það var Salsa-kvöld í gangi og það var sko ekki óhamingja með það hjá mér! Ég dansaði salsa allt kvöldið og skemmti mér konunglega. Fólkið sem var með mér var að fíla þetta mjög misjafnlega en maður á alltaf að gefa svona "nýjum" hlutum sjens, hlutum sem maður er ekki vanur. Mér fannst rosalega gaman að dansa við þetta amk, og fyrir utan eitt atvik þá gekk það bara mjög vel! :D

Í dag átti svo Kolla afmæli (til hamingju aftur Kolla!) og hún hélt smá afmælisboð þar sem var boðið uppá heitan rétt og köku. Kræsingarnar vöktu kannski einum of mikla lukku því fólk var farið að kvarta undan magaverkjum vegna ofáts milli þess sem það hélt áfram að gúffa í sig. Eftir það kíktum við uppí keiluhöllina hérna í Kolding og spiluðum pool í smástund áður en við tókum einn leik í keilu. Ég veit ekki hvað kom yfir mig en ég var alveg funheitur og jarðaði algjörlega gamla metið mitt! Ég skoraði 198 stig og efast um að ég geti nokkurntíman toppað það. Sex fellur og einhverjar feykjur og ég veit ekki hvað og hvað. Mjög skemmtilegt, og ég held að ég geti bara sleppt því að fara aftur í keilu. Það mun aldrei ganga svona vel aftur.

Á morgun er svo alvara lífsins, eða eins alvarlegt og það verður hérna í Baunalandi (sem er ekkert mjög mikill alvarleiki svosem). Skólinn byrjar aftur og það verður bara gaman. Við erum að fara í eitthvað Design dæmi í heila viku sem veitir ekkert af eins og prófin fóru hjá okkur. Svo verð ég nú að fara að henda inn myndum, hef ekki sett inn myndir síðan flugeldaverskmiðjan tók uppá því að springa. Það eru ár og öld síðan það var, og nóg til af myndum. Bið að heilsa öllum í landi íss og snjóa.
Maggi.

Nú er mér öllum próflokið

Prófin eru búin! Þetta tók nú fljótt af, þrjú próf á þremur dögum og gott að vera búinn. Seinni tvö prófin voru öðruvísi en það fyrsta. Það var erfiðara að undirbúa sig fyrir þau því efnið var ekki svo mikið. Próf númer tvö sem var á þriðjudaginn var í Interaction og þar vorum við spurð út úr kóðanum á síðunni okkar. Þessi próf snúast voða mikið um hvað maður nær að kjafta sig vel útúr þeim (enda heita þau munnleg próf) en ekkert endilega um hversu fær maður er í viðkomandi fagi. Ég fékk níu í þessu prófi og var bara þokkalega sáttur við það, en ég klúðraði einni spurningu í lokin eftir að hafa staðið mig mjög vel. Ég átti alveg að vita svarið en það bara datt útúr mér í smá stund á besta tíma eða þannig. Gústi sem kóðaði vefinn og er betri en ég í þessu fékk átta og stelpa sem er nýbyrjuð í þessu og hefur ekkert komið nálægt kóða áður fékk níu. Þannig að það má alveg deila um sanngirni þessa prófs.

Þriðja og síðasta prófið var svo í gær og var nokkuð furðulegt. Það var Design og við vorum tekin inn eitt í einu og spjölluðum við einn af Design kennurunum, en þess má geta að hann er félagslega þroskaheftur. Það er rosalega erfitt að tala við hann en hann má nú eiga það að það var aðeins auðveldara en vanalega í þessu prófi. Nema hvað. Hann gaf okkur ekki einkunn um leið og hver og einn var búinn í prófinu heldur beið hann með það þangað til við vorum öll búin og tók okkur svo inn öll í einu. Það var ekki svoleiðis í hinum prófunum og það var ekki svoleiðis í Design prófinu hjá öllum hópunum sem voru á undan okkur! Það er auðvitað fáránlegt að nota ekki sömu aðferð við að dæma alla en hann sagði að hann hefði ekki getað gert þetta öðruvísi því hann var í svo miklum vafa með okkur.

Hann var vægast sagt óánægður með vefinn, setti útá öll smáatriði sem hann fann og talaði ekki um neina kosti. Það er mjög erfitt að gera þessum manni til geðs og við vorum svo sniðug að hitta á alla veiku punktana hans, gerðum allt sem hann hatar að sjá á vefsíðum. Heildarútlitið á síðunni okkar var gott, og það segi ég eftir að hafa heyrt það frá öllum sem hafa séð hana. En honum fannst það ekki, eða honum fannst það amk ekki skipta máli. Hann gaf okkur sex sem er lægsta einkunn án þess að falla. Og hann leit út eins og hann langaði að fella okkur! Þannig að þetta dró niður meðaleinkunina mína sem stefndi í að vera ansi góð. En niðurstöðurnar liggja fyrir, Business & Communication = 10, Interaction = 9 og Design = 6. Núna er byrjuð fjögurra daga helgi og hún verður vel nýtt í að fagna próflokum. Á föstudaginn er partý hjá Láru og Elvu til að fagna próflokum og afmælinu hennar Kollu og það er strandþema í partýinu þannig að það mæta allir með sólgleraugu og íbúðin verður skreytt hátt og lágt! Það verður eflaust gaman. :D
Maggi.

1/3... so far so good!

Jæja, fyrsta alvöru prófið mitt í skólanum var í dag. Þetta var próf úr bæði Business og Communication og var þetta lang mikilvægasta prófið og erfiðasta. Núna alla síðustu viku eftir að ég kom heim var ég að reyna að læra fyrir þetta blessaða próf. Það gekk nú mest lítið fyrr en núna um helgina þegar þetta small allt saman og mér tókst að koma mér inní það sem mér þótti mikilvægt og bjóst við að ég gæti talað um. Þetta var nefnilega munnlegt próf og ekki nóg með það, heldur var þetta fyrsta alvöru munnlega prófið mitt (ef undanskilið er eitt dönskupróf í fjölbraut).

Fyrst hélt ég kynningu í fimm mínútur um verkefnið sem við skiluðum núna í desember og svo spurðu tveir kennarar mig út úr í tíu mínútur, svona spjall um módel sem við notuðum eða notuðum ekki og þá hvers vegna og um fyrirtækið Bang & Olufsen sjálft. Þetta gekk bara mjög vel fyrir utan að mér fannst ég stama svolítið á enskunni enda mikið að segja á litlum tíma og ekki alltaf gott að koma orðum nákvæmlega að því sem maður meinar á þessu business-tungumáli sem maður þarf að tala. Einkuninn var gefin strax og var sambland af skýrslunni sem við gerðum og munnlega prófinu og ég fékk einkunina tíu. Tía í danska kerfinu er ekki það sama og tía heima á Íslandi því hérna getur maður líka fengið ellefu sem er hæsta venjulega einkunn sem er gefin. Ég segi venjulega því það er svo líka hægt að fá þrettán, en sú einkunn er sjaldan eða aldrei gefin! Frekar skrítið kerfi en svona vill Daninn gera þetta. Tíu er semsagt ekki hæst en samt mjög fín einkunn þannig að ég er sáttur.

Þetta er semsagt meginástæða þess af hverju ég hef verið latur bloggari undanfarið, nóg annað að hugsa um. Núna eru tvö próf eftir, eitt í Interaction, sem snýst aðallega um kóðun á heimasíðum, og eitt í Design, sem augljóslega snýst um hönnun. Þessi próf eru á morgun og miðvikudaginn og eru eins upp sett og prófið í dag, semsagt kortérs munnleg próf. En þau eru miklu mun léttari því efnið sem við höfum farið í í þessum fögum er mun minna auk þess sem ég var með fínan grunn í kóðun áður en ég byrjaði í þessum skóla og er varla farinn að læra eitthvað nýtt ennþá í því fagi. Þannig að erfiðasti hlutinn er búinn og núna er bara að mæta í hin prófin og standa sig í þeim.

Já það er aldeilis mismunandi hvað fólk kýs að taka með sér á eyðieyju enda mennirnir misjafnir eins og þeir eru margir. Ég hef aldrei skilið tilganginn með þessari spurningu, finnst þetta ekki veita neitt sálfræðilegt innsæi en kannski er það bara ég. Ég spurði nú bara af því að ég komst inní nýjan þátt þegar ég var heima á Íslandi sem heitir Lost og fjallar um fólk sem lendir í flugslysi og fimmtíu manns bjargast en týnast á eyðieyju. Að sjálfsögðu er þessi þáttur bara í Bandaríkjunum en ég sótti hann á netinu og hef haldið því áfram hér í DK. Mæli með honum fyrir þá sem eru með ágæta nettengingu. Nú eru komnir þrettán þættir og ágætis plott búið að myndast. Vonandi hafa það allir gott heima. Kveðja,
Magnús.

Hnetusmjör

Hvað myndir þú taka með þér er ef þú værir fastur/föst á eyðieyju?

Maggi.

Kominn heim - Óveður og flóðbylgjur

Það er gott að vera kominn til Kolding. Dagarnir hafa farið í að reyna að læra fyrir prófin sem eru í næstu viku en það gengur frekar illa því ég hef aldrei farið í munnleg próf áður og veit í raun ekkert við hverju ég á að búast. Ég held að það sama gildi um flesta ef ekki alla sem eru að fara í þessi próf. Vonandi fáum við betri upplýsingar um þetta allt saman áður en prófin bresta á.

Um allt hverfið okkar eru hrúgur af brotnum þakhellum sem hefur verið sópað saman eftir óveðrið sem var síðustu helgi. Það fuku þakehellur af öllum húsunum hér í kring. Frekar merkilegt að þetta sé ekki fest betur niður því þessar hellur eru stórhættulegar þegar þær lenda á jörðinni. Það dóu nokkrir í þessu óveðri hérna í Danmörku og ég held að það hafi oftast verið útaf þakhellum sem fuku og lentu á fólki.

Ég hef verið að skoða fréttir af Koh Phi Phi, eyjaklasanum við Taíland sem ég og Biggi heimsóttum í heimsreisunni okkar í vor. Það var eins og ég hélt, hún fór mjög illa útúr flóðbylgjunni fyrir tveimur vikum og fleiri hundruð manns dóu. 691 dáinn og tæplega þúsund annara saknað eru nýjustu tölur sem ég hef séð. Maður veit ekki hvort þetta fólk sem er saknað er fólk sem gæti komið í ljós að er farið frá eyjunni án þess að láta vita af sér, en líklegast er meirihluti þeirra fólk sem skolaði á haf út og eru dáin og finnast aldrei. Þetta er rosalega mikið mannfall miðað við hvað eyjan er fámenn og um helmingur af þessu fólki voru ferðamenn. Mikið af rusli er um alla eyjuna sem hótelin eru á og það á eftir að taka marga mánuði að hreinsa það allt upp og enn lengri tíma að byggja upp ferðaþjónustuna. Það má segja að við Biggi höfum verið á síðasta sjens að heimsækja þessa paradís. Það er amk langt þangað til að það verði gaman að heimsækja þessar eyjur aftur. [Smelltu hér til að sjá myndirnar sem við tókum á Koh Phi Phi.]
Maggi.

Heim eða að heiman?

Það fer allt eftir því hverig maður á það, allt er afstætt. Er ég að fara heim 10. janúar? Eða er ég að fara að heiman þann dag? Eða kannski bæði? Ætli það skipti ekki bara máli hvernig ég lít á það. Þegar ég kem aftur til Íslands næsta sumar gæti alveg verið að fjölskyldan mín væri flutt í nýtt hús og ég yrði að gista í gestaherberginu! Þá væri nú slæmt að vera gestur á eigin heimili. Ég held því að ég verði að segja að ég sé að fara heim tíunda janúar. Heim til Danmerkur. Heim til Kolding. Heim á Knud-Hansensvej. Home is where the heart is, sagði einhver. Og ég hlakka til að koma heim. Það er gott að búa í Danmörku.

Gleðilegt ár! Til allra ykkar sem ég er ekki búinn að hitta eða heyra í á nýja árinu. 2005. Tvöþúsundogfimm. Tveir núll núll fimm. Ætli það verði gefin út mynd með James Bond árið 2007? Þeir geta varla sleppt því frábæra tækifæri. Tveir núll núll sjö. Kannski verða tveir núll núll sjö í þeirri mynd í staðinn fyrir einn. Gæti fjallað um að Bond, James Bond, væri klónaður og Bond er bæði góði og vondi kallinn! Og maður vissi ekki hvor væri hvað. Myndin gæti heitið 2-007 og væri frumsýnd um allan heim tuttugasta júlí (20.07) klukkan 20.07. Ég myndi fara á þá mynd. Spurning hvort maður fari ekki bara að skrifa handritið!
Maggi.

Gleðilega rest!

Þá er maður kominn til Akureyris þar sem fólk segir gleðilega rest, eins skrítið og það kann að hljóma. Ég er orðinn vanur því að vera á Íslandi og tilhugsunin um að fara aftur til Danmerkur er svolítið skrítin, en samt góð. Það verður gaman að fara aftur út þótt næsta hrina verði í lengra lagi. Ég býst ekki við því að koma heim um páskana og því verð ég í tæpa sex mánuði í Danmörku, frá 10. janúar til 4. júlí. Vonandi verður jafn gaman og það var í haust.

En já, ég ákvað að skella mér til Akureyrar (ég veit að það er vitlaust að segja Akureyris en það er bara skemmtilegara) til að heimsækja pabba og fjölskyldu ásamt Fjólu systur og Davíð kærastanum hennar. Við förum aftur heima á morgun og eyðum áramótunum fyrir sunnan. Það á enn eftir að koma almennilega í ljós hvað gerist á gamlárskvöld en sama hvað það verður þá mun verða gaman eins og alltaf, það er ég viss um. Á annan í jólum fór ég á Litlu-jól með strákunum og svo á ball með Sálinni í Stapa og það var rosaleg stemmning og margt um manninn eins og alltaf. Gaman að hitta allt fólkið sem maður hafði ekki hitt í töluvert lengri tíma en oftast.

Ég kveð ykkur að sinni, vonandi eigið þið gleðilega rest. :)
Kær kveðja að norðan,
Magnús Sveinn.

Jólastúss og almennt annríki

Það er ekkert smá mikið búið að vera að gera hjá mér síðan ég kom heim. Núna er ég búinn að vera heima í akkúrat viku þegar þetta er skrifað og viljiði vita hvað ég er búnn að gera? Hmmm... látum okkur sjá. Ég er búinn að fara á eina tónleika, í tvö partý, á keflvískan skemmtistað, á keflvískt ball, tvo daga og tvö kvöld í sumarbústað, búa til nýja heimasíðu fyrir ættina mína, kaupa sex jólagjafir, fara á litlu jól, hitta gamla aðalinn minn og síðast en ekki síst fara í skötuveislu! Kannski er ég að gleyma einhverju. En ég hafði amk ekki tíma til að blogga.

Bæði tónleikarnir sem ég fór á síðasta fimmtudag og ballið síðasta laugardag voru með Hjálmum sem eru orðnir ein af mínum uppáhalds hljómsveitum. Er einmitt að hlusta á diskinn þeirra núna. Eintóm snilld. Og tónleikarnir, þar sem Hjálmar spiluðu með KK, voru alveg frábærir! Þeir tóku lög eftir KK í reggí stílnum sínum og lögin af disknum sínum, auk þess sem KK spilaði lög eftir sig og nokkur cover-lög líka. JólaTaðurinn var svo haldinn með miklum glæsibrag í sumarbústað ömmu og afa í Þrastarskógi á sunnudaginn og fram á þriðjudag. Alltaf gaman að skella sér í bústað og vonandi að JólaTaðurinn sé hefð sem nái að halda sér.

Það er nóg af hefðum og Litlu-Jól verkfræðinnar eru ein af þeim. Að vísu hafa næstum allir sem þau stunda hætt í verkfræði en Litlu-Jólin eru haldin árlega engu að síður. Þau voru í gær og það var mjög gaman. Í gær hitti ég líka útskriftarhópinn minn gamla sem fór til Ríó í byrjun árs 2002. Ég mætti seint og það var því heldur stutt í annan endann en samt gaman að sjá þetta frábæra fólk aftur.

Núna er allt stúss búið fyrir utan tvær gjafir sem ég ætla að kaupa á eftir og svo mega jólin koma. Á jólunum erum við oftast annað hvort hér heima eða hjá ömmu og afa en þetta árið verður mamma á Akranesi og allt með öðru sniði en vanalega. Ég og Fjóla verðum hjá Höllu systur og þangað kemur pabbi og fjölskylda að norðan og Jóda stjúpsystir líka með son sinn. Við verðum tíu manns við jólaborðið og þar af tveir litlir snáðar og jólagleðin verður því eflaust mikil þar á bæ. Ég man hvað það gat verið erfitt að bíða eftir því að fá að opna pakkana. En talandi um pakka, það er víst best að fara að pakka inn gjöfunum og klára að kaupa þær síðustu. Ég óska ykkur öllum gleðilegra jóla.
Magnús Sveinn.

Heim

"Ééééeg hlakka svo til! Ég hlakka alltaf svo tiíiil!!"

Það eru að koma jól. Og ég skal snart til Íslands aftur. Sjáiði hvað ég er orðinn danskur! Ég er meira að segja farinn að sletta dönskunni upp um alla veggi. Á fimmtudaginn verð ég hinsvegar kominn aftur á Frónið og þá geta Íslendingar loksins komist í jólaskapið. Týndi sonurinn kominn heim. Að minnsta kosti í bili. Tíunda janúar fer ég aftur til Danaveldis og tek næstu önnina í þessum skóla í nefið.

Það stefnir allt í þrusugóða jólahátíð þetta árið. Ótrúlega mikið planað eitthvað, ég hef varla tíma til að anda. En hver þarf að anda þegar það eru jól! Þetta verður hrikalega gaman og ég hlakka til að sjá ykkur öllsömul aftur þið sem eruð heima.

Verkefnið er að klárast hægt og bítandi. Það er lengi hægt að finna eitthvað að bæði skýrslunni og síðunni sem þarf að snurfusa og laga til þannig að allt sé fullkomið þegar við skilum inn. Vonandi verður allt tilbúið á morgun (miðvikudag) því Lára og Elva eiga flug í hádeginu á fimmtudaginn og þótt ég sé með opinn miða þá langar mig að fljúga á fimmtudagskvöldið. Eyða jafnvel deginum á Strikinu og kaupa kerti og spil handa fjölskyldumeðlimum. Ég biðst afsökunar fyrirfram ef það verða bara tuttugu og sex spil í sumum spilastokkunum, ég er nefnilega í alvörunni fátækur námsmaður þetta árið, alveg í bullandi mínus. Það kemur ekki í veg fyrir að hátíðin renni í garð klukkan sex á aðfangadag, og þá fer ég í kirkju. Einu sinni á ári fer ég í kirkju og það er á aðfangadag með ömmu og afa. Það gerist ekki jólalegra. En verkefnið klárar sig ekki sjálft. Sjáumst fljótlega,
Magnús (Jóla)Sveinn.

Ríó

Undanfarna daga hefur verkefnavinna tekið nær allan minn tíma og þess á milli hef ég bara ekki nennt að blogga um verkefnið því það er það eina í mínu lífi þessa dagana! Það gengur fínt og vonandi næst að klára það tveim dögum fyrir síðasta skiladag svo ég komist heim og missi ekki af einu helginni sem ég gæti átt heima fyrir jól.

Á morgun (fimmtudag) er einskonar kveðjupartý fyrir nemendur NoMA því allir fara til síns heima yfir jólin hvort sem það er á Íslandi, í Finnlandi, Færeyjum eða Svíþjóð. Það verður gott að geta tekið hugann aðeins af verkefninu og stefnir allt í gott partý.

Ég hef (augljóslega) ekki enn nennt að setja inn myndir frá helginni þegar við fórum til Köben en það hlýtur að gerast einn daginn. Sjaldgæft að mig grípi svona mikil bloggleti. En það er ekki leti hjá Hlyni og Jóhönnu því þau eru á flakkinu í S-Ameríku! Og Hlynur er farinn að blogga hérna! Kíkið endilega á hann. Það rifjar upp margar minningar frá Ríó að lesa þetta. Það er stórskemmtileg borg, ég á eflaust eftir að heimsækja hana aftur ef ég fæ einhverju um það ráðið. Kveðja,
Maggi.

HJÁLPIÐ MAGNÚSI!

Það er aldeilis að bloggletin hefur tekið völdin hérna. En nóg hefur verið að gerast. Ég fór til Kaupmannahafnar síðustu helgi í fríðu föruneyti. "Hópurinn", sem sagt ég, Gústi, Elva, Lára og Rebekka, ákváðum að fara öll á fimmtudeginum því það væri ómögulegt að vera bara eina nótt, og lestirnar eru líka ódýrari á fimmtudögum en föstudögum. Við gistum í gömlu íbúðinni hennar Elvu þar sem Inga vinkona hennar býr núna, og það voru góðar móttökur á þeim bænum. Á föstudeginum fór ég svo á tónleika með Interpol með nokkrum strákum hér úr skólanum en krakkrnir áttu ekki miða (það var löngu uppselt). Tónleikarnir voru frábærir (að sjálfsögðu) þótt það næðist ekki sama stemmning og næst alltaf heima á Íslandi á tónleikum. En Interpol voru virkilega góðir og gaman að fá að sjá þessa snilldar hljómsveit spila aftur, en ég sá þá einmitt á Hróarskeldu '03 þegar þeir voru rétt að byrja að meika það.

Eftir tónleikana var svo djammað niðrí bæ langt framundir morgun og voru sumir orðnir ansi skrautlegir, nefni engin nöfn. Á laugardeginum ætluðum við svo að fara heim en það var svo gaman hjá okkur að ég, Lára og Elva ákváðum að vera eina nótt í viðbót en Gústi og Rebekka fóru heim. Við hittum aftur eitthvað af strákunum sem við höfðum hitt kvöldið áður og kíktum á tónleika með íslenskri pönkhljómsveit sem syngur á dönsku. Þessir tónleikar voru í Öresunds-kollegí þar sem ég held að hlutfallið sé 600 Íslendingar af 2000 manns í heildina sem búa þar. Það er bara ekki þverfótað fyrir þessum Íslendingum útum allt.

Á sunnudeginum kíktum við svo niður í bæ og sáum stóra jólatréið á torginu í fullum skrúða þegar búið var að kveikja á því (rétt misstum af því þegar kveikt var) og sáum milljón manns á Strikinu, enginn smá mannfjöldi um allan bæ. En við vorum þreytt eftir helgina og drifum okkur heim. Vikan er svo búin að fara í eintóma verkefnavinnu því við höfum bara tvær og hálfa viku til að klára þetta verkefni og við viljum sko gera það almennilega.

Það er einmitt meiningin með fyrirsögninni. Ef þú smellir á hana þá ferðu beint á könnun sem við settum á netið og hún snýst um Bang & Olufsen sem verkefnið okkar fjallar einmitt um. Endilega takið þátt í könnuninni fyrir mig og ef þið eruð hjálpsamar manneskjur þá megiði láta sem flesta vita af henni! Það væri ótrúlega vel þegið, sendið póst á alla sem þið þekkið eða gangið með skilti niðrí bæ eða eitthvað. Það myndi hjálpa okkur alveg helling. :) Ég læt svo inn myndir af helginni hingað á síðuna á morgun. Þarf að leggja mig núna. Góða nótt,
Magnús Sveinn.

*uppfærsla* könnunin er búinn og linkurinn því farinn. :)

Köben, here I come!

Þá er ferðinni heitið til höfuðborgarinnar aftur, í þetta sinn til að fara á tónleika með Interpol!!! Jeah baby! Það verður geggjað! Interpol!! Krakkarnir ("hópurinn") voru búnir að tala eitthvað um að fara líka þessa helgi og ákváðu það áðan, þannig að við förum á morgun og komum heim á laugardaginn! Það er töluvert ódýrara að taka lestina á þessum dögum heldur en á föstudögum og sunnudögum og það er skemmtilegra að gista tvær nætur í Köben fyrst maður er að fara á annað borð. Þannig að þetta er fínasta lausn.

Lítið að frétta af mér annars. Allt gengur sinn vanagang. Mikið rætt um jóla- og áramótaplön og óvíst hvernig það endar hjá minni fjölskyldu. Ég er farinn að halda að ég endi bara á Básnum og fái mér hamborgaratilboð á aðfangadaskvöld. Gæti verið verra. En ég hlakka samt mikið til að koma heim.
Magnús.

Þegar góða gesti ber að garði...

...þá er skylda að halda partý! Ég ætla semsagt að kíkja á mannfögnuð í kvöld vegna komu kærasta Birnu og tvíburasystur og bestu vinkonu Kollu. Eflaust mikið stuð á mannskapnum enda alltaf gaman að hitta fólkið sitt eftir einhverja fjarveru. Annars er minna en mánuður þar til ég kem heim! Vúppí! Það verður hrikalega skemmtilegt, og ég hlakka extra mikið til jólanna þetta árið. Farið öll varlega heima á skerinu! Lítill fugl hvíslaði að mér að það væri búið að snjóa ofurlítið hjá ykkur. Kveðja úr góða veðrinu,
Magnús.

It's true

You can be whatever you can imagine.

You can do whatever you can imagine.

You can have whatever you can imagine.

You just have to believe it,
and that's the tricky part.

God

D & D

Hjálmar eru einkar skemmtileg og hressandi hljómsveit. Mæli með plötunni þeirra sem heitir 'Hljóðlega af stað'. Íslenskt reggí! Hverjum hefði dottið í huga það gæti verið skemmtilegt? Jú, liðsmönnum Hjálma greinilega.

Ég er eitthvað latur þessa dagana. Fór að vísu á Knuds Garage í gær sem er vinsælasti pöbbinn í Kolding hjá nemendum NoMA. Ég fór þó ekki til að sötra bjór heldur til að taka þátt í Pub-Quiz sem er spurningakeppni sem er haldin þar á hverju þriðjudagskvöldi. Það er virkilega skemmtilegt og virkar þannig að fólk hópar sér saman í lið og svo eru lesnar upp 32 spurningar sem og liðin skrifa niður svörin sín á blað. Stjórnandinn er stórskemmtilegur Íri og maður getur bókað það að ef Írland er valmöguleiki við einhverri af spurningunum þá er það rétta svarið. Ég, Birna og Kolla vorum saman í liði eins og síðast þegar við mættum á Pub-Quiz en það gekk nú ekki alveg jafn vel og síðast. Þá lentum við í öðru sæti og flengdum strákana á öðru ári sem við vorum að keppast við, en þeir fengu skammarverðlaunin það kvöldið. Það var hinsvegar komið að okkur að hljóta skammarverðlaunin í gærkvöldi, en við lentum í neðsta sæti ásamt einu öðru liði. Sem betur fer voru strákarnir ekki mættir í gær enda hefði okkur eflaust verið nuddað uppúr tapinu ansi lengi.
Maggi.

Mánudagur til mæðu

Æðislega gaman að mæta örþreyttur í skólann á mánudagsmorgni og frétta þá að kennarinn er veikur og maður hefði getað sofið tveimur tímum lengur. Eða bíddu... NEI! Það er sko allt annað en skemmtilegt! Og nákvæmlega það sama gerðist síðasta föstudag nema þá var það annar kennari. Þeir eru eitthvað heilsulitlir greyin þessa dagana. Og ég var að lesa á mbl.is að aumingja grunnskóla-kennararnir heima á Íslandi væru voðalega slappir líka eitthvað og geta ekki mætt til vinnu. Eflaust komnir með legusár eftir þetta langa verkfall. Annars skil ég þá svosem alveg. En þetta er ömurlegt ástand fyrir alla sem koma að málinu. Vonandi finnst lausn á þessum leiðindum fljótlega.

En þrátt fyrir slappan mánudag þá var helgin mjög skemmtileg. Víí. Og á morgun er föstudagur því eins og allir vita eru bara tveir virkir dagar í Danmörku á móti tveimur helgardögum.
Maggi.

Sjaldan fellur óbarinn biskup langt frá eikinni

Stundum sest maður niður og hugsar, jæja, nú er best að blogga smá. Kannski hefur maður ekki hugmynd um hvað maður ætlar að fara að skrifa um, en þá er bezt að skrifa bara það fyrsta sem manni dettur í hug! Þá endar maður stundum með svona bull í færslunni sinni eins og núna.

Það er að koma helgi, og sem endranær þá er nóg um að ske í Kolding. Mamma og systir Rebekku eru að koma í heimsókn í dag og verða yfir helgina, Hekla ætlar að halda uppá afmælið sitt í kvöld og svo er Íslendingafélagið hér í Kolding að fara að hittast á einhverum bar hérna í bænum. Það væri eflaust skemmtilegt að kíkja á þann mannfögnuð og hitta enn fleiri Íslendinga sem eru búsettir hérna nálægt.

Ég er búinn að vera að leika mér í Flash í gær og í dag og er áhugi minn á þessu frábæra forriti að lifna við eftir einum of langan dvala. Ég setti að sjálfsögðu afraksturinn á netið svo þið getið skoðað herlegheitin ef ykkur langar til. Ég gerði eina stuttmynd sem er að finna hérna og eina aðra litla sem þú getur skoðað hér. Ég set örugglega meira svona sniðugt á netið fljótlega ef ég verð duglegur í Flashinu. Njótið helgarinnar! Hún kemur nefnilega bara einu sinni í viku. Kveðja frá Kolding,
Magnús Sveinn.

Próf og myndir

Við tókum smá könnun í skólanum í gær, bara til að sjá hvar við stöndum og svona. Mér gekk bara vel og vonaðist til að hafa náð öllum spurningunum rétt. Þetta voru bara 24 krossaspurningar úr öllum fögunum, eða sex úr hverju fagi. Við fengum svo útkomuna í dag og ég var með eina villu. Get varla verið ósáttur með það.

Ég setti loksins inn myndirnar úr afmælisveislunni í Randers síðasta föstudag þar sem Rebekka og Caroline héldu uppá tvítugsafmælin sín. Alltaf gaman að skoða myndir þannig að ég setti bara inn næstum allar myndirnar sem voru teknar. Endilega kíkið á þær hérna.
Maggi.

Föngulegur hópur

Ammmmmmmmæli

Það var virkilega skemmtilegt á föstudaginn í afmælisveislunni hjá Rebekku og Caroline. Hún var haldin í stórum flottum sal og var mjög mikið af fólki, tæplega hundrað manns. Við fengum rosalega gott að borða og svo var bara setið og spjallað og drukkið fram eftir kvöldi. Það kom samt einhver kona og kenndi okkur kúrekadans og maður var nú alls ekki svo ryðgaður síðan við lærðum þetta í danstímum í FS. :) Svo kíktum við nokkur saman niður í bæ og fórum á Crazy Daisy í Randers, sem er miklu mun betri staður en Crazy Daisy hérna í Kolding. Hef ekki prófað staðinn í Köben. :) Þetta er semsagt skemmtistaða keðja hér um alla Danmörk. Eftir það fórum við svo uppí sveit og sváfum þar og fórum í smá göngutúr og fengum okkur að borða áður en við tókum lestina aftur til Kolding. Ég set inn myndir fljótlega af ferðinni.

Í gærkvöldi kíktum við svo í heimsókn til vina okkar og fórum niður í bæ eftir það og það var mjööög fróðlegt og skemmtilegt kvöld. Margar frábærar sögur til af því kvöldi og tekur því ekki að byrja á að segja frá því öllu. Ég sleppi því bara alveg.

Við vorum að horfa á fyrsta þáttinn í nýrri seríu af 'The O.C.' og hann var bara mjög fínn! Gúffuðum líka í okkur kalkún og kartöflum með svaka sósu og við borðuðum öll svo mikið að við gátum ekki fengið okkur eftirréttinn sem varð eftir síðast (borðuðum líka of mikið þá). Við erum miklir sælkerar en líka mikil svín.

Kannski ágætt að minnast á það að þegar ég segi 'við' í færslunum þá á ég oftar en ekki við hópinn okkar úr skólanum því við erum mjög mikið saman þessa dagana. Það er semsagt ekki bara við sem leigjum saman heldur ég, Lára, Elva, Gústi og Rebekka sem erum eins og fimmburar. Enda fólk komið með vænan skammt af einkennum hinna í hópnum. :) Vonum að við endum ekki á því að verða öll sama manneskjan.
Maggi.

Sprengidagur í nóvember?

Enn brennur í flugeldaverksmiðjunni og þessir gámar sem eru eftir virðast aldrei ætla að springa. Það síðasta sem ég heyrði var að þeir voru að hugsa um að senda skriðdreka á svæðið til að sprengja þá upp. Ekki veit ég meir um það, en það verður gott þegar þetta verður búið.

Á léttari nótunum, við erum að fara í afmælisveislu í kvöld til Randers. Rebekka og vinkona hennar Caroline ætla að halda saman uppá tvítugsafmælið sitt og stefnir allt í svaka veislu. Við erum þrettán krakkar héðan úr Kolding sem förum núna rétt á eftir með lest til Randers og í veisluna og svo gistum við öll þar í nótt. Það verður gaman að segja frá veislunni og sýna myndir. Stay tuned! Kveðja frá Kolding,
Magnús.

Af mbl.is

18 hours later

Það er eitt umræðuefni í Kolding í dag. Enda er það skiljanlegt þegar flueldaverksmiðja í íbúðahverfi í bænum ákveður að springa í loft upp. Það er enn verið að reyna að slökkva eldana og vonandi tekst það í dag. Þeir eru samt viðbúnir því að tveir aðrir risa gámar springi, og það gæti alveg eins gerst núna á hverri stundu.

Fjölmiðlar hér í Danmörku fjalla auðvitað um málið í öllum fréttatímum og á forsíðum blaðanna, og heima á Íslandi er víst farið að fjalla eitthvað um þetta líka þrátt fyrir að ótrúlega mikið sé í fréttunum þessa dagana. Mbl.is er með grein núna á forsíðunni hjá sér og er sú grein hérna. Sjónvarpsstöðvarnar hafa verið að sýna fullt af myndum af flugeldunum og eitthvað af klippum sem náðust af stóru sprengingunni. En á heimasíðunni hans Óla sem er á öðru ári í NoMA er vídjó af stóru sprengingunni sem hann náði útum eldhúsglunnann hjá sér og það er lang flottasta vídjó sem ég hef séð af stóru sprengingunni! Miklu flottara en það sem allar sjónvarpsstöðvarnar eru að sýna! Kíkið endilega á það. Heimasíðan hans er www.nakke.com og vídjóið er hérna.

Skrifa meira seinnna! það er verið að fara að rýma allt og sprengja gámana!!! AAAARRRGGH!!!! í alvöru! fokk.... bless í bili!.
MSJ

*** bætt við hálftíma seinna ***


False alarm...

Það var ekkert sprengt núna áðan. Við fengum samt hringingu frá Heklu sem var uppí skóla og þar voru allir reknir út því það átti að sprengja tvo gáma sem enn standa þarna nálægt eldinum. Við hlupum út til þess að sjá sprenginguna og taka myndir en um leið og við komum á staðinn fengum við aðra hringingu um að það hefði verði hætt við að sprengja, eða amk í bili. Þannig að við lékum okkur bara og tókum upp vídjó af hermönnunum og okkur sjálfum og ég náði þessari skemmtilegu mynd af tveimur hermönnum. Algjör tilviljun en fullkomin uppsetning! :D Vonandi fáum við fregnir af því þegar verður sprengt í dag þannig að við getum tekið myndir. En ég minni aftur á vídjóið hans Óla. Það er á QuickTime formati (.mov) þannig að þið þurfið slíkan spilara til að spila það. Alveg magnað. Ég læt vita þegar eitthvað fleira djúsí gerist. Kveðja,
Magnús.

Ótrúleg sjón!

Neyðarástand í Kolding!

Það eru nú aldeilis tíðindi frá Kolding á þessum miðvikudegi! Klukkan tvö í dag kveiknaði í flugeldaverksmiðju sem er hérna í Kolding, u.þ.b. 2 km. frá heimili okkar. Við létum nú vera að fara nær til að skoða en heyrðum læti þegar við fórum út. Klukkan kortér í sex þegar við vorum að horfa á sjónvarpið heyrðum við líka þessa rosalegu sprengingu. Við héldum að allar rúðurnar í blokkinni myndu springa! Við urðum auðvitað skelfingu lostin, hlupum út til að reyna að sjá eitthvað og um leið og við komum út heyrðum við aðra rosalega sprengingu! Við sáum hana nú samt ekki því blokkin skyggði á útsýnið. Ég, Rebekka og Elva tókum myndavélarnar okkar og fórum hjólatúr til þess að athuga gang mála. Við enduðum uppá hæð þar sem var ágætt útsýni og stóðum þar og göptum útaf þessari mögnuðu sjón. Verksmiðjan var þá búin að vera í ljósum logum í rúma fjóra klukkutíma og ennþá skutust flugeldar í allar áttir!

Slökkvuliðið ræður enn ekki við neitt og má alveg búast því að þetta verði löng barátta. Það er auðvitað rosalega erfitt að komast að þessu því það er svo mikið af sprengiefnum í geymslu þarna. Einn slökkvuliðsmaður er látinn og fréttir segja að sex til fimmtán aðrir séu slasaðir. Það logar núna í 15-20 húsum í kringum verksmiðjuna þegar þetta er skrifað. Vonandi ná þeir að bjarga restinni af hverfinu. Það er ágætis veður, lítill vindur, þannig að það ætti ekki að dreifast vegna hans í það minnsta. En þegar flugeldarnir skjótast í allar áttir er auðvitað erfitt að bjarga nálægum húsum.

Hérna erum komnar inn þær myndir sem ég náði af flugeldaverksmiðjunni. Ég er líka búinn að setja inn vídjó (á íslenskum server):
Vídjó 1: Tekið frá blokkinni þar sem við búum (2.4 MB).
Vídjó 2: Kominn nær og tala um hvað gerðist (4.7 MB).
Vídjó 3: Annað sjónarhorn (1.4 MB)
Vídjó 4: Sama sjónarhorn, nærmynd (2.8 MB)

Kveðja frá Kolding í uppnámi,
Magnús.

We're all living in America, America is wunderbar.

Það þarf svosem ekki þýska þungarokkhljómsveit til að segja okkur það, en við búum öll í Bandaríkjunum. Hvort þau séu wunderbar eða ekki má svosem deila um. En í raun ættum við öll að fá að kjósa í forsetakosningum þegar þær eru haldnar þar vegna þeirra gífurlegu áhrifa sem úrslitin munu á alla heimsbyggðina. Ef við fengjum öll að kjósa þyrfti ekki að spyrja að því hver hefði unnið kosningarnar sem voru haldnar í gær. John nokkur Kerry.

En, vegna fáfræði um stöðu mála og gífurlegs hræðsluáróðurs Bush stjórnarinnar í Bandaríkjunum kusu fleiri George Bush en John Kerry. Næstu fjögur árin hafa Bush og félagar frjálsar hendur til að herja stríð í þeim löndum sem þeim sýnist og reyna að mestum mætti að vinna heimsyfirráð. Spurning hvort þetta kjörtímabil nýtist þeim til að byrja á stærsta áfanganum í þeirri herferð, 'Liberation of China'. Eins og þeir hafa sagt væri Kína mun betur sett ef Bandaríkin réðu yfir þessu fjölmennasta landi í heimi.

Hvort sem þessi áætlun þeirra sé raunveruleg eða ekki (ég ef góða trú á því í ljósi augljósrar geðveilu þessarar stjórnar) þá neita ég að trúa öðru en að öll ríki heims sem Bandaríkin hafa fengið upp á móti sér með sínum aðgerðum muni gera það sem í þeirra valdi stendur til að minnka völd þessa ótrúlega valdamikla lands. Því fyrr því betra. Vonum bara að þriðja heimsstyrjöldin brjótist ekki út í leiðinni.

En við Íslendingar tökum ekki afstöðu á móti Bandaríkjunum. Við stöndum þétt að baki stóra bróður og biðjum hann um að passa okkur. Og fyrst stóri bróðir er ekkert annað en ofvirkt barn að leika sér með hlaðna byssu, erum við þá ekki eins og kornabarn sem lítur upp til stóra bróður? Okkur væri nær að vera sá fullorðni sem hefur vit fyrir barninu. En nóg af myndlíkingum. Ég vildi bara lýsa yfir vonbrigðum mínum með úrslit næturinnar. Vonandi hafa þau ekki jafn slæm áhrif og margir óttast.
Magnús.

Leaf

Vegna fjölda áskorana...

...hef ég skipt aftur um bakgrunn. Skil ekki þessa fóbíu í fólki með ljóta bakgrunna. Stundum verður maður bara leiður á öllum formlegheitum og þarf eitthvað sem er ljótt og sker í augun svo maður kunni betur að meta seinna það sem fallegt er. Ef allt væri fallegt væri ekkert fallegt í raun. Eða hvað?

Ég er byrjaður á nýrri smásögu. Það er komin í gang smásagnakeppni á rithringnum og maður getur valið að skrifa eina málsgrein dag í sögunni. Þannig geta allir fylgst með framgangi sögunnar í heilan mánuð. Þetta þykir mér skemmtilegt og eru komnar nokkrar skemmtilegar sögur í gang. Sögurnar eiga að vera grínsögur. Ef þið viljið skrifa (eða bara lesa) þá mæli ég með því að þið kíkið í heimsókn á rithringinn.

Við erum komin af stað með nýja verkefnið okkar fyrir skólann. Það tókst að komast að niðurstöðu á sunnudaginn um hvaða fyrirtæki við ætlum að taka fyrir. Við eigum að velja okkur eitthvað fyrirtæki og gera síðu fyrir það án þess að hafa samband við fyrirtækið og auðvitað eigum við að skrifa svaka skýrslu um lausnina okkar og hvernig við unnum að henni. Ég skrifa seinna hér á síðuna hvaða fyrirtæki við völdum. :) En það er nóg að gera! Adios amigos!
Maggi.